Ekki sumarfrí á miðri fokkings vertíð - ha?

Ég er nýbúin að blogga sjálfshjálparbækur sundur og saman í háði og varla búin að slökkva á lyklaborði þegar ég þarf algjörlega á einni svoleiðis að halda.

Halló, mér líður eins og barni sem snuðið hefur verið rifið af.

Eins og alka sem hefur brotið brennivínsflöskuna.

Eins og útrásarvíkingi sem búið er að rífa þotuna og snekkjuna af.

Hvar er Kastljós?

Það er ekkert Kastljós í kvöld og þulan lætur bara eins og það sé ekkert athugavert við það.

(Er ekki til einhver bók sem hjálpar mér að lifa af hérna?)

Hvernig á ég að vita hvað mér finnst?

Hvar á ég að fá upplýsingar til að mynda mér skoðanir?

Halló RÚV það er kreppa, allir ljúgandi, svíkjandi og prettandi, landið á hausnum og plottin í fullum gangi út um allt.

Maður fer ekki í sumarfrí á miðri fokkings vertíð.

Síldin saltar sig ekki sjálf það er nokkuð ljóst.

Silfrið er í fríi.

Núna Kastljós sýnist mér.

Og ekkert eftir nema andskotans Familie Journal á Stöð 2.

Glætan að ég leggist svo lágt að fara að fylgjast með því.

ARG og bavíanar.

Sjálfshjálp gerir illt verra

Athugasemdir

[Helga Magnúsdóttir, 6.7.2009 kl. 19:56]

Allt er nú hægt að gera manni. Helvítis fökking fökk.

[Lára Hanna Einarsdóttir, 6.7.2009 kl. 20:02]

Mér líður eitthvað svipað. Kastljósið kemur víst ekki aftur fyrr en eftir verslunarmannahelgi, 4. ágúst. Þetta er örugglega vegna fjárskorts, það var ekkert hlé í fyrrasumar.

Hvað er hægt að gera í þessu? 

[Dúa, 6.7.2009 kl. 20:09]

Spila lúdó eða yatzy?

[Jenný Anna Baldursdóttir, 6.7.2009 kl. 20:09]

Hvað gerum við stelpur?  Arg.

[Himmalingur, 6.7.2009 kl. 20:14]

Áttu ekki mann, sem þú getur notað í hallæri eins og þessu?

[Jóhanna Magnúsar- og Völudóttir , 6.7.2009 kl. 20:24]

Raða í fataskápana eftir litum?

[Dúa, 6.7.2009 kl. 20:47]

Góð hugmynd með litina! Eða skipta um herðatré í öllum skápum....það er algert möst að hafa öll herðatrén eins....rúmast miklu betur og miklu auðveldara að sjá hvað þú átt og .. *innsog*

[Birna Dis Vilbertsdóttir (IP-tala skráð) 6.7.2009 kl. 20:48]

Horft á gamla kastljósþætti á netinu????? Eða lesið????Lúdó er skemmtilegt

[Hrönn Sigurðardóttir, 6.7.2009 kl. 21:04]

Ég spái því að á morgun verðir þú farin að blogga um Ísland í dag :Þ

[Lísa Björk Ingólfsdóttir, 6.7.2009 kl. 21:13]

Spáið í það ef við dyttum svona 25 ár aftur í tímann í nokkra daga.  Ekkert sjónvarp í júlí. Ekkert internet. Engin talva (eða tölva). Bara gamla gufan:)  Já - og reyndar ekkert Ice-save.......

[Emil Örn Kristjánsson, 6.7.2009 kl. 21:25]

Ég er að lesa Þjóðsögur Ólafs Davíðssonar... þar virkar bara vel, svolítið gamlar fréttir en nógu spennandi samt.

[Sigurður Þór Guðjónsson, 6.7.2009 kl. 23:59]

(Er ekki til einhver bók sem hjálpar mér að lifa af hérna?)

Hvað með biblíuna? 

[Jóna Kolbrún Garðarsdóttir, 7.7.2009 kl. 01:47]

Ég er hætt að treysta öllum fjölmiðlum á Íslandi.  Lygarnar eru mismunandi hjá öllum fréttamiðlunum..  Ef sannleikurinn væri sagður, yrðu allir sammála. 

[Jónína Dúadóttir, 7.7.2009 kl. 07:56]

Æi verðuru þá að vera algerlega skoðanalaus til 4. ágúst... það líst mér ekkert á

[Hildur Helga Sigurðardóttir, 8.7.2009 kl. 17:13]

kASTLJÓSIÐ KOM AFTUR Í GÆRKVÖLDI; AF "ILLRI" NAUÐSYN.

aUÐVITAÐ ÞÝÐIR EKKERT AÐ LOKA INNLENDRI DAGSKRÁRDEILD rúv Á SUMRIN, EINS OG HVERJUM ÖÐRUM LEIKSKÓLA. hEFUR NÚ SAMT TÍÐKAST HINGAÐ TIL.

aFSAKIÐ UNDARLEGT STAFALAG. mÚSIN GERÐI UPPREISN MEÐAN KÖTTURINN SKRAPP VESTUR...