Eldheitar samræður á milli hjóna

 

Miðað við langa og fjölbreytta reynslu mína í hinum ýmsu hjónaböndum ætti ekki margt að koma mér á óvart.

Enda er það svoleiðis. 

Reynslan beinlínis drýpur af mér.

Tel mig kunna hjónabönd upp á milljón og þrjá.

En svo varð mér á í messunni.

Í kvöld fór minn ástkæri út í búð til að kaupa eitt og annað.

Þegar hann gekk út úr húsi kallaði ég á eftir honum og bað hann um að kaupa xxxxxxxxx.

Þú mátt ekki gleyma því hrópaði ég hátt og skýrt. 

Hann: Nei, nei, nei, auðvitað ekki.  Ég er með meðvitund kona.

Tíu mínútum seinna: Riiiiiiiiiiiiing.

Ég: Halló.

Hann: Hæ, hvað var það sem ég mátti ekki gleyma að kaupa?

Ég: Ertu strax búinn að gleyma því?  Kommon, hvernig væri að hlusta á mig?

Hann (lágum rómi): Hvað var það Jenný, ég stend hérna eins og fífl í miðri búð.

Ég: Vá hvað þetta er flatterandi, ekki hlusta gat á hljóðhimnuna þegar ég tala við þig.  Urrrrr.

Hann: JENNÝ!

Ég (með brostið hjarta tók langa blóðdrjúpandi kúnstpásu): Það var ekkert merkilegt greinilega (fórnarlambsblóðbunan svettist á vegginn fyrir framan mig þegar hér var komið sögu), við sleppum þessu.

Hann: Nei veistu að nú legg ég á.

Ég: Já gerðu það.  Enda hef ég ekkert að segja.  Bless.  Pang.

Fimm mínútum seinna mundi ég hvað það var sem hann átti að kaupa.

Mig vantaði kveikjara.  Sárvantaði hann.

En ég ætla EKKI að tilkynna viðkomandi eiginmanni að ég hafi verið búin að gleyma hvað mig vantaði.

Því myndi hann EKKI gleyma það er á hreinu.

Andrei nokkurn tímann.

Frusss.

Athugasemdir

[Lísa Gestsdóttir (IP-tala skráð) 8.7.2009 kl. 00:46]

Muuhahahaha...snilld, þú bregst manni sko ekki í skemmtilegum skrifum :)

[Lísa Björk Ingólfsdóttir, 8.7.2009 kl. 01:20]

Geðveiiiikt:) Þið fáið samskiptaprik fyrir þetta!

[Jenný Stefanía Jensdóttir, 8.7.2009 kl. 02:08]

Vona að þú hafir ekki fengið rafstuð við að "light up" í ristavélinni.

[Sigrún Jónsdóttir, 8.7.2009 kl. 02:24]

Þekki þetta

[Jónína Dúadóttir, 8.7.2009 kl. 05:25]

[Guðrún Emilía Guðnadóttir, 8.7.2009 kl. 07:38]

Æ veistu, ég er í kasti þetta bjargaði deginum, gæti sagt þér margar svona elskan, og nú veistu að þú stendur ekki ein knúsin mín

[Óskar Þorkelsson, 8.7.2009 kl. 07:57]

he he ég kannast við þetta

[Ía Jóhannsdóttir, 8.7.2009 kl. 08:36]

Um daginn leitaði ég dauðaleit að virkum kveikjara þar sem mig langaði að gera smá kósí og kveikja á kertum. Ég átti nóg af þeim en allir gaslausir.   Þetta hefði aldrei gerst ef ég hefði ekki álpast til að hætta að reykja.  Dæs! 

[Ragna Birgisdóttir (IP-tala skráð) 8.7.2009 kl. 09:01]

[Birna Dis Vilbertsdóttir (IP-tala skráð) 8.7.2009 kl. 09:46]

 hann mundi þó eftir að hringja og spyrja hahaha

[Laufey B Waage, 8.7.2009 kl. 12:51]

Jenný þú ert yndisleg.

[Dúa, 8.7.2009 kl. 13:08]

Hver gleymdi að vekja einhvern í gær?