KARTÖFLUÓÐALIÐ HEIMA

Nú hefur Árni M. Mathiesen, fjármálaráðherra keypt sér óðal að Kirkjuhvoli í Þykkvabæ og flutt þangað lögheimilið sitt.  Þegar ég sá fréttina hélt ég að hinn kartöflubóndinn, nafni hans úr Vestmannaeyjum væri að flytja búferlum en auðvitað var það ekki svo.  Árni þarf að sinna sínu fólki og er innmúraður Eyjamaður.  Ætli það sé nýjasta innstöffið hjá elítunni að eiga sveita- og þéttbýlisheimili?  Rosalegt veldi er á þessu fólki.  Það fylgir fréttinni að ÁM ætli að halda áfram að búa í Hafnarfirði jafnframt og dveljast þar lungann úr árinu.

Ég tek fram að ég er ekki öfundsjúk hef ekki áhuga á óðali uppi í sveit.  Né heldur geng ég með stóra drauma um að verða rík (nema þá í andlegum skilningi).  Mér finnst fréttin bara undirstrika þetta bil milli ríkra og snauðra sem hefur stækkað og stækkað í tíð núverandi ríkisstjórnar, bil sem verður óbrúanlegra eftir því sem núverandi valdhafar fá lengri tíma til að gera og skera (niður). 

Í almáttugs bænum gefum þessum körlum frí.  Þeir eru ekki tengdir við líf venjulegs fólks enda sést það glöggt þegar þeir mæta þreytulegir til kosningafunda í sjónvarpi. Eins og þeir séu að mæta af leiðri skyldu.  Árni sat í Kastljósinu með sinn "mérersvostórlegamisboðiðsvip" og Jón við hliðina á honum eins og herptur handavinnupoki í verulegri klemmu.

Sendum D og B í tímabært leyfi, langt leyfi.

Árni flytur lögheimili í Þykkvabæ

Athugasemdir

[Jenný Anna Baldursdóttir, 3.5.2007 kl. 00:36]

Ertu að meina að þá að hann verði seint sakaður um fégræðgi?

[Ragnheiður , 3.5.2007 kl. 01:18]

Jenný...hvað á ég þá að hafa á síðunni ?

[Anna Ólafsdóttir Björnsson, 3.5.2007 kl. 01:45]

Kartöflukommúna þar sem allir heita Árni? Hvernig ætli samkomulagið yrði á því heimili?

[Anna Ólafsdóttir (anno) (IP-tala skráð) 3.5.2007 kl. 02:06]

Árni *2 + Þykkvibær + kartöflur= Mér líst nú nokkuð vel á þessa formúlu. Hún getur til dæmis þýtt: Árnarnir Mathiesen og Johnsen hafa ákveðið að hætta í pólitík og gerast kartöflubændur  Málið dautt!

[Jenný Anna Baldursdóttir, 3.5.2007 kl. 10:09]

Ég ætla ekki að skrifa það sem ég las á einhverju bloggi um þá félaga en hvað hefur Þykkvabærinn með sína kartöflurækt til saka unnið?

[Jenný Anna Baldursdóttir, 3.5.2007 kl. 10:10]

Ragga mín það sem þú varst með eða eitthvað ljósara.  Hvað er td að þessu formi?. Það er í fleiri litum?  Annars er þetta bara smekksatriði og örgla bara hégómi í mér.  Finnst leiðinlegra að lesa þetta brúna og litlausa dæmi. Smúts.

[Hlynur Hallsson, 3.5.2007 kl. 10:39]

Sammála þér Jenný með að þeir þurfa langt og gott frí. Svona 4-8 ár í það minnsta. Þeir geta þá eitt meiri tíma á búgörðunum sínum. Bestu baráttukveðjur,

[Jenný Anna Baldursdóttir, 3.5.2007 kl. 10:58]

Sömuleiðis félagi Hlynur nú tökum við þetta.

[Ásthildur Cesil Þórðardóttir, 3.5.2007 kl. 11:00]

Mátulegt frí er málið,

mikið er það rétt.

Dundað við kartöflukálið

og keppt við þá nýríku stétt.

Sem elskurnar nú hafa alið

upp við sitt breiða brjóst.

En fríið í tugum þó talið.

Tel betra, er nokkuð ljóst.

[Jenný Anna Baldursdóttir, 3.5.2007 kl. 11:13]

Ásthildur Cesil þú ert BARA snillingur

[Ásthildur Cesil Þórðardóttir, 3.5.2007 kl. 11:16]

 Takk hehehehe..Þetta bara kom svona út úr mér.