Ég heyri í hurðum skellast

Ég vissi það!

Eða hélt mig vita.

Að meirihluti landsmanna (59%) styðji aðildarviðræður við ESB.

Ég styð þær líka heilshugar án þess að ég hafi hugmynd um hvort okkur sé betur borgið innan ESB eður ei.

Aðeins þannig komumst við að því og getum jafnvel tekið um það upplýsta ákvörðun þegar þar að kemur.

Annars held ég að ég og þessi 59% séum um það bil að verða fyrir vonbrigðum.

Ef það er rétt að ASG frestar fyrirtökunni einu sinni enn (þá vegna Icesave) þá fer allt lás allsstaðar.

Ég heyri í hurðum skellast.

Púmm heyrist í Norðurlandaútidyrunum.

Púmm, púmm, heyrist í stóru útidyrunum í Brussel.

Púmm, púmm, pang, heyrist í dyrunum þar sem lánsfjármagnið á heima víðast hvar.

Ég segi það enn og ég segi það aftur.

Við erum um það bil að verða óvinsælli en Castró er í Ameríku.

Frussssssss

Eins gott að það er hægt að borða íslenskar kótelettur í öll mál.

Hmprfm

Meirihluti styður viðræður

Athugasemdir

[Óskar Þorkelsson, 30.7.2009 kl. 09:45]

verst að það verður erfitt að fá rasp á kótiletturnar því raspurinn er innfluttur..

[Jón Aðalsteinn Jónsson, 30.7.2009 kl. 09:48]

Þá notarðu bara brauðmylsnu Óskar

[Óskar Þorkelsson, 30.7.2009 kl. 09:59]

til að fá brauðmylsnu Jón þá þarf að flytja inn kornvörur.. skilja ?

[Héðinn Björnsson, 30.7.2009 kl. 10:24]

Og þeim mun alvarlegra að það sé útlit fyrir kartöflubrest í Þykkvabæ.

[Pax pacis, 30.7.2009 kl. 10:50]

Ég held að flestir samlandar okkar hugsi eins og þú, Jenný, þótt það endurspeglist ekki á blogginu.  Það virðast ekki vera svo margir kannski-menn á blogginu í þessu máli.

[Ásdís Sigurðardóttir, 30.7.2009 kl. 11:30]

Maður rígheldur í bjartsýnina þessa dagana, ekki margt sem gleður í fréttageiranum. 

[Hrönn Sigurðardóttir, 30.7.2009 kl. 17:10]

Ég skil bara ekki af hverju allir hafa haldið því fram og gera kannski enn að Icesave og lán AGS tengist ekkert.........

....eru menn að reyna blekkja sjálfa sig? Því ekki gabba þeir mig!