Aumkunarverðasta starfið á Íslandi í dag?

 

Enn ein fréttin um að það sé verið að skoða lánveitingar hjá Landsbanka sem orka tvímælis.

Gott mál.

En í hvert skipti sem eitthvað kemur upp sem varðar Landsbankamafíuna, og allir vita að það er æði oft, kemur Ásgeir nokkur Friðgeirsson og reynir að plástra yfir og slétta úr fyrir feðgana Björgólfs.

Ásgeir Friðgeirsson er talsmaður Björgólfsfeðga.

Þvílíkt starf, Ésús minn á fjallinu.

Alveg er ég viss um að Ásgeiri hefur fundist hann heldur betur hafa dottið í lukkupottinn þegar hann var ráðinn á meðan allt lék í lyndi.

Getur varla hafa verið nema létt verk og löðurmannlegt að skrifa fréttatilkynningar um landvinninga fjármálaséníanna sem hann vann fyrir þegar litið var á útrásarfrömuðina sem undrabörn.

Þegar Björgólfur eldri gekk uppstrílaður um Austurstrætið og tók gangandi vegfarendur tali eins og kóngur sem heiðrar þegna sína með nærveru sinni.

Á þeim tímum sem fréttatilkynningar um peningasigra útrásarbarónanna voru afhentir fréttamiðlunum og þeir síðan birtu sem heilagan sannleika gagnrýnilaust.

Já, þá hefur Ásgeir Friðgeirsson haft með höndum eitt eftirsóknarverðasta starf á landinu.

En núna, en núna.

Ég skal ekki segja.

Ég veit nefnilega ekki hvort ég á að fyrirlíta manninn eða aumka hann þegar hann hleypur til í hvert skipti sem nýjar fréttir berast af Landsbankaspillingunni í gróðæris og reynir af veikum mætti að réttlæta gjörðir húsbænda sinna.

Áts, hvað hann er í lítið eftirsóknarverðu starfi.

Cry me a river.

Skoða lánveitingar Landsbanka

Athugasemdir

[Óskar Þorkelsson, 27.7.2009 kl. 10:27]

fyrirlíttu starfið en ekki mannin ;)

[Hrönn Sigurðardóttir, 27.7.2009 kl. 10:31]

já... þeir kallast núna útrásarDÓLGAR!

[Ásthildur Cesil Þórðardóttir, 27.7.2009 kl. 10:33]

Ótrúlegt hvað sumt fólk getur lagst lágt til að réttlæta gerðir sínar eða annara.  Segi ekki margt. 

[Jenný Anna Baldursdóttir, 27.7.2009 kl. 10:44]

Óskar: Rétt hjá þér en hvar eru skilin? 

[, 27.7.2009 kl. 10:54]

Geiri er góður drengur en hefur líklega verið heldur óheppinn í vinavali í þetta sinn.

[Birna Dis Vilbertsdóttir (IP-tala skráð) 27.7.2009 kl. 11:10]

Óskar sagði það sem ég vildi segja,

[Þröstur Unnar, 27.7.2009 kl. 11:25]

Jebb, það eru sumir sem taka launin fram yfir ISO númerið.

[Ingvar, 27.7.2009 kl. 11:54]

Ásgeir Friðgeirsson sagði af sér þingmensku fyrir Samfylkinguna til þess að geta verið talsmaður útrásarinnar. Sem sagt til þess að geta fengið meiri laun við spillingarstörf.

Ingvar

[Axel Jóhann Axelsson, 27.7.2009 kl. 13:11]

Er þetta ekki svipað og hjá lögfræðingum, sem annast varnir fyrir lögbrjóta.  Þeir eru ekki samsekir í glæpaverkunum, en eru bara að vinna vinnuna sína.  Störf eru misgeðleg og undir hverjum og einum komið, við hvað hann hefur geð til að vinna.