Lausn er fundin á Icesave - Strákarnir reknir heim!

 

Ég held að ég sé búin að leysa Icesave deiluna.

Nei, ég veit að ég er búin að leysa hana fái ég mínu framgengt.

Þessi lausn kom til mín þar sem ég sat í auðmýkt minni og lítillæti hér í stofusófanum á kærleiks.

Málið er einfalt.  Karlar eiga ekki að díla um svona mál.

Þeir eru alltaf í landvinningum mennirnir.  Uppblásnir af eigin mikilfengleika.

Vilja vinna stóra sigra og sjást þá ekki fyrir.

Karlmenn eru glataðir í viðskiptum.

Við hóum saman venjulegum konum úr þeim löndum sem að Icesave-málinu koma.

Bretlandi, Hollandi og Íslandi.

Konur sem hafa þurft að reka heimili og sjá börnum sínum farborða af þeim peningum sem koma inn í heimilisreksturinn.

Við sýnum samkennd, viljum ekki leggja of þungar byrðar á hvor aðra.

Við leysum þetta á einum eftirmiðdegi yfir kaffibolla.

Og ég lofa að við stelpurnar komum til með að sættast á niðurstöðu sem allir geta lifað við.

Mér leiðist að segja það - en Icesave er einfaldlega ekki karlmannsverk.

Strákar!

Þið steinþegið á meðan.  Hafið gert nóg nú þegar.

Capiss?

P.s. Og Darling þetta með þögnina á við um þig líka.

Darling varar við vaxtaokri

Athugasemdir

[Laufey B Waage, 26.7.2009 kl. 23:47]

Ég mæli með þessari lausn. Kaffið verður gott, í fallegum bollum og við leysum þetta. Furðulegt að öngvum skuli hafa dottið þetta fyrr í hug.

[S. Lúther Gestsson, 26.7.2009 kl. 23:52]

Og útkoman yrði svona svipuð glæsileg og að senda kvensurnar á bílasölu, ef þær lenda á bílasala með dollu af Loga Geirs í hárinu og brúnku eins og Benni Ólsari þá gera þær bara það sem þeim er sagt að gera.

Svona saumaklúbbur myndi senda fleiri köku uppskriftir á milli landa en einhverja samninga.

Að vísu myndi sendinefnd Íslands ekki vera kölluð Ice-save nefndin heldur Ice-Babe nefndin, en svoleiðis taktík virkar ekki á bombur eins og  Möggu danadrottningu.

Við þurfum bara alvöru karlmannslega krafta í þetta.

[Steingrímur Helgason, 26.7.2009 kl. 23:58]

o.k.

[Óskar Þorkelsson, 27.7.2009 kl. 01:50]

... ok

[Lára Hanna Einarsdóttir, 27.7.2009 kl. 02:22]

Ég vildi nú helst stönduga, stóra krús, Laufey.

Og mér hlýnar um hjartarætur að sjá hvað S. Lúther hefur mikla trú á okkur konunum. 

Ólíkt Steingrími og Óskari... 

[Óskar Þorkelsson, 27.7.2009 kl. 02:33]

:) sorry Jenny og Lára H.. en konur einar og sér eru frábærar, en þetta versnar í takt við fjölgun þeirra á fundinum..

[Jónína Dúadóttir, 27.7.2009 kl. 07:56]

Líst vel á þetta

[Soffía Valdimarsdóttir, 27.7.2009 kl. 08:19]

Góóóð hugmynd!

Skyldi S.Lúther vera genginn út?!

[Ásthildur Cesil Þórðardóttir, 27.7.2009 kl. 09:18]

Þetta er frábær laus Jenný ég mæli með henni.

[Hrönn Sigurðardóttir, 27.7.2009 kl. 09:30]

Frábær hugmynd!

[Katrín Snæhólm Baldursdóttir, 27.7.2009 kl. 10:31]

Alveg sjálfsagt að prófa þetta...við höfum engu að tapa héðan af. Útkoman yrði betri hjá kellunum yfir kaffinu....jafnvel þó þær skildu hausana eftir heima. Vitleysuna sem á undan hefur gengið er einfaldlega ekki hægt að toppa.

[Jenný Stefanía Jensdóttir, 27.7.2009 kl. 15:45]

Brilliant!  út með testesterón inn með estrogen!

[Jenný Anna Baldursdóttir, 27.7.2009 kl. 16:38]

Úje.