Ríki í ríkinu

Það þarf orðið mikið til að ganga fram af mér.

En ríkissaksóknara tekst í annað skipti á stuttum tíma að gera mig nánast kjaftstopp.

Er þetta séríslenskt fyrirbrigði þessi þaulseta embættismanna?

Valtýr er ósnertanlegur í lögvernduðu starfi, enginn hefur vald til að setja hann af þótt rannsóknarhagsmunir krefjist þess í raun.

Samt situr hann.

Tekur þessu persónulega að Eva Joly telji að hann eigi að víkja vegna þess að rannsókninni á bankahruninu geti verið stefnt í voða.

Fer ekki rassgat.

Svo er kvenfyrirlitningin sem hann sýnir franska dómaranum með ólíkindum alveg hreint.

"Þessi" kona með þráhyggju gagnvart honum!

Mér finnst svona almennt og yfirleitt, burtséð frá persónum og leikendum, að ekkert starf í íslenska embættismannakerfinu (né nokkurs staðar) sé svo múr- og naglfast að ekki skuli vera hægt að láta fólk víkja ef sú staða kemur upp.

Hvernig er það eiginlega, hversu langt nær þetta atvinnuöryggi?

Segjum ef ég væri í djobbinu, dytti í það, lemdi mann og annan og færi fram með almennum rustaskap, væri þá ekki hægt að reka mig?

Ha?

Bara ríki í ríkinu, eins og drottningin yfir Íslandi?

Nei í alvörunni, hvað er að?

Valtýr; hættu þessum prímadonnustælum.

Það kemur alltaf maður í manns stað.

Þannig er nú það og þetta er ekki persónulegt.

Athugasemdir

[Stefán (IP-tala skráð) 6.7.2009 kl. 15:23]

Þessi ríkissaksóknari er greinilega karlrembusvín af verstu gerð og svínaflensa geysar jú um alla jörð núna.  

[Dúa, 6.7.2009 kl. 15:33]

Jess Jenný Ég var að skrifa á mínu bloggi bréf til Valtýs....ég meina hann hlýtur að lesa mitt blogg  

Við erum andlegir tvíburar...nei ekki ég og Valtýr...jú and mí beibí

[Sigurður Þór Guðjónsson, 6.7.2009 kl. 16:04]

Þú segist vera nánast kjaftstopp en kjaftar samt þessi ósköp!

[Jenný Anna Baldursdóttir, 6.7.2009 kl. 16:16]

Sigurður Þór: Hvað er það við "nánast" sem þú átt í erfiðleikum með?

Dúa búin að svara.

Stefán: Góður.

[Lísa Björk Ingólfsdóttir, 6.7.2009 kl. 17:23]

Er þetta embætti svona eins og páfinn?

[Einar Þór Strand, 6.7.2009 kl. 17:55]

Það er merkilegt hvernig þið leggið þennan mann í einelti, ég held að það væri nær að Eva Joli segði af sér vegna þess að sem þingmaður á Evrópuþinginu þá er hún vanhæf í þessari rannsókn, en það er víst bannað að minnast á það því það er andstætt pólitískri réttsýni.

Og það er líka rétt að muna að samkvæmt reglum Evrópuþingsins þá má hún ekki sinna öðrum launuðum störfum meðan hún situr þar.

[Anna , 6.7.2009 kl. 18:30]

Jóhanna needs to step in there. Og láta hann fara eins og hun gerði með Davíð Oddsson.

[Helga Magnúsdóttir, 6.7.2009 kl. 19:11]

Það verður einhver að stjaka við karlálftinni. En munið þið ekki þegar ríkislögreglustjóri hótaði manni á bar og allar skýrslurnar hurfu? Það eru fleiri en eitt og fleiri en tvö embætti varin með kjafti og klóm.

[Lilja Guðrún Þorvaldsdóttir, 6.7.2009 kl. 22:04]

   Það sér hver heilvita maður að enginn er fær um að rannsaka og/eða ákveða saksókn í máli barns síns, án þess að vera hlutdrægur.  - Og það á ekki að vera hægt að einhver geri slíkt. 

  Þessvegna verður maðurinn að víkja, því öll þessi mál munu að lokum fara í gegnum skrifstofu ríkissaksóknara Valtýs Sigurðssonar, þegar rannsókn er lokið, eru gögnin send ríkissaksóknara sem ákveður hvort ákæra verður gefin út..