Undrabarn Sjálfstæðisflokks og sá pelsklæddi úr Framsókn

Stundum ætti ég að hafa vit á að lesa ekki blöðin.

Lifa bara sæl í minni heimatilbúnu paradís þar sem ég tel mér trú um að manneskjan sé í eðli sínu alveg þokkalega dísent.

Bandaríkjamenn - þessir mannvinir sem hafa verið með nefið ofan í hvers manns koppi svo lengi sem menn muna voru að sleppa 16 ára ungling úr Guantánamóbúðunum.

Hann var 12 ára - já 12 ára þegar þeir lokuðu hann inni í þessum viðurstyggilegu fangabúðum sem gera öðrum alræmdum fangelsum víða um heim skömm til.

Árið 2002 settu þeir barnið í búðirnar af því að þeir grunuðu hann um að hafa sært tvo bandaríska hermenn og túlk þeirra með því að kasta handsprengju að bíl sem þeir voru í.

Dómaranum þóttu sönnunargögnin geng þessu blessuðu barni ekki dómtæk og lýsti þeirri skoðun sinni að málareksturinn gegn honum væri hneykslanlegur.

Hver ætlar að bæta drengnum upp þessa vist í helvíti s.l. 7 ár?

Það virðist vera allt í lagi að fara með "óvini" Bandaríkjanna eins og kvikfénað og heimurinn horfir framhjá því.

Ef hinn vestræni heimur sem telur sig svo þróaðan í mannréttindamálum hefði beitt þrýstingi strax og þessar fangabúðir voru opnaðar þá hefðu Kanarnir kannski hugsað sig um tvisvar áður en þeir fylltu búrin af fólki, vel flestu blásaklausu af öðru en því að vera af ákveðnu þjóðerni og trú.

Í staðinn þá gengur þessar þjóðir til liðs við hina guðs útvöldu og leyfðu þeim að lenda fangaflugvélum sínum að vild á flugvöllum sínum.

Eins og við Íslendingar sem erum (vorum?) að kafna úr undirlægjuhætti þegar Kaninn er annars vegar.

Svo fórum við í stríð með þeim líka en þjóðinni verður víst ekki kennt um það.

Þar voru undrabarn Sjálfstæðisflokksins og Selamaðurinn (með vísan í hans forljótu yfirhöfn)í aðalhlutverki.

Það gerir mig brjálaða að hugsa til þessarar meðferðar á 12 ára barni.

Ofan á allt hitt sem fyrrverandi stjórnvöld í BNA hafa á samviskunni.

Hefur engum dottið í hug að stefna USA fyrir mannréttindadómstólinn?

Búski og félagar eiga svo sannarlega jafn mikið erindi þar á sakmannabekk og þeir sumir sem þegar hafa vermt hann.

Unglingi sleppt úr Guantánamóbúðunum

Athugasemdir

[Helga Magnúsdóttir, 24.8.2009 kl. 20:22]

Á hann ekki að vera 19 ára ef hann var 12 ára árið 2002? Bara spyr. En þetta er ömurlegt mál. Eins og börnin sem rænt er í Afríku til að gera þau að hermönnum.

[Brjánn Guðjónsson, 24.8.2009 kl. 20:46]

líklega 19 ára núna, þar eð 12 + 7 = 19.

Dabbi og selshreyfakvótakarlinn sofa vonandi ágætlega á nóttunni. líklega mætir HHG og gefur í.

[Finnur Bárðarson, 24.8.2009 kl. 20:50]

Einmitt þessi pelsklæddi með fallega brosið. Sá maður unir glaður við sitt við að gera ekki neitt en með góð laun. Samviskulaus.

[Lissy (IP-tala skráð) 24.8.2009 kl. 21:00]

International activists need to be sent to the United States, they really do. The amount of information Americans do not receive about what the government is doing is really apauling.

[hilmar jónsson, 24.8.2009 kl. 21:08]

Shit, ekki veit ég hvað Hannes á eftir að segja við þessari árás á drottinn allsherjar.

[Jenný Anna Baldursdóttir, 24.8.2009 kl. 22:47]

Skiptir ekki máli hvort hann er 16 eða 19 málið er að þeir settu 12 ára barn í þessar hræðilegu fangabúðir án dóms og laga í þokkabót.

[Lísa Björk Ingólfsdóttir, 25.8.2009 kl. 00:44]

Þetta lyktar einmitt alveg eins og Bush, enda hefur alltaf verið óþefur úr þeirri áttinni. Obama er greinilega byrjaður að taka til eftir hann - sá ágæti og mæti maður. En er ekki fulllangt (eru virkilega 3 ell í þessu orði...?) gengið að fara að bendla okkur á einhvern hátt við þetta. Kom on - þó svo Davíð og selspikið hafi verið við völd? Veit að sumir telja Davíð alvald alls sem slæmt er - en OMG svo öflugur er maðurinn ekki........ því ef svo væri þá værum við örugglega ríkasta þjóð Evrópu og allar hinar í gíslingu!

[Skúli Skúlason (IP-tala skráð) 25.8.2009 kl. 10:23]

Ég  er  bara  að  velta  fyrir  mér  því   hvað  12  ára  drengur  er  að  gera    á  vígvöllum  Afganistans.  Samkvæmt  alþjóðalögum  mun  18  ára  aldur  vera  viðmiðunaraldur  flestra  siðmenntaðra  þjóða  fyrir  hermenn.

 

 

Það  er  hins  vegar  á  almanna  vitorði  á  þessum  landsvæðum,  Pakistan  og Afganistan  að  drengir  eru  misnotaðir  af  sér  eldri  mönnum.  Enda  er  það  eitt  af  því  sem  Múhameð  lofar  hermönnum  sínum  í  Paradís,  þegar  þeir  eru  fallnir. 

 

 Gnægt  áfengis,  hreinar  meyjar  og  fagureygir  drengir.(Kóran 056:022).