Ég hefði, ég hefði betur

Ónefndur vinur kom að máli við mig í gær, hann var miður sín yfir óförum sínum og hann sagði mér eftirfarandi:

Árið 2005 hefði ég átt að hætta að drekka opinberlega.

Þá stefndi í óefni.  Konan og krakkarnir komnir í Kvennaathvarfið og ég ætlaði aldrei að ná þeim heim aftur.

Þá var ég enn með vinnu, átti húsið og bílana og var á fullu blússi við amfetamínframleiðslu í kjallaranum.

Hefði ég gert það, hætt að drekka opinberlega og skandalisera þannig að eftir var tekið, væri ég enn í blússandi bissness, með kerlu, krakka, bíl og bát og sumarbústaðinn á Þingvöllum.

En gerði ég það?

Nei og helvítis kerlingin náði af mér öllu því sem ég átti og meiru til og ég á leið í fangelsi svei mér þá.

Ég spurði hann hvort hann væri ekki miður sín yfir framkomu sinni við allt og alla.

Hann laut snöggvast höfði, ég sá tár á hvarmi og mér sýndist hann vera að falla saman.

Svo leit hann upp, horfði fast í augun á mér og sagði ákveðinni röddu sem titraði þó örlítið af geðshræringunni sem honum var ekki töm og sagði:

"Ég er miður mín og drullusvekktur yfir að fá aldrei að vera í friði með mitt.  Þetta er kerlingunni og fíkniefnalögreglunni að kenna.  Glætan að ég taki það á mig.  Það eina sem ég er sekur um hérna er að hafa fært út kvíarnar 2005 og haldið áfram á djamminu í staðinn fyrir að halda mér í kjallaraframleiðsunni á heimilinu, setja kerlinguna í járn og drekka í mínum prívat og persónulegu hýbýlum. "

Svei mér þá ef ég veit af hverju mér datt þessi atburður í hug akkúrat núna.

Áttum að hætta árið 2005

Athugasemdir

[Bjarni Kjartansson, 10.9.2009 kl. 10:24]

Eins er með mig.

ÞEgar ég er á göngu suður Fríkirkjuveg á líð minni heim, horfi ég stundum upp að Glaumbæ, og hugsa um allar þær sem ég gæti sagt við ,,Við hefðum átt að vaka lengur og vera betri hvort við annað"

Svo labba ég framhjá Hljómskálanum, sem nú hefur fengið hlutverk áningastaðar, með kaffi og svoleiðis (hefði betur verið með krana og bjór af honum) og þa´geri ég me´r auðvitað grein fyrir því, að flestar eru betur komnar án vökunótta með mér í denn, --eða hvað???

Gæti verið.......

Mibbó

alltaf að horfa í baksýnisspegilinn

Eða ekki.

[, 10.9.2009 kl. 10:25]

Ja maður spyr sig

[Ásthildur Cesil Þórðardóttir, 10.9.2009 kl. 10:42]

Já ef maður hefði bara!!!  Svei mér þá Jenný þessi er ótrúlega sterkur hjá þér. 

[Birna Dis Vilbertsdóttir (IP-tala skráð) 10.9.2009 kl. 11:33]

Já ef ég hefði bara