LISTIN AÐ TAPA MEÐ REISN

 

Samtökin Hagur Hafnarfjarðar segjast hafa rökstuddan grun um að 700 manns hafi flutt lögheimili sitt til Hafnafjarðar til að geta kosið um deiliskipullagið.  Auðvitað var mjótt á mununum í þessum kosningum en það ber að virða niðurstöðuna.  Á þriðjudaginn n.k. eru samtökin með fund þar sem ákveðið verður hvort þeir ætli að kæra meint kosningasvik.  Rosalega finnst mér leiðinlegt þegar fólk getur ekki tekið lýðræðislegri niðurstöðu kosninga.  Ég ætla rétt að vona að ef úrslitinn hefðu verið á hinn veginn hefði Sól í Straumi ekki farið að grenja og vælt um kosningasvik.  Alla vega hefði mér fundist virðingarvert ef Hagur Hafnarfjarðar hefði látið eiga sig að tjá sig um þetta mál þar til að þeir væru búnir að ákveða að kæra.  Lyktar af einhverjum undirróðri sem mér fellur illa.

Hagur Hafnarfjarðar segir brögð í tafli

Athugasemdir

[Siggi (IP-tala skráð) 2.4.2007 kl. 01:33]

En ef það kæmi svo í ljós að það hefðu 700 manns flutt lögheimil sitt fyrir kosningar bara til að kjósa á móti álverinu, findist þér þá úrslitin sanngjörn ? Mér finnst allt í lagi að menn fari eftir settum reglum og ef það vakni sterkur grunur um einhvað annað þá sé rétt að kanna það betur.

[Siggi (IP-tala skráð) 2.4.2007 kl. 02:45]

Hafi einhverjir flutt lögheimili sitt, þá er nokkuð ljóst að þeir hafa gert það innan laga og reglna sem sett voru við kosningarnar enda hefðu þeir hinir sömu ekki fengið í hendur atkvæðaseðil.

[Ásthildur Cesil Þórðardóttir, 2.4.2007 kl. 10:01]

Lúðvík Geirsson segir í viðtali í morgun að það hafi verið sérstaklega fylgst með þessu og ekkert bendir til slíks.  Þetta er frekar aumkvunarvert finnst mér. 

[Ragga (IP-tala skráð) 2.4.2007 kl. 10:49]

Það er ekkert vesen að flytja lögheimili,maður skreppur bara inn á einum stað og fyllir út blað. Þeir sem í alvöru fylgja sínum málstað myndu líklega ekki hika við það en eins og cesil segir þá  segir bæjarstjórinn ekkert benda til þess.

Það er gott mál en þá jafnleiðinlegt fyrir málflutning hags hafnarfjarðar. 

[B Ewing, 2.4.2007 kl. 14:02]

Hefði önnur hvor fylkingin hafið smölun á fólki í sveitarfélagið gegn atkvæði með eða á móti, þá hefði það strax orðið fréttamatur.  Ég hef enga trú á að þetta hafi verið svona, ef það voru einhverjir sem fluttu lögheimilið vegna kosningana þá gátu þeir samt sem áður gagngert flutt lögheimilið til þess að greiða atkvæði með Álversstækkun eins og hitt.

Ca. 1/3 álversstarfsmanna eru búsettir í Hafnarfirði.  Þessi þriðjungur hefði hæglega getað flutt vinnufélaga sína inn til sín til málamynda og komið t.d. með póstinn þeirra í vinnuna og afhent hann þar uns atkvæðagreiðslunni lyki og .. og.... 

....það er hægt að varpa fram alls konar samsæriskenningum en að mínu mati eru allar kenningarnar sem hafa komið fram hingað til algveg rakalaus þvættingur.