Að vera hálfviti í félagsskap snillinga

Þarf ekki að setja þetta AGS-lið á samskiptanámskeið?

Vaða í fjölmiðla áður en þeir tilkynna Íslenskum yfirvöld um frestun á afgreiðslu lánsins?

Og enn bíðum við.

Smekklegt.  Þetta lið reynir ekki einu sinni að þykjast bera lágmarksvirðingu fyrir Íslandi.

Annars skil ég ekki hvernig við gátum lent í bankahruni og öllum þessum hörmungum við Íslendingar.

Sko miðað við alla sérfræðingana hér á blogginu, í fjölmiðlum og annars staðar, þá erum þeir með öll svörin og kunna þetta upp á sína tíu fingur.

Ekki kjaftur setur spurningamerki við eigin skoðanir.

Þær eru í öllum tilfellum það eina rétta, viskan drýpur af þeim. 

Nema ég offkors og aðrir tvístígandi hálfvitar sem sveiflast í skoðunum eftir því sem upplýsingar berast.

En ég segi það satt, með alla þessa sérfræðinga ættum við að vera í góðum málum.

Svo sagði Bjarni Ben í kvöldfréttunum að þetta væri nú ekki mikið mál þó AGS frestaðist.

Hann er líka einn sérfræðingurinn til sem þarf svo enga ábyrgð að taka.

Rosalega vildi ég vera svona örugg með mig.

Formleg niðurstaða um frestun endurskoðunar AGS ekki komin

Athugasemdir

[Brjánn Guðjónsson, 31.7.2009 kl. 02:55]

rétt hjá þér með sérfræðinga bloggsins. ég meina...hefðu þeir bara leitað til mín væri enn árið 2007

[Ásthildur Cesil Þórðardóttir, 31.7.2009 kl. 08:49]

Það eru auðvitað uppi margar skoðanir og allir telja sína besta það er náttúrulega mannlegt ekki satt?  En svo bætist reiðin við, og líka annað, óttin við framtíðina og óöryggið um að einhver geti gert eitthvað af viti.  Hingað til virðist það ekki hafa gengið eftir, og allt sem stjórnvöld hafa sagt okkur byggt á sandi, eða átti ekki allt að ggana smurt með blómum og rósavíni bara ef við sæktum um aðild að Evrópusambandinu?  Og hvað skín svo í gegn?  Jú velbrýndur kjaftur og klær.