Allir í strætið

Jæja, nú mun fólk, eða allir sem vettlingi geta valdið mæta í Austurstrætið á morgun fyrir utan hús skilanefndar.

Jafnframt munu alþingismenn og ráðherrar fá mikið af ímeilum og símtölum.

Lúðrar munu þeyttir til að leggja áherslu á að almenningur er núna endanlega búinn að fá nóg.

Hvernig veit ég þetta?

Nú af því mér og nokkrum öðrum stelpum datt þetta í hug.

Er eftir einhverju að bíða?

Hvað segist um morgundaginn.  Fundur á Alþingi og svona og skilanefndin væntanlega í vinnunni, nema hún sé úti að borða eða hafi hreint af skroppið til Saudi í afskriftaferð.

Jamm, nú skulu lúðrar þeyttir.

Er það ekki krakkar mínir?

Kíkið hér og fylgist með þróun mála.

Gamli Landsbankinn afskrifar skuldir Magnúsar

Athugasemdir

[Emil Örn Kristjánsson, 18.8.2009 kl. 13:25]

Rólegan mysing, Jenný. Fáum fréttina fyrst staðfesta.  Í fyrsta lagi á ég erfitt með að trúa því að þetta geti verið. Í öðru lagi er ég enn að vona að sé einhver fótur fyrir þessari frétt þá hafi blaðamaður misskilið eitthvað... t.d. að Landsbankinn eigi eftir að leysa til sín Toyota umboðið og e-ð fleira.

Alla vega krefst ég útskýringa frá Landsbankanum og furða mig á því að ekki hafi enn komið yfirlýsing frá þeim bæ.

Reynist fréttin sönn þá gæti þetta náttúrulega orðið hið bezta mál. Ég mun þá að sjálfsögðu ætlast til þess að þær opinberu lánastofnanir, sem ég skulda fé (lesist Íbúðalánasjóður) afskrifi mínar skuldir í sama hlutfalli og Landsbankinn gerði fyrir Magnús Kristinsson.

[Þröstur Unnar, 18.8.2009 kl. 13:43]

Auðvitað verður allt afskrifað á þig Emil, þegar búið er að gera þig upp.

Ég trúi því ekki að nokkur hér í Moggahúsi sé svo skini skroppin að halda að afskrifa eigi persónulegar skuldir Magnúsar. Eða hvað?

Annars er ég alltaf til í dansleik á Austurvelli Jenný, ef ég má hafa einn kaldann meðferðis.

[Heiða B. Heiðars, 18.8.2009 kl. 15:04]

Má ég minna á afskriftir hjá Bolvíkingunum... Stím-mennirnir fengu afskrifaðar sínar skuldir en héldu kvótanum. Af hverju er svona fráleitt að trúa þessu?

Af því að upplýsingafulltrúi skilanefnda segir það??