200.000 KONUR

Nú hefur Shinzo Abe, forsætisráðherra Japans beðið afsökunar á að Japanski herinn hafi neytt um 200.000 kvenna til vændis í vændishúsum hersins í síðari heimstyrjöldinni. Hann virðist nú meira hafa stunið út úr sér afsökunarbeiðninni en Abe hafði nýlega látið hafa eftir sér að konurnar hefðu nú tæpast verið neyddar til nokkurs!  Kannast einhver við þessa útskýringu á vændi? Það þarf vart að fara lengra en til gærdagsins til að heyra ámóta röksemdafærslu um konur sem neyðast út í vændi.

Ekkert er nýtt undir sólunni.

Það er ekki ýkja langt síðan að nauðgun fór að teljast til glæpa í stríði.  Að nauðga sigruðum konum þótti eðlilegur bónus en ekki glæpur.

Það er allavega verið að biðjast afsökunar bæði á einu og öðru þessa dagana, víðsvegar um heim.

Abe biðst afsökunar í vændiskonumálinu

Athugasemdir

[Steinunn Helga Sigurðardóttir, 27.3.2007 kl. 05:39]

því miður þykir nauðhun sterkt vopn í stríð. það gerist í kringum okkur í dag og er hræðilegt til þess að hugsa.

ljós til þí úr þeim heimi sem við lifum í

steina 

[Ásthildur Cesil Þórðardóttir, 27.3.2007 kl. 09:15]

Já maður fyllist stundum algjöru vonleysi yfir vonsku heimsins.  Ekkert er heilagt ekki einu sinni sakleysi barnanna okkar.

[Katrín Snæhólm Baldursdóttir, 27.3.2007 kl. 11:18]

Það er rétt sem þú segir Jenný...heimurinn er að vakna til vitundar um hvað er hvað og jafnvel biðjast afökuna sem er mun vænlegra og vonbetra en að kannast ekki við glæpina. Þess vegna held ég ...nei trúi ég að við séum að komast á nýjan stað þar sem við getum tekið betri skref með meiri skilningi og viksu. Hjartað mannsins er farið að slá í takt við kærleikann og mun bara gera það meir og meir og meir.....Það er nefninlega betra að vera með opin augu og sjá hvað er og hvað þarf að gera en að vera í afneituninni. Þar getur heilunin byrjað.