Eins gott að vera bara fullur

Erill var uppstrílaður á djamminu á menningarnótt.

Sem verður að ómenningarnótt um miðnættið eins og allir vita.

Mér finnst reyndar dálítið kómískt og sorglegt hversu auðvelt það er að fylla bæinn á menningarnótt og Gay Pride og, og, og, en algjörlega vonlaust að draga kjaft út úr húsi til að mótmæla öllu því ranglæti sem við höfum verið beitt síðan allt hrundi.

Ég ætla ekkert að vera neikvæð, fólk má alveg hafa gaman.

Nema Erill sjálfur auðvitað enda á hann fyrir löngu að vera farinn í meðferð helvítið á honum.

En að öðru máli, eða myndbandi sem gengur nú ljósum logum um netheima og hefur með mögulegt "fyllerí" að gera en það er myndbandið af Sigmundi Erni Rúnarssyni í ræðustól Alþingis þarna á fimmtudagskvöldið þegar ríkisábyrgðin var rædd út í hörgul.

Sko, ég drekk ekki áfengi og er ekki í Samfylkingunni þannig að ég hef engra hagsmuna að gæta, en ef maðurinn var búinn að fá sér neðan í því og þurfti svo óforvarendis að fara í ræðustól, er það þá svona skelfilegt?

Auðvitað á fólk ekki að drekka í vinnunni en það er ekki eins og það hafi ekki gerst áður að menn séu slompaðir á þinginu.

Og á fundum í borginni og svona.

Frusssssssssssssssssssssss

Við nefnum engin nöfn.

En í alvöru þá hef ég lúmskt gaman af sumum bloggurum sem ná ekki upp í nefið á sér af hneykslun.

Hvað má þá segja um allt þetta lið sem er EDRÚ í ræðustól þessa dagana, röflar út í eitt og talar fyrir þingtíðindi af því það heldur að það sé að skrifa sig inn í Íslandsöguna með kjaftæðinu í sér?

Svei mér þá það kæmi betur út fyrir þetta lið að vera á felgunni.

Til að geta sagt seinna: Úps, rosalega er ég þvælinn og leiðinlegur (þingmaður sko) með víni.

Eins gott að ég var bara fullur.

100 þúsund í miðborginni

Athugasemdir

[Guðrún Emilía Guðnadóttir, 23.8.2009 kl. 17:09]

ÆI var hann slompaður pollinn?

Ég fór að mig minnir á fyrstu menningarnótt og það var afar skemmtilegt sko hjá okkur, ekki margir, foreldrar með vagna og kerrur skiljandi þá eftir fyrir utan allavega staðinn sem ég var á sem var Naustkjallarinn
komu svo inn að fá sér snúning og eitthvað svalandi, ekki var ég hneyksluð, en undrandi.

[Ingibjörg (IP-tala skráð) 23.8.2009 kl. 18:02]

Skál - Bermúdaskál.

[V. Jóhannsson (IP-tala skráð) 23.8.2009 kl. 18:19]

Íslendingar hafa alltaf flúið raunveruleikann og fara þess vegna ekki að mótmæla ranglætinu, því það er hinn blákaldi raunveruleiki.

En að fara t.d. í hommapartí eða útreiðartúr , þótt maður hafi ekki efni á því, er sjálfsagður hlutur, því þá getum við gleymt daglegu amstri.

[Ía Jóhannsdóttir, 23.8.2009 kl. 18:35]

Hummm sá ekki myndbandið enda gerir ekkert til.  Fólk á nú ekki að vera að staupa sig í vinnunni en eins og þú bendir réttilega á þá eru margir betur talandi fullir en ófullir ´þarna á þingi. 

[Hildur Helga Sigurðardóttir, 23.8.2009 kl. 19:07]

"Hart var barist í Beirut í nótt" Hver sem komin(n) er til vits og ára, man ekki þessa síendurteknu setningu úr útvarpsfréttum ?

Nú bætast sögur af ástandi Erils í miðborg Reykjavíkur í minningasafn barnanna.

Snilldarbragð hjá þér, Jenný, að persónugera hann, enda ekki seinna vænna að Erill þessi fái makleg málagjöld.

Pissandi í port útum allan bæ.

Á þetta kvikindi ekki Hummer ?

[Guðrún Emilía Guðnadóttir, 23.8.2009 kl. 20:06]

Já heyrði áðan orð um það í fréttum að verslunareigendur hefðu þurft að þrífa ansi margar tegundir eftir erilinn, Ojbara

[Anna Einarsdóttir, 23.8.2009 kl. 21:15]

Ég segi bara....... BermúdaSKÁL !