Úr haga í maga

Ég er ótrúlega skotin í hjónunum á Hálsi í Kjós sem selja m.a. hreint og ómengað nautakjöt.

Ég vil ekki borða unnar kjötvörur, reyni að vanda valið ofan í mig verandi með sykursýki og svona.

Einhver vís kona sagði mér einhvern tímann að nautahakk teldist ekki unnin kjötvara fyrir utan þá staðreynd að kjötið væri sett í hakkavél.

Ég gleypti þetta hrátt og elda reglulega danskt hakkeböff með lök er nú hrædd um það.

En nú ljóstrar bóndinn á Hálsi upp framleiðsluleyndarmáli kjötvinnslunnar í landinu.

Hakkið er blandað með hrossakjöti, svínafitu, þyngjandi efnum og kartöflumjöli.

Amk. á mörgum stöðum.

Halló, nú fer ég að safna saman liði í sætaferðir að Hálsi.

Þarna er til hellingur af mat úr haga  sem fer beint í maga.

Vonandi verður kreppan til þess að við fækkum ónauðsynlegum milliliðum og kaupum beint frá framleiðanda.

Það er persónulegra, það eru stórar líkur á betri vöru og það verður örugglega ekki dýrara.

Milliliðir eru oftast algjörlega ónauðsynlegir að mínu mati.

En eins og amma mín sagði og hafði það rétt:

Milliliðir komu í stað handsals sem áður var látið duga manna í millum.

Hún var reyndar að kommenta á fasteignasala.

Sorrí fasteignasalar.

Nú verður það lamb á fæti í sunnudagsmatinn.

Eldað á staðnum með ull og alles.

Hrein og ómenguð nautasteik

Athugasemdir

[Bjarni Kjartansson, 10.9.2009 kl. 12:59]

Ekki gleyma ollu því Soyja-mjöli sem er dembt í hakkaullið.

[Eygló, 10.9.2009 kl. 13:27]

Kannski múslímarnir séu að forðast kartöflu- og sojamjölið þegar þeir leggja sér ekki til munns, a.m.k. kindakjöt, nema hafa sjálfir eða allavega horft á, þegar slátrun byrjar með því að skera "bráðina" á háls.

Hver veit nema við verðum að fara að taka þetta upp.

Það mætti "kaupa" rollu á fæti, elta hana uppi og farga. Þannig kæmist maður nær því að fá lítið blandaða hagabráð.

[, 10.9.2009 kl. 13:37]

Það verður kannski sport í kreppunni að veiða sér til matar

[Steingrímur Helgason, 10.9.2009 kl. 15:49]

Við amma þín erum búin að margzegja þér þetta zíðan fyrir lángri löngu zíðan.

[Laufey B Waage, 10.9.2009 kl. 18:06]

Ég er með í sætaferð að Hálsi.