Menningarlegt ísskápsinnihald og ekkert kynlíf

Ég er ákveðin í að halda mig við léttúðug bloggefni í dag og missa mig ekki í kreppu- og spillingarfréttir.

Hef ekki trú á að það haldi en ég reyni.

Ég bloggaði um píkur og brjóst í síðustu færslu þannig að það verður að duga í bili.

En ég var að velta fyrir mér einu sem er rosalega 2007!

Muniði eftir greinunum í blöðunum þegar "frægt" fólk var spurt hvað það væri með í matinn og hvað væri í ísskápnum og svona?

Auðvitað munið þið það vegna þess að það var alltaf rosa flott í matinn og innihaldið í ísskápnum var alveg eins og í lúxusdellí í New York.

Ég trúði því auðvitað ekki eitt augnablik að þegar blaðið hringdi í sóandsó og spurði hvað hún væri með í matinn í kvöld og hún alveg: Jú, ég er með antilópusteik al búllsjitt e lúxus du la sonofabits, með handplokkuðum villisveppum frá Himmalaya og kampavínssósu.  Í forrétt er vatnakarfi frá Víetnam með ostrusósu og créme friggingbrulé í eftirrétt.

Sko á þriðjudagskvöldi.  Ég garga.

Svo var hringt í annan sóandsó sem taldist frægur og hann beðinn um að kíkja í ísskápinn á mánudegi.

Sóandsó alveg: Jú, látum okkur nú sjá: Ostar frá Frakklandi, gapachio frá Ítalíu, nýkreistur djús úr ferskjum frá Ísrael, súrsuð froskaeyru frá fenjasvæðunum í Brasilíu, fjörmjólk og hamingjuegg týnt undan vímuðum hænsnum sem leika lausum hala fyrir austan fjall.

Halló, aldrei tómatsósa, mjólk og skyr og plokkfiskleifar.

Aldrei.

Hvað er í mínum ísskáp í dag?

Jú, tómatsósa, Mango chutney, ostur, smjör, nautahakk, laukur og annað grænmeti.

(Fruss og einn cola-drykkur en ekki segja neinum frá því börnin mín á fjallinu).

Sjúkkitt, eins gott að enginn hringi og spyrji mig að þessari spurningu, ég væri neydd til að ljúga upp á mig menningarlegu ísskápsinnihaldi!.

Hagið ykkur þann 090909.

Það ætla ég að gera.  Jeræt.

Kynlíf fyrir heimilisfriðinn

Athugasemdir

[Garún, 9.9.2009 kl. 11:02]

Hahaha ég ætla að vona að innihald ísskápsins lýsi ekki manns innri manni...því í mínum er kókómjólk, kókómjólk og fyrverandi majones sem ég þori ekki að nálgast!

[Guðrún Emilía Guðnadóttir, 9.9.2009 kl. 12:01]

Í mínum er viðbit, ostur af mörgum mögrum gerðum, skinka, mjólk, súrmjólk og grænmeti af ýmsum gerðum, líka tómatsósu-ógeð fyrir þá sem vilja eitra sig með óþverranum og ekki segja Pepsí Max.

[Ragna Birgisdóttir (IP-tala skráð) 9.9.2009 kl. 12:18]

Hehe.Stórkostleg eins og alltaf.

[Garún, 9.9.2009 kl. 12:43]

Úpps gleymdi...það er pepsí Max dós búin að hreiðra um sig í grænmetisskúffunni

[Skorrdal (IP-tala skráð) 9.9.2009 kl. 15:39]

Ég á líka nautahakk - og meira að segja svínakódilettur! Þvílíkt bruðl! :P (fyrir utan kartöflur, lauk - að sjálfsögðu - mandarínur, epli og íste)... Enda er ég bruðlari...

[Guðrún Emilía Guðnadóttir, 9.9.2009 kl. 16:21]

Við gætum slegið saman í góða veislu Hehehe

[Kristján Sigurður Kristjánsson, 9.9.2009 kl. 22:22]

Samkvæmt fréttinni þá er svokallað kynlíf sjálfsfróun karla.........í leggöng í það skiptið þegar þeir gefa hinni margauglýstu "vasaljósamúffu"  frí.