Dramaköst þingmanns

Fyrirgefið en ég loka eyrunum þegar Þór Saari fer á kostum í notkun lýsingarorða.

"Það er verið að leysa þetta mál með hefðbundnum pólitískum ofbeldisaðferðum" segir Þór og á þá við Icesave offkors.

Sko, alveg frá því að þingmaðurinn ráfaði um með trékubbinn úr húsinu á Álftanesi í heilögu dramakasti þá flokkaði heilinn á mér hann undir "lýðskrumarar" og þar verður hann þar til annað kemur í ljós í félagsskap manna eins og Sigmundar Davíðs og fleiri hrópenda. 

Með kubbinn í fanginu setti þingmaðurinn niður sína næstsíðustu kartöflu í mínum garði.

Þegar hann svo snéri frá yfirlýstri stefnu BH varðandi ESB-aðildarviðræður, en hreyfingin lýsti því yfir fyrir kosningar að þjóðin ætti að fá að ákveða sjálf hvort gengið yrði í sambandið, þá fauk hans síðasta kartafla með arfa og öllu.

Þess vegna ímynda ég mér að þegar Þór Saari hrópar um ofbeldi þá eigi hann við að það sé pressa á alþingismönnum vegna Icesave-samningsins. 

Það er ábyggilega rétt.

En þetta stóra mál verður að afgreiða og þá helst af ábyrgð sem nær til samvinnu allra flokka.

Einelti og ofbeldi!

Afsakið á meðan ég treð ávöxtum í eyrun.

Hefðbundið pólitískt ofbeldi

Athugasemdir

[Sigurður Hrellir, 11.8.2009 kl. 14:25]

Af ávöxtunum skulum þér þekkja þá! (Silli & Valdi)

[Lára Hanna Einarsdóttir, 11.8.2009 kl. 14:25]

Bananar eru fínir til slíks brúks, en gott að hafa þá í minni kantinum... 

[hilmar jónsson, 11.8.2009 kl. 14:27]

Bragð er af þá barnið finnur...

[hilmar jónsson, 11.8.2009 kl. 14:33]

Í jákvæðri merkingu, að sjálfsögðu,,

[Torfi Kristján Stefánsson, 11.8.2009 kl. 14:35]

Ertu virkilega svona blind Samfylkingarkona að þú lætur allt yfir þig ganga?

Mig minnir að þú hafir verið hatrammur andstæðingur fyrri ríkisstjórnar en ert núna alfarið sammála þessari þrátt fyrir að áherslur hennar eru þær sömu og þeirra fyrri, þjónkun við hið alþjóðlega fjármálakerfi, til þess eins að "stuðla að aðgangi Íslendinga að erlendum lánsfjármörkuðum" eins og segir í yfirlýsingu fjármálaráðuneytisins frá 31. júlí sl (þar sem endureinkavæðing bankanna Íslandsbanka og Kaupþings, er boðuð þann 14. ágúst næstkomandi). 

Afsakaðu meðan ég æli.

[Brjánn Guðjónsson, 11.8.2009 kl. 14:43]

patata non grata?

[Jenný Anna Baldursdóttir, 11.8.2009 kl. 14:44]

Torfi: Samfylkingarkona???? Ónei hvernig dettur þér það í hug?

Ég er ekki flokkskona og nei ég kaus ekki Samfylkinguna.

En ég sé ekki alveg hvað það kemur málinu við varðandi þessa færslu.

Ég bíð smá... á meðan þú ælir.

Bið...

Okei, ég reikna með að innvolsið sé komið í vaskinn.

Málið er að ég studdi BH innilega í hjarta mínu (kaus ekki) vegna þess að ég fagnaði því innilega að fá nýtt fólk inn á þing enda veitir Alþingi svo sannarlega ekki af ferskum straumum með nýjan hugsanahátt.

Ég þekki fjöldan allan af fólki í BH og þar eru fremstar meðal jafningja tvær konur sem ég tel til vinkvenna minna.

En mér finnast þremenningarnir alls ekki hafa staðið undir væningum og síðast þegar ég vissi þá má gagnrýna.

Og ég tek ekkert mark á Þór Saari en ég gerði það svo sannarlega í upphafi.

Og farðu svo vel með þig vegna meltingartruflananna.

[Jenný Stefanía Jensdóttir, 11.8.2009 kl. 15:11]

"Síðast þegar ég vissi þá má gagnrýna" og síðast þegar ég vissi má líka skipta um skoðun.  Það flokkast undir manneskjulega reisn að skipta um skoðun með þeim hætti sem þú hefur rökstutt þín skoðanaskipti á þinn húmorska hátt.

"Síðasta karftaflan fokin með arfa og öllu"

[Jenný Anna Baldursdóttir, 11.8.2009 kl. 15:31]

Mín kæra nafna, það er svo snnarlega ekkert að því að skipta um skoðun en það var aldrei spurningin um það hjá Þór.  Þvert á móti þá sagðist hann enn vera sömu skoðunar en að hann væri með þessu að þrýsta á ríkisstjórnina að fella Icesave.

Come to think of it þá er Þór Saari sennilega sérfræðingur í "hefðbundnu pólitísku ofbeldi". 

[Rúnar Þór Þórarinsson, 11.8.2009 kl. 15:45]

Sæl Jenný - Mér finnst einkennilegt að gera ráð fyrir því að hægt sé að afgreiða svona mál "án þrýstings" og jafnvel verulegs þrýstings :)

[Hildur Helga Sigurðardóttir, 11.8.2009 kl. 16:18]

Ertu að segja að Saari sé dramadrottnig ??? Aldrei !

[Birna Dis Vilbertsdóttir (IP-tala skráð) 11.8.2009 kl. 17:57]

 ég er í kasti.Er spítan ekki uppi á vegg hjá þeim

[Kolbrún Heiða Valbergsdóttir, 11.8.2009 kl. 20:32]

Jenný, ég hef nokkrum sinnum kommentað á síðunni þinni varðandi VG (sem ég veit að þú styður) en þú hefur aldrei svarað því svo ég hafi séð. Ég geri enn eina tilraunina.

Um Þór segir þú: "Þegar hann svo snéri frá yfirlýstri stefnu BH varðandi ESB-aðildarviðræður, en hreyfingin lýsti því yfir fyrir kosningar að þjóðin ætti að fá að ákveða sjálf hvort gengið yrði í sambandið, þá fauk hans síðasta kartafla með arfa og öllu."

Finnst þér Þór svona sekur að þú þarft að blogga stórum um hann en minnist aldrei orði á u-beygjurnar sem Steingrímur og aðrir meðlimir VG hafa tekið í ÖLLUM sínum helstu stefnumálum? Mér nægir að nefna ESB, IceSave, IMF samstarf, verðtrygginguna og heimilin.

Þú ert skemmtilegur penni en mér finnst þreytandi hvað þú gagnrýnir auðveldlega alla nema VG. Ætli þú segir mér bara að hundskast til að lesa þá bara annað blogg en þitt - og sennilega geri ég það bara héðan í frá

[Jenný Anna Baldursdóttir, 11.8.2009 kl. 21:55]

Kolbrún Heiða: Ef ég hef aldrei svarað þér þá er það ekki vegna þess að ég vilji það ekki.

Ég hef einfaldlega ekki tíma til að svara öllum kommentum eins og ég gerði hér áður og fyrr.

En það er einfaldlega ekki rétt hjá þér að ég hafi ekki gagnrýnt bæði Steingrím og VG og það oftar en einu sinni.

Ég get hins vegar ekki tekið undir að þessi U-beygja sem Steingrímur á að hafa tekið sé réttlát gagnrýni.

Málið er að hann hafði ekki vitneskju um allan sorann frekar en við hin og ég býst við að hann sé að reyna að taka á málinu af ábyrgð.

Eins og reyndar flestir hinna.

Svo finnst mér Þór ekkert sekur um eitt eða neitt umfram aðra en málið er að ég hafði væntingar til hans umfram marga aðra stjórnmálamenn og það er auðvitað ekki við hann að sakast þó hann hafi ekki staðið undir þeim væntingum og sé ósköp svipaður flestum öðrum pólitíkusum.

Takk öll fyrir komment.

[Margrét St Hafsteinsdóttir, 11.8.2009 kl. 22:13]

Ég styð stjórnina og það sem hún er að reyna að gera í öllu þessu ógeðslega sulli sem hún þarf að  taka á..........og hana nú!

[Hrönn Sigurðardóttir, 11.8.2009 kl. 22:20]

Brjánn góður!! Hann segir eiginlega allt sem segja þarf.....

[Sigurður Þórðarson, 11.8.2009 kl. 23:25]

 Jenný þú notar allt aðra mælistiku á flokksbræður þína en aðra.

Ég heyrði Birgittu Jónsdóttur segja að í ræðustól Alþingis eftirfarandi:

"Ég var tiltölulega hlynt aðild Íslands að  Evrópusambandinu en því meira sem ég hef lesið af gögnum og því betur sem ég hef kynnt mér málið t.d. í nefndarvinnu Alþingis hafa efasemdir mínar aukist. Í dag er svo komið að ég er persónulega fullkomlega andvíg aðild Íslands að sambandinu"

Sumir fjölmiðlar hafa ekki áhuga á að segja frá þessu og þú ert of réttsýn og klár til að taka þátt í óréttmætri gagnrýni, þess vegna er brýnt að koma þessari leiðréttingu á framfæri.

[Jenný Anna Baldursdóttir, 12.8.2009 kl. 11:16]

Nota ég aðra mælistiku á flokksbræður mína?

Kannski enda kaus ég ákveðinn flokk vegna þess að ég treysti honum skárst til að stjórna með réttsýni og jöfnuð að leiðarljósi.

Það hefur þú væntanlega líka gert Sigurður?

Ég varð einfaldlega fyrir gífurlegum vonbrigðum með þremenningana en eins og ég segi þá er ekki við þá að sakast þó þeir hafi ekki mætt mínum væntingum.

Maður á nefnilega ekki að hefja fólk á stall.

Það skrifast hér með algjörlega á minn reikning.

[Jenný Anna Baldursdóttir, 12.8.2009 kl. 11:16]

Já Hrönn: Brjánn er eiginlega með þetta.

[Lísa Björk Ingólfsdóttir, 12.8.2009 kl. 15:40]

Mér finnast þessi þrjú, Þór, Birgitta og Margrét alveg vera að framfylgja sinni sannfæringu. Þau kusu jú með því að almenningur fengi að hafa loka kostningarrétt í ESB málinu og þar með aðild. En að almenningur hefði ekkert að segja (eins og samfylkingin og VG vilja) það vildu þau ekki - eins og meira en hálf þjóðin. Og þar með hinn almenni borgari.

 Þráinn er hinsvegar alfarið komin á væng samfylkingar og setur allt í vitleysu. Heldur hann að hann sé með "einhversskonar stjórnmálaflokk" í vasanum? Er hann kannski að safna efni í næstu bók?

Sorry - en þetta er það sem mér finnst.

[sandkassi (IP-tala skráð) 12.8.2009 kl. 15:42]

úff Jenný, það verður ekki létt verk hjá þér að færa brandara-stimplinn af Steingrími yfir á Þór Saari.

[Jenný Anna Baldursdóttir, 12.8.2009 kl. 15:47]

Hjónin mætt og halda yfir mér tölu.  Jæja þið eruð samt krútt.

[sandkassi (IP-tala skráð) 12.8.2009 kl. 15:49]

já enda er þetta allt í gúddí Jenný mín:).

[Sjóveikur, 12.8.2009 kl. 21:17]

Endilega komið þessu til skila til sem flestra gott fólk  við á dekkinu erum búin að fá nóg ´

http://www.youtube.com/watch?v=vvs5kOZ-VKw

Besta kveðja frá www.icelandicfury.com munum nota þann stuðning sem kemur inn fyrir niðurhal á tónlist til að skila af okkur "rannsóknum og reynslu" á ævintýrinu "Útgerð á Íslandi" í samanburði við aðrar þjóðir og meðferð hráefnis frá fiskveiðum Íslenskra sjómanna/kvenna

Byltingin étur börnin sín ! Lifi Byltingin !!!

sjoveikur

[Rúnar Þór Þórarinsson, 17.8.2009 kl. 13:40]

Þetta er nú svo mikil endemis vitleysa sem Sigurður Þórðar hefur þarna eftir Birgittu og er ég ekki hissa. Þau segja "Þjóðin á að kjósa um ESB aðild!" og selja sig út á það. Allir hrifnir af því loforði!

Svo "kynna" þau sér málin betur með stjórnarandstöðunni og voilá, þjóðin á skyndilega EKKI að fá að kjósa um aðild, heldur á að setja þjóðinni stólinn fyrir dyrnar með það eitt að SKOÐA málið.

Eru þau ekki í lagi?