Í fúlustu alvöru

Við vorum tekin í haust, svínbeygð til hlýðni af Hollendingum af því að þeir voru undirbúnir en við ekki.

Geir Haarde örugglega á "maby I should have" stiginu.

Málið er að hér voru yfirvöld í sjokki og því var látið undir höfuð leggjast að bjarga bæði einu og öðru.

Sko, yfirvöld, þ.e. það fólk sem ber ábyrgðina má ekki vera í sjokki eða á einhverju "látum okkur nú sjá, bíðið ég ætla aðeins að hugsa málið" stigi.

Það er einfaldlega harðbannað.

Hvað hélt þetta fólk að það ætti að gera í vinnunni í október síðast liðnum?

Ég velti því fyrir mér í fúlustu alvöru.

Starfsmenn AGS mótmæltu

Athugasemdir

[Margrét Sigurðardóttir, 12.7.2009 kl. 23:37]

Og hvað heldur fólkið, sem í dag er við völd, að það eigi að gera í vinnunni? Slá skjaldborginni loksins um heimilin frekar en bankana kannski?

[Jenný Stefanía Jensdóttir, 12.7.2009 kl. 23:59]

Ég fyrir mitt leyti tel að ákvarðanir sem teknar voru í bólinu snemma morguns eftir "hrunið" mikla hjá yfirvöldum, hljóti að vera hægt að afturkalla einmitt á þeirri forsendu að yfirvöld voru í sjokki og allar aðgerðir einkenndust af óráði.  Til vara verður hægt að afturkalla þær á forsendum "kúgunar og ónógra upplýsinga".  Til þrautavara verður hægt að afturkalla þær, vegna aðgerða sem stærsta kúgunarþjóðin viðhafði; að setja okkur á bekk með Osama bin Laden, sem umsvifalaust þeytti milljarðaeignum út um gluggann.

Skil samt ekki af hverju núverandi yfirvöld verja þetta óráð þarna í haust  fram í rauðan dauðann.

[Adda Þorbjörg Sigurjónsdóttir, 13.7.2009 kl. 05:52]

Memo þeirra í haust var aldrei fullnustað sem samningur og yfirvöldum þar tilkynnt aldrei yrði samið á þessum nótum. Mér finnst skiljanlegri mistökin sem framkvæmd voru í haust þegar landið var að lokast en þeir gjörningar og mistök sem núverandi ríkisstjórn er að gera, þau eru hrein afglöp ef ekki landráð. Ef af þessu verður segi ég bara "út vil ek".