MAYSAN FÓR ÁÐUR EN HÚN KOM!

Á leið í næturgistingu hjá Granny-J     Mays og Oliver sem er á flótta

Fyrir vini, kunningja og aðra áhugasama skelli ég hér með nokkrum myndum frá s.l. helgi þegar Maysan mín og Oliver voru í opinberri heimsókn hér á landi.  Oliver er hér enn og nú er pabbi hans kominn.  Maysan hefur alltaf verið eins og fló á skinni út um allt, gert margt í einu en núna toppaði hún sjálfa sig.  Hún kom á fimmtudegi og var farin í bítið á mánudegi og henni tókst að hitta mömmu sína oftar en einu sinni, hitta þessar 1003 vinkonur sínar (ekki allar í einu), gista með Oliver hjá Söru systur sinni, hitta Helgu elstu systir og gera fimmhundruð og fjörtíu hluti áður en hún fór. Það má segja að í þetta skipti hafi hún verið farin áður en hún kom.  Ég áttaði mig amk. ekki á því að hún hafi verið hér fyrr en eftir að hún var lögð á stað heim.  En ein vinkonan giftir sig í maí og þá kemur stormsveipurinn aftur.  Ég hlakka tryllingslega til

P.s. Takk amma-Brynja fyrir að vera með myndavélina á lofti.

Maysa og Andrea bestuvinkonur        ..ég hugsa, þess vegna er ég

Oliver og amma-Brynja í Vegamótafíling      Mays og vinkonurnar

Athugasemdir

[Frumburðurinn (IP-tala skráð) 29.3.2007 kl. 13:57]

Systrakvikindið er ölvað á öllum myndunum ! Til þess að því sé einnig haldið til haga þá náði hún ekki að hitta stórusystur sína, en það helgaðist af því að ég var í skítaveðri úti á landi alla helgina. Það kom ekki í veg fyrir að litli grindjáninn hringdi ítrekað og hvatti mig að koma í bæinn þar sem "hún hafði ekkert að gera". Krakkinn er ofvirkur. 

[Jenný Anna Baldursdóttir, 29.3.2007 kl. 14:02]

Ég ligg í gólfi frumburður.  Hún er ofvirk hún Maysa og heldurðu að hún sé íðí konstant? Hehe.  Ég hélt að þið hefðuð hist á sunnudaginn. Sjitt. Jæja Sóley giftir sig í byrjun maí þá kemur sú ofvirka aftur. Love from mommy dearest.

[Ásthildur Cesil Þórðardóttir, 29.3.2007 kl. 17:29]

Yndisleg börn þarna Jenný mín af öllu stærðum og gerðum.  Rík ertu stelpa.