SKIPTIR ÞAÐ EINHVERJU MÁLI..

..hvort Simon Cowell ranghvolfir augunum eða gerir sig rangeygðan í framan?  Ég spyr vegna þess að á meðan fjöldi fólks er að deyja úr hungri, vosbúð, sjúkdómum svo maður tali nú ekki um mannfallið í Írak og aftökurnar í Saudi-Arabíu sem eru í fréttum dagsins. Skotárásin í USA var skelfileg en nánast samtímis féllu um 170 manns í stríðinu í Írak. Það virðist ekki vekja nándar nærri eins mikil viðbrögð og fjöldamorðin í USA.  Líf er líf.   Uppúrveltingur fólks varðandi augnaráð Colwells þegar talað var um morðin í Virginu er einkennandi fyrir rörsýn okkar vesturlandabúa.  Hverjum ætti ekki að standa á sama hvað þessi oflaunaða sjónvarpsdíva er að hugsa svona yfir höfuð?  Mér gæti ekki staðið meira á sama.

 

Simon ranghvolfdi ekki augunum

Athugasemdir

[Ester Júlía, 23.4.2007 kl. 11:15]

Mikið er ég sammála þér.  Varðandi fjöldamorðin í USA og svo hversu margir falla í Íraksstríðinu, þetta hvarflaði einmitt að mér þegar að heimurinn fór á hvolf við fjöldamorðin.  Ég er alls ekki að gera lítið úr fjöldamorðunum í USA  en það er eins og morðin í Irak ( Já MORÐIN)  séu orðin svo daglegt brauð að þau séu varla fréttnæm lengur.  Ég gæti grátið við að sjá og hugsa um litlu börnin í Irak sem eru drepin daglega eða liggja stórslösuð á sjúkrahúsum eftir sprengjuárásir. 

[Hrönn Sigurðardóttir, 23.4.2007 kl. 11:58]

sammála - gæti ekki verið meira sammála þér

smjúts

[Thor Thorarensen (IP-tala skráð) 23.4.2007 kl. 12:25]

Ég ætla mér að vera á öndverðu meiði.  Hví á Símon að breyta hegðun sinni?  Hví ætti ég að hætta að ranghvolfa í mér augun yfir smámunum?  Ég veit vel og hef lengi vitað að á degi hverjum deyja rúmlega 20.000 börn úr sjúkdómum sem rekja má til hungurs og vannæringar.  En hvað á ég að gera? 

[Heiða B. Heiðars, 23.4.2007 kl. 12:34]

Jamm forgangsröðunin hjá okkur er meira en lítið brengluð

[Kristín Katla Árnadóttir, 23.4.2007 kl. 14:15]

Ég er svo gjörsamlega sammála þér Jenný.

[Ragnheiður , 23.4.2007 kl. 14:23]

Maður er því miður löngu orðinn dauður og hálfónæmur fyrir þessu öllu...það er sorglegt.

[Ásthildur Cesil Þórðardóttir, 23.4.2007 kl. 16:29]

Jamm hverjum er ekki sama hvort Símon ranghvolfir augunum eða ekki. Ég er líka sammála hræsninni sem kemur svo vel í ljós ef eitthvað hendir okkar fólk, þó allt sé í volli annarstaðar.  Líf er líf, móðurkærleikurinn er sá sami hvar sem sú móðir býr, og sorgin er alveg jafn djúp í Timbúktú og Thailandi.

[Maja Solla (IP-tala skráð) 23.4.2007 kl. 21:13]

Ég leyfi mér einmitt að giska á, að hann hafi verið að ranghvolfa í sér augunum út af allri athyglinni sem "mikilvægu" morðin í USA fengu miðað við hin sem eiga sér stað á hverjum degi, t.d. í Írak þar sem Kanar eru oftar en ekki sökudólgar.