Gamlar sálir minn afturendi

Ég myndi ráðleggja þeim í bandaríska þinginu að slaka á út af þessu framíkalli þar sem einhver þingmannanörd sagði Obama ljúga.

Þeir eru að fara á el límingós þarna í Whasington út af þessu.

Þeir ættu að horfa á eins og eitt myndband frá Alþingi Íslendinga á góðum degi þegar sársvekktir Sjálfstæðismenn, sem aldrei komast yfir að vera ekki við völd, fara á kostum við undirleik og bakraddir órólegu deildarinnar í Framsókn.

En eins og nánast allur heimur veit (þeir sem ekki hafa kynnt sér málið eru hálfvitar) þá erum við með elsta þing í heimi en það er ekki að sjá á hegðuninni innan dyra.

Ég ætla að snúa þessu við.

Þeim í USA er enginn greiði gerður með því að fara að kynna fyrir þeim barnalega hegðun á íslenska þinginu, gæti gefið þeim hugmyndir að óeirðum í þingsal heima hjá sér.

Einhver Michael-vera, sem mun vera alviskan holdi klædd úr eternum á að hafa haldið því fram að við værum svo gamlar sálir vér Íslendingar, en Bandaríkjamenn sem hefðu svo gaman af að leika sér og kaupa hluti væru ungbarnasálir.

Agú - versus fokkings alvitrir íslenskir sálaröldungar.

Michael hefur ekki séð nógu langt fram í tímann.  Halló, hringja flatskjáir, sumarhallir, demantagemsar, jeppar, einkaþotur, græðgi, mont og oflæti einhverjum bjöllum?

Kannski væri gáfulegt að senda órólegu öldungadeildina á íslenska þinginu í námsferð til ungbarnasálnanna í USA.

Kannski þeir gætu lært eitthvað nytsamlegt.

Ónei, það gengur ekki.

Samkvæmt Michael þá eru gamlar sálir búnar að læra allt sem þarf að læra.

Eru bara að tjilla á jörðinni í síðasta sinn áður en þær verða eitt með alheiminum.

Úje.

Hart deilt um frammíkall

Athugasemdir

[Ásthildur Cesil Þórðardóttir, 14.9.2009 kl. 11:19]

 Alltaf ertu góð. 

En gömlu sálirnar sem hér voru eru auðvitað löngu farnar og hættar að leika sér, nú eru þetta ungbarnasálir sem hafa fengið að leika sér með allt fallega dótið sem gömlu sálirnar voru búnar að byggja upp.  Við gleymdum nefnilega að setja þær hærra upp í hillurnar þar sem börn ná ekki til. 

[Skorrdal (IP-tala skráð) 14.9.2009 kl. 17:07]

Kannski "íslenska" Alþingi ætti að horfa á þá í Kóreu - eða Tævan? :P Það hafa þeir tekist á með hnefum og biti! Kannski ekki mjög lýðræðislegt, en samt "þroskaðra" en sá sandkassaleikur sem á sér stað á Íslandi. Þar eru allir vinir, þegar myndavélarnar snúa ekki að þeim - og þar með allir í sömu mafíunni!