ÓDÝRT EN NÆST DÝRAST SAMT

Fyrirsögn Moggans  um lyfjakostnað er "HEILDSÖLUVERÐ Á LYFJUM ÞAÐ SAMA OG Á NORÐURLÖNDUM".  Í fréttinni kemur kemur svo í ljós að í gervallri Evrópu eru lyf dýrust hér, eða 60% yfir meðalverði, ef undan er skilið Sviss.  Smásöluverðið getur verið arfalágt en það er kostnaðurinn á lyfjunum með álagningu sem skiptir máli. 

Jakob Falur Garðarsson, framkvæmdastjóri frumlyfjaframleiðanda á Íslandi segir að allir stjórnmálaflokkarnir hafi sent frá sér ályktanir og stefni á að lækka útsöluverð lyfja.   

Ég spyr þá hvers vegna ekki er búið að lækka útsöluverðið fyrir lifandis löngu í öllu þessu bullandi "góðæri"?  Það eru sjúklingar og aldraðir sem mest þurfa á lyfjum að halda og þeir tilheyra ekki oft hátekjuhópunum sem eru að fitna og fitna á góðærinu títtnefnda. Velmegunin hefur nefnilega ekki farið með ljósum logum um allt samfélagið, svo fjarri því.  Ég er alveg hörð á því að með óbreyttri ríkisstjórn íhalds og framsóknar verður ekki rokið í að minnka kostnað öryrkja og ellilífeyrisþega í lyfjamálum né í heilbrigðiskerfinu.  Vinstri stjórn er það sem koma skal og hananú.

Heildsöluverð á lyfjum það sama og á Norðurlöndum

Athugasemdir

[Kolgrima, 23.4.2007 kl. 22:13]

Úff, ég man eftir því þegar stelpurnar voru litlar og niðurgreiðslur voru teknar af pensillíni vegna misnotkunar! Og sú eldri fékk í eyrun og ég, ríksisstarfsmaðurinn, átti ekki fyrir því og 10 dagar í næstu útborgun. Þetta var fyrir 1000 kreditkortadagana!

[Jenný Anna Baldursdóttir, 23.4.2007 kl. 22:22]

Pælduíðí hefði ekki átt að draga það af launum læknana.  Ekki skrifar fólk sjálft á sig reseptskyld lyf.

[Heiða Þórðar, 23.4.2007 kl. 22:26]

Innlitskveðja til þín mín kæra

[Ásdís Sigurðardóttir, 24.4.2007 kl. 00:31]

Sjúklingar, eins og t.d. ég og húsbandið borgum umtalsvert minna fyrir lyf en aðrir og einnig eldri borgarar. Við þurfum að kaupa mikið af lyfjum á hverju ári og þetta eru "smámunir" miða við annað. ( ég tek 4 lyf hann 5)