Kerlingabók

Laugardagur, 7. apríl 2007

MISYNDISMAÐUR AF ERLENDU BERGI BROTINN?

Nú má fólk fara að vara sig! Engin leyndarmál eru leyfð lengur þegar meðaljóninn ætlar að færa viðskipti sín yfir til KB-banka.

Þú ert spurður að því hvort þú eða fjölskylda þín tengist hryðjuverkastarfsemi. Svo er náttúrulega spurt hvort foreldrar þínir séu að erlendu bergi brotin. Þeir hjá Kaupþingi hljóta að eiga fyrir nýjum þyrlupall fyrir næsta áramótapartí sem haldið er að þessu sinni við pýramídana í Egyptalandi (segi sonna). Ekkert voða æstir í nýja viðskiptavini. Þeir eru greinilega vandir að valinu hjá Kaupþingi þegar að fólk vill færa viðskiptin sín yfir til þeirra. Útlenskur bakgrunnur er jafn hættulegur og hryðjuverkastarfsemi hlýtur að vera fyrst það skiptir máli fyrir bankann að hafa það mál á hreinu.

Reyndar sagði starfsmaður bankans við viðskiptavininn að þetta væru misgáfulegar spurningar. Hm.. ég ætla aldrei að færa viðskiptin mín yfir í Kaupþing. Ég er komin af frönskum duggurum og alkahóliseruðum danakonungi í móðurætt svo ég leggi nú á ekki nokkurn mann að fara að skilgreina föðurættina. Ég held mér við Sparisjóðinn enda engar þyrlupallabyggingar áformaðar þar á næstunni. Eftir því sem ég kemst næst.

Gaman að þessu krakkar

	„Ertu hryðjuverkamaður?“
Ábyrgðarmaður færslu Tilkynna um óviðeigandi tengingu við frétt

Meginflokkur: Bloggar | Aukaflokkar: Bækur, Dægurmál, Ferðalög, Kvikmyndir, Lífstíll, Menning og listir, Sjónvarp, Spil og leikir, Stjórnmál og samfélag, Tónlist, Vefurinn, Vinir og fjölskylda | Facebook

Athugasemdir

Það ætti einhver að prófa að segja já við þessari spurningu, kannski fær viðkomandi ferð til Kúbu í verðlaun.

Björn Heiðdal, 7.4.2007 kl. 14:25

Frænka!!! Ég er líka komin af frönskum duggurum í móðurætt ... þaðan koma brúnu augun og svarta hárið sem ég erfði því miður ekki ...

Guðríður Hrefna Haraldsdóttir, 7.4.2007 kl. 15:40

Ég erfði hins vegar bæði augu og hár hehe.

Björn sá sem yrði svo lukkulegur að vinna ferð til Kúbu!

Jenný Anna Baldursdóttir, 7.4.2007 kl. 15:43

Hmmm, kíkti í Íslendingabók. Við erum tímenningar og svona líka náskyldar í föðurættina mína frá Flatey á Skjálfanda ... hmmmm

Sameiginlegu llllllllllllangafi og -amma eru Stefán Ólafsson 1619-1688 og Guðrún Þorvaldsdóttir 1625-1700.

Guðríður Hrefna Haraldsdóttir, 7.4.2007 kl. 15:44

Þetta breytir öllu Guðríður. Ólíkt öðrum íslendingum þá erum við skyldar. Var það nema von að ég fílaði þig svona í tætlur kona

Jenný Anna Baldursdóttir, 7.4.2007 kl. 16:02

Hhahhahahahahah

Guðríður Hrefna Haraldsdóttir, 7.4.2007 kl. 17:37

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir

Bara eins og ég kem fyrir af skepnunni. Er með róttæka vinstri slagsíðu, með fagurgrænu ívafi ásamt femínískum töktum þegar við á. Ég bít ekki. Eða bít ég? Það fer tvennum sögum af því.

jennfo.baldursdttir@gmail.com