Vífill - þú ert megadúlla

Ég er í kasti.  Þegar ég horfði á fréttirnar á báðum stöðvum eins og nánast alltaf, og svo Kastljósið var ég að velta fyrir mér af hverju forsetavinurinn Vífill á Skaganum væri svona ólíkur sjálfum sér í Kastljósinu, frá því sem hann var í fréttunum á Stöð 2. 

Ég var alveg: Hm.. hann var ljóshærður áðan, og á mynd sem ég sá í dag var hann svona eins og hann er núna (Kastljós) og heilinn á mér var að brenna yfir.

Ég skrifaði þetta á falalalala-ástandið sem ég er í.  Jólin gera manni hluti.

Svo rakst ég á eitthvað blogg þar sem því er uppljóstrað að Vifill sendi vin sinn í viðtalið á Stöð 2.

Ég elska svona fólk.

Það bara lýsist upp tilveran svona í svartasta skammaranum.

Einn Vífil í jólapakkann á hvert heimili.

Þetta verða Vífilsjól og það er ekki Júlíusi að þakka.

Falalalala.

Það er dásamlegt að geta fengið að hlægja smá og maðurinn er eitraður.

Viðsnúningur dóms

 Tekið af Vísi.

"Hæstiréttur sneri í dag við dómi héraðsdóms yfir manni sem ákærður var fyrir að hafa framið kynferðisbrot gagnvart dóttur sambýliskonu sinnar.  Maðurinn var ákærður fyrir að hafa sett fingur upp leggöng stúlkunnar og káfað á henni á heimili þeirra árið 2002. Hlaut hann 12 mánaða dóm í héraði, þar af níu skilorðsbundna."

Upplýsingar frá mér:

Mál þetta dæma hæstaréttardómararnir Gunnlaugur Claessen, Árni Kolbeinsson, Garðar Gíslason, Ingibjörg Benediktsdóttir og Markús Sigurbjörnsson.

Ingibjörg Benediksdóttir skilaði sératkvæði sem hljóðar svo:

 "Héraðsdómur, sem skipaður var þremur embættisdómurum, hefur metið framburð Y, móður hennar og annarra vitna trúverðugan. Vísa þeir í niðurstöðu sinni sérstaklega til þess að frásögn stúlkunnar hafi verið greinargóð og ítarleg, hún hafi skýrt sjálfstætt frá atburðum, fullt innra samræmi hafi verið í framburði hennar og vætti hennar sé stutt öðru því sem fram er komið í málinu. Þótt stúlkan og móðir stúlkunnar hafi ekki með vissu geta sagt við rannsókn málsins hvenær umrætt samkvæmi í bílskúrnum átti sér stað rýrir það ekki framburð þeirra, sem héraðsdómur hefur sem fyrr segir metið trúverðugan. Er einnig til þess að líta að þegar skýrslur þeirra voru teknar hjá lögreglu voru um fjögur ár liðin frá atvikinu og þess því ekki að vænta að þær gætu greint frá með vissu hvenær samkvæmið var haldið. Við rannsókn málsins og meðferð þess skýrðist þetta atriði hins vegar nánar. Þegar litið er til framburðar stúlkunnar og vitna er ekki varhugavert að telja fram komið að umrætt samkvæmi hafi verið haldið í apríl 2002. Að þessu virtu og að öðru leyti með vísan til forsendna héraðsdóms tel ég rétt að staðfesta niðurstöðu hans um sakfellingu, en ákveða refsingu hans 15 mánaða fangelsi. Þá er ég sammála niðurstöðu dómsins um miskabætur og málskostnað."

Ég gef þessum hæstaréttardómurum falleinkunn, að undanskilinni Ingibjörgu Benediktsdóttur, í þessu tilfelli.

Sveiattann!

 

Ábendingar óskast

Áfram held ég með bókaóskalistann minn en það eru bækur sem ég ætla að kaupa, fá lánaðar eða láta gefa mér í jólagjöf.

Bókhaldið verður að vera á hreinu.

Vigdís Gríms

Einar Már

Sigurður Pálsson

Gerður Kristný (báðar bækur, líka barna)

Jónína Leós (Tjékk, komin í hús)

Ingibjörg Haralds

Pétur Gunnars (Bókin um Þórberg)

Pétur Blöndal (ekki alþingismaður)

Hrafn Jökulsson

og fleiri.  Ábendingar um nýjar bækur þegnar. 

Ekki væri verra að fá að heyra álit þeirra sem þegar eru búnir að lesa þessar á listanum.

Segi það enn og aftur; ég myndi myrða fyrir að vera í aðstöðu til að lesa allar útgefnar bækur, en lífið getur verið bölvuð tík.

Falalalala

Jólastress í röðinni

 

Ég var að kaupa í matinn.  Jájá.

Hjónin á undan mér í röðinni, smá pirruð svona, allavega helmingur þeirra.

Annaðhvort: Rosalega ertu lengi að renna þessu í gegnum skannann maður, ertu útlendingur eða hvað?

Kassamaður: Nei, ég er frá Hornafirði.

Ah: Ég vissi að það var ekki alveg í lagi með þig.  Flýttu þér, við erum að ELDAST hérna.

Ég: Fyrirgefið en væruð þið ekki til í að vera aðeins kurteisari (þarf alltaf að blanda mér í alla hluti)

Annaðhvort eða bæði: Ert þú ekki þessi bloggandi kjéddling, alltaf rífandi kjaft?  Grjóthaltu þér saman addna. 

Hún: Guðmundur réttu mér einn helvítis poka í viðbót!

Ég færði mig um fjóra kassa enda hrædd við fólk í ham.

Ætli jólasveinninn sé til?

Fala

Trúarblogg???

 

Ég er alltaf að uppgötva nýjar hliðar á sjálfri mér, ég er nefnilega svo margslunginn persónuleiki.  DJÓK!!!

Hvað um það, ég hef verið að velta því fyrir mér undanfarið, hvernig ég gæti látið gott af mér leiða fyrir jólin, þannig að það skilaði sér.  Það eru svo margir sem eiga um sárt að binda í þessu þjóðfélagi "allsnægta" og erfitt að koma sér niður á eitthvað eitt, þar sem ég hef takmarkaða fjármuni til verkefnisins, enda aldrei gefið mig út fyrir að vera af Baugsættinni.  En margt smátt gerir eitt stórt.

Ég er komin að niðurstöðu.  Ég ætla að styrkja Hjálpræðisherinn fyrir þessi jól.  Já öðruvísi mér áður brá.  Ég hef ekki beinlínis verið þekkt fyrir aðdáun mína á sértrúarsöfnuðum og sá stærsti, þjóðkirkjan,  er sá sem er í neðstu sætum vinslædarlistans, ef hægt er að tala um lista í þessu sambandi, og þá vegna skorts á umburðarlyndi og mannkærleika, sem hefur glögglega komið í ljós á þessu ári sem senn er á enda.

Hjálpræðisherinn heldur því ekki fram að hann sé með persónulega vitneskju um smekk Guðs og sonar hans á hvernig fólk eigi og eigi ekki að vera.  Hann boðar ekki helvítisvist fyrir þá sem eru fyrir utan normið og hann hrópar ekki á torgum um eigin mikilfengleika og óskorðaða umboðsmennsku sína fyrir Guð á jörðunni.

Hjálpræðisherinn lætur verkin tala.  Þeir taka á móti okkar minnstu bræðrum á jólunum, gefa þeim að borða, sýna náungakærleika og gera það með gleði án þess að hreykja sér af því. 

Þeir trana sér ekki fram og þeir setja engin skilyrði fyrir hjálpinni.

Þess vegna, læt ég eitthvað af mínum heimilispeningum renna þangað. 

Og ég er viss um að þar verða þeir nýttir til góðra verka.

Ég hvet alla til að velja sér verkefni til að styrkja.  Það er flott jólagjöf.  Við verðum að hjálpast að eins og stelpurnar mínar segja.

Amen  í boðinu

Kynferðislegt ofbeldi?

Úr pistli gærdagsins.

"Fréttastofan leggur mikla áherslu á að eftirfarandi konur fái mök og það strax: (Ef Ásgeir Kolbeinsson treystir sér ekki í þetta verkefni þá hefur Fréttastofan náð samningum við eftirfarandi menn til að afgreiða "dömurnar": Buka Wamukota Damnida Wanjala, Yao Vinza Yohanze Mohumbu og Jamal Johnson.)

"Prinsessa" A.
Prinsessa A fór mikinn í Kastljósinu á dögunum þar sem hún sat á móti Agli Helgasyni og reyndi að rífa kjaft. Aldrei hefur kvenmaður misst jafn mikið magn af saur í Kastljósinu áður. A talaði í hringi og vissi ekki hvort það voru páskar eða jól. Fréttastofan hafði samband við Þórhall Gunnarsson ritstjóra Kastljóss og hafði hann þetta um málið að segja: "Ég vil helst ekki tjá mig um málið en ég get sagt að það er ennþá verið að reyna að þrífa stúdíóið og á mínum 35 ára ferli hef ég aldrei séð annað eins". Fréttastofan hefur tilnefnt Ásgeir Kolbeinsson og Jamal Johnson í að tittlinga A ASAP.

"Prinsessa" B.
Prinsessa B hefur aldrei fengið stifan lim og því hefur Fréttastofan ákveðið að senda Ásgeir, Jamal, Buka og Yao alla í þetta verkefni. B. toppaði sjálfa sig í leiðindum þegar hún stakk upp á því að nýfædd börn yrðu ekki sett í blá eða bleik föt. B er í fullri vinnu við að vera óþolandi og tala með rassgatinu og það er kominn tími til að þagga niður í henni og munu þessir herramenn sem Fréttastofan taldi upp áðan fylla hana eins og hátíðarkalkún. Það mun vonandi vera til þess að hún steingrjóthaldikjafti og fari að haga sér.

"Prinsessa" C. Prinsessa C er portkonan sem vildi breyta orðinu ráðherra í ráðfrú fyrir konur. C þarf lim og það strax. Á hana dugar ekkert annað en lágmark tveir harðir og munu Buka og Yao taka þetta verkefni að sér. Fréttastofan ákvað að gefa Ásgeiri Kolbeinssyni frí í þetta skiptið, en Fréttastofan vill ekki hafa það á samviskunni að Ásgeir finnist hangandi í ljósakrónu í vesturbænum.

"Prinsessa" D.
Fréttastofan verðlaunar að sjálfsögðu fólk sem gerir góða hluti og D er að gera mjög góða hluti og fær hún Blástursverðlaun Fréttastofunnar í ár. Samkvæmt áreiðanlegum heimildum Fréttastofunnar hefur D bætt öll met í blæstri á samstarfsfélögum sínum og yfirmönnum á Fréttablaðinu. Heimildarmaður Fréttastofunnar vildi ekki koma undir nafni en hann hafði þetta að segja: "Ég hef aldrei séð annað eins, hún gengur um fyrirtækið eins og mennsk Nilfisk ryksuga. Hún er duglegri að ryksuga inni hjá yfirmönnunum en af og til verðum við strákarnir niðri lucky og hún "ryksugar" okkur ef þú veist hvað ég á við."

Hversu langt er hægt að taka málfrelsið áður en eitthvað er að gert?

Spyr ég eins og sú fávísa kona sem ég er.

Kynferðislegt ofbeldi?

Þau koma bráðum..

og...

við...

..amma Brynja erum að drepast úr spenningi og við höfum grun um að það verði kátt um jólin á amk tveimur heimilum í borg óttans.

Simon (Cowell) verður auðvitað ekki glaður með þessa för Maysu til heimalandsins, hann rekst ekki á hana á meðan..

..en það verður ekki á allt kosið kallinn minn.

Falalalalala og það eru fargings 18 dagar til jóla.

Úje.

Er ég stjórnarandstæðingur?

Já, ætli ég verði ekki að játa það á mig.  Ég er meira að segja í bullandi andstöðu við ríkisstjórnina, þessa samsuðu Samfylkingar og Íhalds, og er vart búin að jafna mig á að ekki hafi verið mynduð vinstri stjórn.  En....

.. það þýðir ekki að ég sé ekki með misjafnar skoðanir á einstaklingum innan sömu stjórnar.

Fyrir utan mínar aðalhetjur í pólitík, sem merkilegt nokk, eru flestar í VG, að undanskilinni Jóhönnu Sigurðardóttur og örfáum öðrum.  Jóhanna er á topp tíu hjá mér og mér finnst hún einn af okkar flottustu stjórnmálamönnum.  Ég treysti fáum betur en henni, til að leiðrétta það skelfilega óréttlæti sem dunið hefur á öldruðum og öryrkjum undanfarin löng og myrk ár, sem ríkistjórn Framsóknar og Íhalds, vermdu valdastólana.

Þess vegna kemur mér ekki á óvart að Jóhanna láti verkin tala.  Hún er þeirrar gerðar.

Mikið skelfing finnst mér hún dásamleg tilbreyting í öllu kraðakinu af kjaftandi pólitíkusum sem gleyma kjósendum um leið og þeir eru komnir í valdastóla.

Þorgerður Katrín skorar hátt hjá mér líka og Solla er ekki slæm heldur.

Samt hika ég ekki við að eigna Jóhönnu bróðurpartinn af þessu frábæra framtaki, það ber með sér karakterinn hennar, eins og hann horfir við mér.

Nú mun ég gefa algjöran skít í þessa stjórn á næstu vikum.  Það verður að gagnrýnijafna.

Jóhanna á hinsvegar bara fallegar hugsanir skildar. 

Ælofðevúman.

Úje og falalalala

Tekjur maka skerði ekki bætur

Edrúafmæli - Jólasnúra.

Fyrst vil ég þakka allar hlýju kveðjurnar sem okkur hafa borist vegna þess að í dag 4. desember eru 10 ár frá dauða litla barnabarnsins míns, hans Arons Arnar.  Mamma hans les bloggið og ég veit að henni þykir vænt um kveðjurnar.  En lífið heldur áfram.

Nú er það edrúafmælið mitt (5.des.). 14 mánuðir liðnir frá því ég fór á Vog, hvorki meira né minna.  Og þvílíkir mánuðir.  Ég verð næstum klökk þegar ég hugsa til þess hversu gefandi og góðir þeir hafa verið og hversu heppin ég er að hafa nú álpast í meðferð loksins.

Ég hef sum sé hangið sæl og ánægð á minni edrúsnúru, bærst í vindinum, stundum hafa stormað geysað, en aldrei lengi í einu. 

Ég blogga um alkahólisma fyrst og fremst fyrir sjálfa mig, til að halda mér við efnið og til að minna mig á.  Það hefur reynst mér vel og ég er búin að skrifa mig frá skömminni.  Það eitt og sér er þess virði að skella þessari baráttu á netið.

Í mér blundar líka sú von að einhver þó ekki væri nema einn, geti nýtt sér það sem ég skrifa og jafnvel fundið huggun og hvatningu af lestrinum.  Reyndar veit ég að það hefur hjálpað þó nokkrum og það hvetur mig til að halda áfram.

14 allsgáðir mánuðir er ekki lítill tími, ef tekið er tillit til þess að fyrir meðferð komst ég ekki í gegnum daginn án þess að deyfa mig með áfengi eða pillum.  Hm.. að tala um helsi, ójá.

Bloggdagurinn mikli er að kvöldi komin.  Í dag hef ég bloggað manískt, jafnvel þegar ég sjálf á í hlut, en tilgangurinn var að dreifa huganum.

Það tókst og svo þakka ég fyrir komment dagsins sem fengu mig til að skella upp úr hvað eftir annað.

Það er flottast að vera edrú, fyrir konu eins og mig.

Alveg langflottast.

Á morgun bíða jólafærslur ásamt dassi af öðru, ég þarf alltaf að vera að bögga fólk.

Falalalalala

Krakkar, varð að skella þessu hér inn í péessi.  Það eru fargings 19 dagar til jóla.  Ég er farin að ofanda.  Jösses.

Jólastemming í tali og tónum..

 

eða.. í tónum ef þið kaupið nýja jólalagið frá Baggalút.

Hér í húsi er undirbúningur undir jólin á fullu blasti.  Úje. 

Út um eldhúsgluggann sé ég blokk og þar gefur á að líta eina sundurleitustu jólaskreytingu mannkynssögunnar, þ.e. hvað varðar liti lögun og skreytingaraðferðir.  Mér finnst það lýsa svolítið einstaklingseðli Íslendingsins, að búa með öðrum en gefa fjandann sjálfan í  alla sýmmetriu og skreyta sjálfstætt.  Ekkert samvinnukjaftæði neitt.

Mér finnst þetta krúttlegt, jafnvel þó blokkin, sé á að líta eins og vafasamur samkomustaður fyrir perra sem ferðast til ónefndra Asíulanda í svínslegum tilgangi.

Á einum stað er búið að skreyta jólatré.  Mér varð svo mikið um að ég hringdi í jólalögregluna og kærði viðkomandi.

Annars er ég að baka, hvað annað, fellur aldrei verk úr hendi í desembermánuði, ég er svo svakalega jóluð á því.

Nú er ég að hlusta á jólalög með Frank Sinatra, búin að kveikja á kertum og ilmurinn úr eldhúsinu er svo lokkandi.

Falalalalala

Baggalútur í jólafíling