LÉLEGUR HÚMOR

Mikið rosalega fannst mér hallærislegt að sjá í fréttatímasjónvarpsins, sviðsetningu á þrælauppboði í Alsír, í tilefni þess að 380 ár eru liðin frá Tyrkjaráninu ógurlega, í Vestmannaeyjum.  Flott að minnast þessara tímamóta en aðgerðin gjörsamlega misheppnuð þar sem öllum fannst uppboðseftirlíkingin svo rosalega sniðug og skemmtileg.

Í fyrsta lagi hafa aldrei verið haldin þrælauppboð af Tyrkjum í Vestmannaeyjum.  Í öðru lagi þá er mansal, uppboð á fólki og annar óþverraháttur, jafn grafalvarlegt mál í dag og það var dagana ógurlegu þegar Tyrkir fóru um Vestmannaeyjar rænandi og ruplandi.

Bendi á reisubók Guðríðar Símonardóttur eftir Steinunni Jóhannesdóttur, sem er vissulega skáldsaga en byggð á traustum heimildum.

Ég, í böðulsbúningnum með þrælapískuna.

Tyrkjaránsins minnst í Vestmannaeyjum

STUNDUM SKAMMAST ÉG MÍN FYRIR ÞJÓÐERNI MITT

Alþjóðlegar sumarbúðir standa nú yfir í Hjallaskóla í Kópavogi. Þar dvelja börn frá 12 mismunandi löndum, frá ólíkum menningarheimum og ólíkum aðstæðum.  Í sumarbúðunum er unnið að því að auka víðsýni og umburðarlyndi krakkanna.

Flott framtak.  Ég hef hins vegar engar áhyggjur af börnum þegar kemur að umburðarlyndi.  Börn eru yfirleitt gædd þeim eiginleika í ríkum mæli.  Ég hef hins vegar miklar áhyggjur af fullorðnu fólki hvað þetta varðar og þá alveg sérstaklega skort á umburðarlyndi gagnvart fólki frá öðrum löndum, sem kemur hingað t.d. til að vinna og vekur oft vægast sagt neikvæðar kenndir í hinum eðalborna Íslending.

Í gærkvöldi var ég að vafra um netið og rakst á pistil hér á Moggabloggi sem gerði það að verkum að mér brá í brún.  Þar er kona að tjá sig um útlendinga, hún er ekki útlendingahatari, vill hún meina,  en vill að þeir lykti betur, séu ekki svona eða hinsegin og þá sé hún til í að leyfa þeim að vera (lesið sjálf (www.iwanna.blog.is) .  Enn verri eru svo athugasemdirnar sem hún vær við færslunni. Þar sér maður að kynþáttahatur er ansi útbreitt fenomen á Íslandi.  Ó við Íslendingar erum svo vel að okkur, svo menntuð, svo umburðarlynd, svo fordómalaus, ó já bara að við þurfum ekki að hafa fyrir því að praktisera allan þennan þroska í daglegu lífi okkar.

Ég sting upp á svona sumarbúðum fyrir fullorðna.  Það væri flott að byrja á þeim sem eru að ala upp börn svo þeir skvetti ekki sjúklegum og mannfyrirlitlegum skoðunum sínum yfir á saklausa afkomendur sína.

Ég í fjósgallanum með skófluna tilbúin að byrja að moka.

 

Víðsýni og umburðarlyndi aukið í sumarbúðum

SMÁ KVÖLDBÆN

Góði, besti, elsku Guð á himnum.  Villtu láta rigna hérna á Suðurlandi svo það kvikni ekki fleiri sinueldar. Grasið hjá nágranna mínum er orðið gult af þurrki og ég sjálf með stöðugan hausverk.  Ef þú gætir látið rigna ærlega svona næturlangt þá myndi það vissulega hjálpa.

Með fyrirfram þökk,

Ég með regnhlíf í stígvélum.

Halda eldinum í skefjum við Grundartanga

ÞIÐ MEGIÐ FARA STRÁKAR..

..hvenær sem þið viljið segir forsætisráðherra Íraks, Nuri al-Maliki.  Ég er sammála kalli, pakkið saman og drífið ykkur, það eru allir að bíða eftir að þið náið því að þið erum komnir langt fram yfir eðlilegan heimsóknartíma.

Annars voruð þið aldrei neitt sérstaklega velkomnir að ég held.

Drífa sig.

Komasho!

„Bandaríski herinn getur farið þegar hann vill“

HULIN ANDLIT

Á Moggablogginu skrifar allskonar fólk, um hin ýmsu málefni og í flestum tilfellum hef ég gaman af að lesa, þrátt fyrir að allt falli ekki að mínum prívat og persónulega smekk.  Með því að lesa sem flesta fær maður pínulitla innsýn í líf fólks og kringumstæður og stundum les maður eitthvað sem getur drepið mann úr leiðindum upp að því marki að það verður bara fróðlegt.  Enda þokkalegt ef allir væru að skrifa það sama.

Sumir skrifa án myndar, án nafns og það er þeim að sjálfsögðu fullkomlega heimilt þótt mér finnist það nú frekar leim.  Myndalaus blogg eru þó í lagi ef að nafn fylgir.  Annars er ég bara nokkuð líbó í þessari deild.  En það er eitt sem fer all verulega fyrir brjóstið á mér.  Nokkrar konur sem blogga hér nota mynd af konum með burku, þe með hulið andlit og mér verður allaf jafn illa við.  Ég efast ekki um að þetta er gert án mikillar hugsunar en fyrir mér er burka og hulið andlit ein sterkasta myndbirting þeirrar hroðalegu kvennakúgunar sem viðgengst í mörgum múslimaríkjum.  Í ríkjum þar sem konan er óæðri vera, má ekki sjást, heyrast né vera til nema á forsendum karlsins. 

Heimur múslimakvenna er íslenskum konum eflaust framandi.  Ég ímynda mér að flestum vestrænum konum finnist óhugnanlegt að sjá kynsystur sínar sem enn lifa án allra venjulegra mannréttinda, eins og búfénað, enda varla hægt annað en bregðast við með óhugnaði.

Til viðkomandi bloggara:

Hristið upp í ykkur stelpur, þessar burkumyndir eru vægast sagt lélegur stíll.

Égmeinaða!

ÁRANGURSMAT

 Petraeus hershöfðingi, yfirmmaður bandaríska hersins í Írak segir að stríðið muni taka áratugi að leysast.  Í viðtali við BBC segir hershöfðinginn að hann sæi árangur en að stríðið yrði erfiðara áður en það yrði léttara.

Ladídadída... þvílíkur þvættingur.  Hvernig liti út í Írak ef maðurinn mæti að stríðið væri árangurslaust?  Það væru hrein Ragnarök.  Forvitnilegt væri að vita hvernig maður þessi rökstyður árangurinn sem hann telur að hafi náðst.  Fólk er sífellt að týna lífinu þarna og engin lausn er í sjónmáli.  Það þarf hins vegar að halda vopnaverksmiðjum USA frá verkefnaleysi og svo þurfa bandaríkjamenn auðvitað að fá enn stærri ítök í olíuparadísinni þarna niður frá.

Mér er óglatt.  Meiri bölvaðir hræsnararnir. 

Íraksstríðið mun taka áratugi

FÆRIBANDAVINNA..

 

..hjá böðlunum í Írak.  Íraskur liðsmaður hryðjuverkasamtakanna al-Qaeda hefur verið tekinn af lífi í Bagdad.  Svo á að setja fleiri úr Hussein hópnum í gálgana.  Þetta er bara eins og verksmiðja.  Fólk drepið á götum úti algjörlega tilviljanakennt og stjórnvöld sjá svo um að láta sínar aftökur ganga fyrir sig í röð og reglu.

Meiri andskotans villimannshátturinn. 

Íraskur hryðjuverkamaður tekinn af lífi

GETUR ENGANVEGINN VITAÐ, BARA VONAÐ!

Faðir jórdanska læknisins sem handtekinn var á Englandi á laugardag í tengslum við rannsókn á því þegar sprengjur fundust í bílum í London og Glasgow, segir að sonur sinn hafi enginn tengsl við hryðjuverkastarfsemi.  Auðvitað væri það gott ef svo væri en hvernig í ósköpunum á maðurinn að geta fullyrt um það.  Þessar sellur er svo lokaðar að það spyrst nánast ekkert út.

Furðulegt að fullyrða svona, frekar bíða og vona að sonurinn verði hreinsaður af grun.

Segir son sinn engin tengsl hafa við hryðjuverkastarfsemi

HEILÖG DÍANA

Nú standa yfir minningartónleikar um Díönu prinsessu á Wembley.  Það er búið að gera vængjaðan engil úr konunni fyrir löngu og ég skil ekki þessa þörf fólks til að hefja venjulegar manneskjur til guðdóms og dýrðar.  Persónudýrkunin er algjör. 

Ef við tökum Móður Theresu, sem helgaði líf sitt fátækum er það rétt sem haldið er fram að verk hennar hafi ekki vakið jafn mikla athygli og ef Díana snéri sér við.  Auðvitað er það sorglegt þegar ungar manneskjur deyja af hroðalegum slysförum, en mér finnst eitthvað morbid við þessa tilbeiðslu.

Þorrí

Elton John hóf minningartónleika um Díönu prinsessu

STAUFFENBERG JR. ALDREI ÁNÆGÐUR

 

Ég get alveg haldið vatni yfir Tom Cruise, alveg ljómandi vel.  Finnst þessi stubbur ekkert sérstaklega guðdómlegur en það eru kannski ekki margar konur sem deila þessari skoðun minni.  Hvað um það, mér finnst samt alveg út úr kortinu að pilturinn fái ekki að gera mynd um tilræðið gegn Hitler.  Þjóðverjar vilja það ekki og alveg sérstaklega vill Stauffenberg jr. það ekki.

Annars er þessi Stauffenberg júníór, greinilega ekki auðveldur maður.  Þrjár myndir hafa verið gerðar um föðurhetjuna og engin þeirra er syninum að skapi.  Þær eru annað hvort ekki nógu nákvæmar (gamli þjóðverjinn) eða bara afleitar.

Smá hugmynd til Cruise, komdu hingað karlinn og þú getur örgla fengið að leika Fjalla-Eyvind eða eitthvað.

Doktor E þessi fer undir trúarbrögð.  Það hlýtur þú að skilja.

Síjú eftir kaffi og sígó

 

 

Faðirinn, sonurinn og Tom Cruise