..og það varð líf

Þegar Popppunkturinn hans Gunna var á Skjá 1 þá misstum við hér á kærleiks ekki úr þátt.

Síðasta sísonið þar var 2005.

Það má því nærri geta að hér var fagnað ógurlega þegar sami þáttur hófst á RÚV.

Vér horfðum á alla þættina hér við hirðina.

Reyndar eru tónlistarmenn, amk. sá sem hér býr eins og gangandi trivial pursuit (með áherslu á trivial) og svarar 90% allra spurninga hér í stofunni.

Hvað um það.

Vér urðum fyrir vonbrigðum.

Það vantaði eitthvað, neistann held ég eða það sem ég kalla "glimten i ögat", mér fannst eins og öllum leiddist í fína settinu hjá doktornum.

Meira segja Herr Dotor sjálfur virkaði sybbinn.

Auðvitað voru undantekningar, Áhöfnin á Halastjörnunni, krúttlegu skallakallarnir hlógu út í eitt og gátu engu svarað, tæpast hvað þeir hétu og virkuðu svo maríneraðir eitthvað.  En þeir voru algjörar dúllur.

Jeff Who? hleyptu stuði í þetta líka, þeir voru einhvern veginn lifandi sem var ágætis tilbreyting í þessum annars lofttæmda andrúmslofti þáttanna.

Ég velti mikið fyrir mér hvað vantaði og ég gat ekki sett fingurinn á það.

Þangað til í gærkvöldi - því þá kviknaði líf!

Þátturinn var sendur út í beinni, með áhorfendum og nú bar svo við að það var stórskemmtilegt að horfa.

Felix og Gunni voru meira en framhliðin ein, komu til baka svo að segja.  Dúllurnar.

Týpískt - síðasti þátturinn.

Halló - ég gæti grátið.  Elska þessa þætti.

Dr. Gunni og Felix krúttfrömuður, ekki græta gamla konu.

Hafið þáttinn í beinni næst.

Annars, annars...

horfi ég ekki rassgat.

Og hana nú.

Meiri hálfvitarnir þessir ljótu hálfvitar að stela bikarnum af Jeff Who? sem eru okkar menn í höfuðborginni offkors.

Ljótu hálfvitarnir PoppPunktsmeistarar

Athugasemdir

[Sigurður Þór Guðjónsson, 19.9.2009 kl. 11:35]

Í mínum augum og eyrum eru þessir þættir fullkomnun lágkúrunnar.

[Kristín Katla Árnadóttir, 19.9.2009 kl. 12:12]

Mér fannst þátturinn bara skemmtilegur í gær.

[Hildigunnur Rúnarsdóttir, 19.9.2009 kl. 12:27]

Ég hef bara aldrei horft á einn einasta þátt og það ekki vegna fordóma - ég bara horfi nánast aldrei á sjónvarpið. Sigurður, bara fara að mínu dæmi, þá gerir ekkert til með "lágkúruna"

En ég hélt nú með Hálfvitunum þó ég horfði ekki á þáttinn. Held líka með þeim í Útsvari í kvöld...

[Jenný Anna Baldursdóttir, 19.9.2009 kl. 12:45]

Sko, gott fólk, lágkúran felst í því að mínu mati að taka ekki fagnandi fjölbreytileika lífsins.

Ég elska klassíska tónlist, rokk, blús og allan fjandann.

Kommon, live a little.

[hilmar jónsson, 19.9.2009 kl. 12:46]

Algjört feivorit okkar hjóna. Náði að slaga upp í jeff who í réttum svörum í gær...

Það þarf ekki alltaf að tjalda miklu, til þess að gera áhorfilegann þátt..

[Sigurður Þór Guðjónsson, 20.9.2009 kl. 10:49]

Það er ekki músikin sem skapar lágkúruna í þættinum heldur frammistaða Felix og Gunnars!