Nýja-Ísland hvern andskotann?

Ofsalega getur maður verið illa áttaður og úti að aka á öllum sprungnum og með púströrið í götunni.

Fíflið ég hélt að á "Nýja-Íslandi" yrði ekki skipað pólitískt í bankaráð Seðlabanka.

Bíðum nú við, hvenær seldi ég sjálfri mér eiginlega þessar jákvæðu breytingar?

Var það eftir búsáhalda þegar ég hélt að nú myndi allt færast til betri vegar?  (Ef ég væri ekki óvirkur alki til þriggja ára og vissi algjörlega upp á mína tíu fingur að ég hef ekki verið undir áhrifum hugbreytandi efna þá myndi ég ætla að ég hafi verið dauðadrukkin þegar ég laug þessu að sjálfri mér).

Eða var það kannski fyrir kosningar þegar ég steðjaði bjartsýn á kjörstað að ég gaf mér að nú myndi allt breytast?

Æi, ég man það ekki. 

Ég verð að játa á mig ferlega einfeldni.

Því þegar ég sá þessa frétt sem gengur að lesa hér fyrir neðan þá trúði ég vart mínum eigin augum.

En þetta skrifast auðvitað á minn reikning.

Að sjálfsögðu hefur ekkert breyst hvað svona hluti varðar.

Afdankaðir pólitíkusar og aðrir flokksprelátar sitja eftir sem áður og ráða ráðum í hagsmunagæslu fyrir sína flokka í Seðlabankaráðinu.

Hvort þeir hafi hundsvit á efnahagsmálum er svo aukaatriði.

Algjört andskotans aukaatriði.

Ætlum við aldrei að læra?

Ég ætla að teygja mig í mitt persónlega kviðristukitt.

Kosið í bankaráð Seðlabankans

Athugasemdir

[Lára Hanna Einarsdóttir, 11.8.2009 kl. 22:18]

Hvar fást svona kviðristukitt og hvað kosta þau? 

[Óskar Þorkelsson, 11.8.2009 kl. 22:41]

Hvernig væri að fara í gang aftur með laugardagsmótmælin ?  ég get mætt 2 næstu ;)

[Brjánn Guðjónsson, 11.8.2009 kl. 22:42]

legg líka inn pöntun í svoleiðis kit

[Steingrímur Helgason, 11.8.2009 kl. 23:50]

"Zælari eru einfaldari en twöfaldari..."

[Páll Blöndal, 12.8.2009 kl. 00:58]

Jenny mín. VG er bara framsóknarflokkur.

Lára, hjá Jakobi kviðskera, Skólavörðustíg.

[Þórður Möller (IP-tala skráð) 12.8.2009 kl. 09:51]

Þetta er sama gamla Ísland. Við sjáum engar breytingar. Hvað nú? Svo í ofanálag munu þessir blessaðir stjórnarflokkar samþykkja Icesave til að slíta ekki stjórnasamstarfinu. Ísland verður sem sagt sett í gíslingu til að halda völdum. Er þetta nýja Ísland?

[sandkassi (IP-tala skráð) 12.8.2009 kl. 10:13]

ég teygji mig eftir haglabyssuni, held hún sé hérna bak við stólinn