SNEMMA BEYGÐIST KRÓKURINN

Var í einsemd minni að glugga í bók í kvöld sem inniheldur sögur af gyðjum og konum.  Þar var ég að lesa um tunglgyðjurnar þar sem bent er á að tunglið hafi alveg sérstaka þýðingu í gyðjusögunum. Kvartilaskipti tunglsins líkjast bæði tíðahring konunnar og hinum þremur aldursskeiðum hennar (nýtt tungl táknar meyjuna, fullt tungl hina þroskuðu konu og minnkandi tungl er tákn hinnar vitru konu sem er þá ég ofkorse). 

Ég rakst á þessa gömlu þjóðsögu á sanskrít um sköpunina á konu og manni í áðurnefndri bók og þar fékkst tvennt á hreint.  Við vitum núna hvaðan "you can´t live with them, you can´t live without them" er sennilega komið og að það hefur loðað svolítið við karlmenn gengum tíðina að reyna að skila sinni heittelskuðu heim til föðurhúsanna eins og gallaðri vöru séu þær ekki almennilega til lags.

"Þegar skaparinn skapaði manninn skapaði hann um leið konuna úr bogalínum tunglsins, lipurð eðlunnar, léttleika laufanna, gráti skýjanna, grimmd tígursins, mjúkum yl eldsins, kulda snævarins og blaðri skrækskaðans.  Síðan gaf hann karlmanninum hana.  Á þriðja degi kom maðurinn til Drottins allsherjar og sagði: "Þessi kona sem þú gafst mér blaðrar í sífellu, hún lætur mig aldrei í friði, krefst mikillar athygli, tekur allan tíma minn, grætur út af engu og gerir aldrei neitt.  Taktu hana aftur".  Drottinn gerði það.  En skömmu síðar kom maðurinn aftur og sagði: "Hún var vön að dansa og syngja fyrir mig, hún sendi mér svo fallegt augaráð og hún naut þess að leika sér, hún þrýsti sér að mér þegar hún var hrædd, hlátur hennar var eins og tónlist og hún var svo falleg.  Láttu mig fá hana aftur".  Drottinn gerði það.  Á þriðja degi kom maðurinn aftur með konuna og bað Drottinn að eiga hana.  "Nei" sagði hann "þú getur ekki lifað með henni og ekki án hennar þú verður að ráða fram úr þessu sjálfur"."

Hm... gæti hafa gerst í gær "eller hur"?

Lofjúgæs

P.s. Smá hugleiðing eftir að ég las þjóðsöguna.  Sko þetta er upphaf mannsins.  Guð skapar manninn og svo konuna og gefur karlinum konuna síðan að gjöf.  Fékk konan ekkert?

Athugasemdir

[Ester Sveinbjarnardóttir, 29.4.2007 kl. 06:10]

Það er ljótt að skilja útundan, eða var kanski raunin sú að kona fékk karlinn að gjöf ekki öfugt?

[Kristín Katla Árnadóttir, 29.4.2007 kl. 08:51]

Mér finnst alltaf gaman að lesa þjóðsögur, og ekki er það verra ef þær eru um hvað konur eru frábærar

[Ásthildur Cesil Þórðardóttir, 29.4.2007 kl. 10:20]

Það hefur verið karlmaður sem skrifaði þessa sögu nokkuð ljóst hehehe.. Þei rmega þakka fyrir að Guð var ekki kona og feminist, heldur andi.  Annar býð ég ekki í hvernig hinn dæmigerði karlmaður myndi líta út.  Eigum við að spá aðeins í það

[Anna Einarsdóttir, 29.4.2007 kl. 11:04]

Ó !  Fer að pakka mér inn.

[Jenný Anna Baldursdóttir, 29.4.2007 kl. 11:43]

Ég hlæ mig máttlausa stelpur