Mótmælt fram í rauðan dauðann

Hvað á að troða hóteli á sjálft Ingólfstorgið?

Skemma götumyndina?

Eyðileggja gamla Sigtún - láta það hverfa?

Ég vil ekki hafa þennan fíflagang.

Það er merkilegt með Íslendinga (suma) hvernig þeir vilja troða öllu á sama reitinn.

Og byggja háhýsi líka, eins og hroðbjóðinn á Höfðatorgi.

Ef íhaldið í borginni hefði fengið að ráða væri Torfan minni eitt.

Moggahöllinn er svona dæmi um skelfilegan arkitektúr og kumbalda sem var troðið niður í gamla miðbæinn.

Mogahöllin er reyndar svo ljót að mér er farið að finnast hún falleg, verra verður það ekki.

Við skulum ekki tala um ráðhúsið.

Manni líður eins og Gúliver hafi tekið með sér heimili sitt til Putalands og slengt því ofan í tjörnina.

Látið Ingólfstorg vera mig langar til að borgin mín eigi sér einhverja húsasögu.

Að virðing sé borin fyrir því gamla.

Hlustið á það yfirvöld.

Annars getið þið þarna hjá borginni átt okkur á fæti.

Við munum einfaldlega mótmæla þessum gjörningi fram í rauðan dauðann.

Baráttutónleikar á Ingólfstorgi

Athugasemdir

[Dúa, 5.9.2009 kl. 19:47]

Gúlíver....jú kill mí vúman

[Elisa (IP-tala skráð) 5.9.2009 kl. 20:44]

Það er komið nóg af svona skipulagsbulli. Er ekki hægt að troða þessu hóteli á Höfðatorg. Þar stendur allt tómt.

Hvað bull er í gangi! mótmæli, mótmæli, mótmæli!

[Bjarki Hilmarsson (IP-tala skráð) 5.9.2009 kl. 21:25]

Ég er Akureyringu og bý þar.  Er ekki mjög hrifinn af Reykjavík sem slíkri.  En miðbærinn er það sem bjargar þessari borg algjörlega.  Það er komið nóg af ljótum steypuklumpum þarna.  Gangi ykkur vel!

[Runar (IP-tala skráð) 5.9.2009 kl. 21:25]

Væri ekki bara fínt að breyta hálftómri Moggahöll og TM-húsinu bara í hótel, gæti nú verið vel vegleg sem hótel þar, eru nú fyrir 2 hótel í þessari götulínu.

 Held að það sé bara fín lausn, allt óbreytt og loksins komin starfsemi í húsið sem er ekki að koma o fara eins og hefur verið. Alþingi getur bara plantað sér annað

[Marta B Helgadóttir, 5.9.2009 kl. 21:32]

Okkur skortir ekki byggingarland á höfuðborgarsvæðinu.

[Guðríður Adda Ragnarsdóttir (IP-tala skráð) 5.9.2009 kl. 21:34]

Á að selja hluta af Ingólfstorgi til einkaaðila?

Get ég fengið lóð á Lækjartorgi?

http://www.bin.is

HÓPUR
http://www.facebook.com/group.php?gid=126724969444

TÓNLEIKAR
http://www

[Kristján Sigurður Kristjánsson, 5.9.2009 kl. 22:25]

Fyrirgefðu Jenný, en má ég skjóta þessari tillögu á milli?

Dæmi: Nú vill lóðareigandi stækka, og bíður flokknum kr. 50.000.- á hvern rúmmeter sem hliðrunargreiðslu (sem er hátt verð miðað við það sem greitt var fyrir Höfðatorgið). Áður en frá þessu er gengið skal flokknum eða frambjóðanda vera skylt að bjóða íbúasamtökum og almenningi að fá gerninginn útaf borðinu með því að greiða kr. 25.000.- í peningum fyrir rúmmetrinn, ásamt því að íbúasamtökin skaffi 7,5% viðbótaratkvæða annað hvort í prófkjöri eða í kosningum. Peningagreiðslan skal lækka í réttu hlutfalli við kosningaloforð kjósenda.

Þetta er auðvita bara hugmynd, en það þarf að útfæra þetta nánar og setja reglur um, mér finnst siðferðilega óverjandi að halda almenningi fyrir utan greiðsluþátttöku.

[Hildur Helga Sigurðardóttir, 6.9.2009 kl. 02:01]

Fjalakötturinn við Aðalstræti var elsta kvikmyndahús í heimi -í alvörunni. Nú er rætt um að endurbyggja hann !

Siðan gamla Sigtún neðanjarðar !

Hver trúir þessu blaðri, eftir allt sem á undan er gengið ?

[Ía Jóhannsdóttir, 6.9.2009 kl. 07:58]

Held því miður að almenningur hafi ekkert með þetta að segja.  Enda hefur einhvern tíma verið hlustað á almenning í þessu Guðsvolaða landi? 

 Eftir minni bestu vitund eru þessi hús löngu komin í eigu einkaaðila.   

[Laufey B Waage, 6.9.2009 kl. 08:28]

Vér mótmælum allir!!

[Jóhanna Magnúsar- og Völudóttir , 6.9.2009 kl. 14:39]

Ég held að ef á að fara að byggja eitthvað á Íslandi sé það Örk því að við erum að sökkva í rugl og bull - best að sigla bara svo burt á Örkinni.

Kv. Jóhanna af Örk.

[Jenný Anna Baldursdóttir, 6.9.2009 kl. 14:41]

Sæl frú Örk, byrjaðu að slá upp fyrir örkinni.

HH:Sammála.

Ég er reyndar sammála ykkur öllum aldrei þessu vant.  What is happening?