Ég sveiflast til og frá

 

Ég veit að ég læt eins og ég sé prótótýpan af jólasveininum.  Sum sé tryllt úr jólagleði allan desember og gott ef ekki nóvember líka.  Það er að hluta til rétt.  Ég elska myrkrið út af ljósunum sem lýsa í því, nýt þess að dúlla mér heima hjá mér, enda dreymdi mig um að gera einmitt það öll árin sem ég vann utan heimilis.  Mér finnst frábært að fá loks að upplifa það.

Það er eitthvað svo mikið öryggi falið í skammdeginu.  Það er svona alltumvefjandi og flauelsmjúkt og ég er ekki að vera skáldleg hérna.  Þetta er einfaldlega staðreynd.  Kannski eru hlutirnir hæggengari í myrkrinu, minni læti og hamagangur.

Amk er ég meyrari í desember en annars. Ég er einn tilfinningavöndull.  Frumburðurinn minn fæddist í desember, ég gifti mig, Jenný Una á afmæli, jólin koma og árið líður, allt að gerast og ég er alveg ferlega upphafin á kvenlegu og yndislegu tilfinningaflippi. 

Svo dó hann Aron minn, litla barnabarnið í desember fyrir 10 árum.  Það gerir mig dapra stundum og meyra en samt þakkláta fyrir það sem var.  Einhvernvegin verður maður að sansa raunveruleikann, sættast við hann og læra að lifa með honum. 

Ég held að ég hafi gert það.

Ég er sátt.

Maysa mín, Robbi og Oliver verða með okkur um jólin.  Jenný Una fær væntanlega lítinn bróður í desember (svo framarlega sem barn seinkar sér ekki all verulega) og Þorláksmessa, skemmtilegasti dagur ársins er framundan.

Hvers getur kona óskað sér frekar?

Jú hún óskar sér þess að allir fái gleðileg jól og njóti nærveru við sína nánustu yfir hátíðarnar.

Svo kemur hér eitt fallegast jólaleg í heimi, hin síðari ár. 

 Írska jólalagið.

Hvað sagði ég ekki?

 

Nú, nú, passandi tímasetning á þessari frétt.  Ha?

Kona er ekki fyrr búin að láta taka viðtal við sig um eldhúsalkahólisma og drykkju bak við byrgða glugga, er þetta birtist.

Í fréttinni kemur ma fram:

"Ein af hverjum tíu sænskum konum á sextugsaldri drekka meira en hollt þykir. Sjö þúsund sænskar konur á sextugsaldri tóku þátt í könnun um heilbrigðismál með sérstakri áherslu á áfengisneyslu og geðheilsu þeirra. 

Tíunda hver kona sem tók þátt í könnuninni fer yfir hættumörk í áfengisdrykkju og jafnvel svokölluð fyllerísdrykkja er almenn meðal þessa aldurshóps kvenna."

Það er greinilega ekki bara á Íslandi sem fjöldi kvenna á miðjum aldri er að auka drykkju.

Mikið skelfing myndi ég vilja vita hvað veldur þessari aukningu?

Einhver?

Allt í einu rann upp fyrir mér það dimma ljós að ég muni sjálf vera á sextugsaldri, og búin að vera í nokkur ár

Er annars edrú, glöð og í góðum málum.

Vona að það sé að ganga elskurnar mínar 

Falalalalala

Konur drekka hættulega mikið

Smá krúttsería

Maysa og Robbi eru búin að týna myndavélinni sinni og það er fátt um myndir frá London af þeim sökum.  Amma-Brynja reddar þó því sem reddað verður, þessi elska og var að setja inn myndir frá því í nóvember, þegar Robbi útskrifaðist.

Fyrir vini, fjölskyldu og aðra velviljaða, set ég hér inn nokkrar myndir.

Maya og Robbi flott á því       og Maysan pósar fyrir mömmu sína

Knús fyrir nóttina                     svo er horft á eitthvað spennandi

Oliver elskar ömmu-Brynju      Tammtatamm.. Robbi útskrifaður

Smá uppgjör

Ég get ekki verið þekkt fyrir annað en að þakka kærlega fyrir allar kveðjurnar sem ég hef fengið í dag, úr ýmsum áttum.  Alveg bráðnauðsynlegt að fá hvatningu þegar maður hengir sig út til sýnis.

Nóg um það.

Jenný Una er hjá mér vegna þess að bróðir hennar er jafnvel á leiðinni, virðist samt vera dálítið að slá úr og í með það.

Í baði

Amman: Jenný mín, nú verður þú að koma uppúr.

Jenný: É vilða ekki, ég segi brert nei

Amman: Ha????

Jenný: Ég segi brert nei (fingri beint í átt að ömmunni til að undirstrika meiningu)

(Kviknaði á peru hálftíma síðar, hafði sjálf sagt nokkrum sinnum "þvert nei" skömmu áður í símann.)

Yfir kvöldsögunni

Amman: Við lesum þessa bók um Einar Áskel.

Jenný Una: Hann heitir ekki Einar Áskell amma (brosir) hann heitir Alfons Åberg, pabbi minn segir það.  ..Og

..börn mega ekki sparka og slá, það er mjög bannað.  En ég lemmdi einu sinni Franklín Mána Addnason og Söru Kamban.  Mjög laust.  Ég máði það alveg, pabbi minn segir það.

Já og svo var nú það.

Er örþreytt eftir daginn, farin upp í rúm að lesa.  Vona að pirringsfrömuðirnir hafi eitthvað að dunda sér við annað en mig meðan ég sinni literatúrískum skyldum hérna við hirðina.

Cry me a river.

Falalalalala

 

Í dag..

 

..voru teknar af mér ljósmyndir, ég er ekki búin að sjá þær en ég myndast yfirleitt skelfilega illa.  Ég er þó að vona að óræður og dreyminn svipurinn ásamt týpugleraugunum (eru ekki týpugleraugu skv. vinkonum mínum) skili sér þannig að ég slái í gegn.

..talaði ég lengi um líf mitt fyrir meðferð, fór í gegnum erfiða hluti og fannst það ekki baun erfitt.  Ég skildi svo ekkert í því fyrr en mér var bent á það nú undir kvöld, að ég var algjörlega búin á því.  Tekur greinilega töluvert á taugarnar.

..talaði ég við ca 500 fyrirtæki sem eiga að vera ábyrg á tölvunni minni sem bilaði í nótt.  Sko borðtölvunni.  Hver vísar á annan og annar á hinn.  Einbjörn, Tvíbjörn og Þríbjörn.  Gripurinn er í ábyrgð og verður það vonandi þegar Litlu Gulu Hænurnar s/f eru búnar að finna út hver ber ábyrgðina.

..var ég með Jenný Unu í pössun meðan mamman og pabbinn fóru í IKEA.  Jenný var glöð og hress þrátt fyrir að vera "pínulítið lasin" og þegar ég var að vasast inni á baði, kom hún og sagði mér að ég ætti að þvo hendurnar "skrass" því löggan segði það.  Ég þvoði hendurnar.  Hún var hjá lækni í gær og í stað þess að vera glöð og kát í skoðuninni eins og venjulega, var hún pírípú og sagði við læknirinn að þær væru ekki vinkonur.  Læknir miður sín.

Nú er vika í að Maysan mín og fjölskylda komi frá London og þá geta jólin hafist.

Á meðan jólast ég bara og geri allt vitlaust í stórmörkuðunum.

Úje og falalalalalala

 

Er að r... karlinum

Tækifærin til að ná fram hefndum í lífinu eru að verða fleiri og fleiri með aukinni netvæðingu og aðgangi fólks að fjölmiðlum.

Er það gott?

Mér finnst þetta bara sorgleg lesning og það væri óskandi að fólk gæti leyst málin sín án þess að meiða með þessum hætti.

Ég hélt að símtöl væru skönnuð.

Að fólk þyrfti að gefa upp nafn og erindi.

Auðvitað er samt alltaf hægt að komast fram hjá því ef viljinn er fyrir hendi.

Úff, vandræðalegt.

Bloggarar með jólasveinahúfur

Jesús minn hvað það er orðið jólalegt í bloggheimum.  Annarhver bloggari er búinn að troða jólahúfu á hausinn á sér og það framkallar hvert krúttkastið á fætur öðru, hjá mér sko.  Fólkið er misfært á tækin og tólin sem notuð eru til að skella inn þessum höfuðfötum, sumstaðar lenda húfurnar á ská, yfir auga, fram á enni eða aftur á hnakka.  Arg svo sætt.

Svo vandast málin þegar umræðan harðnar.  Í athugasemdakerfum bloggheima, er verið að ræða alvarlega hluti stundum, og fólk alveg bálreitt og vill undirstrika meiningar sínar eins og t.d.: "Steinþegiðu hálfvitinn þinn" eða "Meira femínistabullið í þér kelling" eða "Þetta verður ekki þolað lengur".  Og höfundurinn grafalvarlegur á meðfylgjandi mynd með jólahúfu og hana ofan í augu eða aftur á hnakka.

Þá liggur maður í hlátri og kemst í þetta líka bráðskemmtilega jólaskap.

Takk jólasnúðarnir mínir.

Ég elska bloggara með jónsveinahúfur.

Falalalalala

Til hamingju Helga Björk Laxdal..

..frumburðurinn minn og súperkona.  Ég er svo skelfilega stolt af þér stóra stelpan mín.

Haldið þið að það sé?  Fyrir 37 árum, upp á dag, eignaðist ég hana Helgu Björk og mér finnst eins og það hafi verið í gær.  A.m.k. er þessi dagur mér ákaflega minnisstæður.

Helga Björk er eins og fleiri afkomendur okkar hippanna (ok 68 kynslóðarinnar), hryllilega ábyrg, dugleg og pottþétt ung kona.  Þessir krakkar urðu einhverskonar mótvægisjöfnun við flippaða foreldrana.  Ég held að Helga Björk hafi byrjað að ala móður sína upp, mjög fljótlega eftir að hún fór að ganga.

Helga Björk varð læs um fjögurra ára aldur, var á undan í skóla og lék sér að flestu sem hún kom nállægt, þrátt fyrir að hún þyrfti að sinna uppeldi foreldra sinna í meðfram skyldustörfum.

Segi sonna.

Helga er mamma hans Jökuls Bjarka, elsta barnabarnsins míns.

Hún er frábær og það er Klakinn líka.

Smjúts á þig dóttir góð og nú vil ég að þú bjóðir mér eitthvað almennilegt með kaffinu þegar ég kem í kvöld.

Love u

og falalalala

 

Hvað bleikar og bláir vilja í jólagjöf!

Ég er ekki mjög æst í jólapakka, þó ég færi auðvitað í feita fýlu ef ég fengi enga, en jólagjafasöfnun handa sjálfri mér er ekki svona málefni sem ég myndi stofna þrýstihóp um.

En hvað langar mig í, í jólagjöf í ár?

Búin að svara þessu inni hjá Gurrí og svo hvað mig langar ekki í inni hjá Önnu, en mig langar í bækur.

Svo langar mig í gott heilsufar og hamingju mér og mínum til handa.

Mig langar í rjúpur, en það er ekki möst.

Húsbandinu langar ekki í neitt sérstakt nema rakspíra.  Hann er lítið æstur í gjafir, enda svarar hann því til þegar krakkarnir okkar eru að spyrja hann hvað hann vilji í jólagjöf, að hann óski sér hlýs faðmlags og kossa á kinn.  Hm..

Í Danmörku vilja konur upplifanir í jólagjöf, karlarnir vilja pakka.

Það er þvert á mínar jólagjafarannsóknir, það segi ég satt.

Sumar vinkonur mínar geta ekki á heilum sér tekið fái þær ekki eðalmálma í pakkann.  Sumar flott nærföt og aðrar vilja pelsa.  Flestar eru þær þó í bókadeildinni eins og ég.

Karlar hafa alltaf verið á hliðarlínunni í pakkadeildinni, að því er ég man best.  Verið svona nokk límónaði gagnvart jólagjöfum.  Kannski þekki ég bara svona nægjusama menn?

Annars eru þessar rannsóknir að gera mig enn ruglaðri en ég er fyrir.

Ærið ekki óstöðugan.

Úje.

Falalalalalala

 

Karlar vilja pakka en konur upplifanir

Þau koma bráðum..

og...

við...

..amma Brynja erum að drepast úr spenningi og við höfum grun um að það verði kátt um jólin á amk tveimur heimilum í borg óttans.

Simon (Cowell) verður auðvitað ekki glaður með þessa för Maysu til heimalandsins, hann rekst ekki á hana á meðan..

..en það verður ekki á allt kosið kallinn minn.

Falalalalala og það eru fargings 18 dagar til jóla.

Úje.