Litli bróðir "klaufi" og "ofviti"

 

Við náðum í Jenný Unu á leikskólann í dag.

Sú stutta hefur ákveðnar skoðanir á hverju hún vill klæðast og núna var kjólinn hennar "ógisslegur", en hvaðan hún hefur þetta lýsingarorð er mér hulin ráðgáta.

Amman sagði barni að kjólinn væri ofsalega fallegur enda alveg nýr.

Jenný Una: Nei amma hann er ógisslegur og mömmu finnst það líka.

Amman: Nei, Jenný, mamma þín var að kaupa hann.

J.U.: Mér er alle sama, hann er ekkert fallegur, ég vil bara fara í langermabol og langerma gallabuxur. 

Amman (í kasti): Langerma gallabuxur?

J.U. Já é vil ekkert vera í stuttbuxum!

Og í bílnum á leið í matvörubúðina var dúndrað yfir ömmuna og afann spurningum um eitt og annað.

Dæmi:

Er obbeldi að sparka?

En hrinda?

En ýta?

En lemja?

(Hér sá ég að hún glotti enda löngu búin að fá ofbeldisskilgreiningu frá mömmu sinni).

Ég svaraði játandi.

J.U. En amma hann Lilleman sló mig mjög fast.  En hann er ofviti, hann má það.

Og aðeins seinna.

Hann Lilleman er með klaufaveiki (gin- og klaufa í gangi á leikskóla) og hann vill ekkert borða, hann fær bara stíl í rassinn.

Ég var eiginlega komin með krampa vegna innri hláturs þegar þessari samverustund lauk.

Hér er svo mynd af "klaufanum" og "ofvitanum Lilleman litlabróður.

Börn eru mitt uppáhaldsfólk.

 

 

 

Athugasemdir

[Laufey B Waage, 2.7.2009 kl. 00:01]

Börn eru yndisleg. Sérstaklega manns eigin börn og barnabörn.

Gaman að hitta þig "í alvörunni" í búðinni í dag. Takk fyrir að heilsa mér.

[Sara móðir barnana (IP-tala skráð) 2.7.2009 kl. 00:06]

Já hún er æðisleg, hún er svo skilningsrík með litla bróðir sinn..

[Sigrún Jónsdóttir, 2.7.2009 kl. 00:08]

Yndisleg færsla

[Eygló, 2.7.2009 kl. 00:31]

Ógisslega skemmtileg færsla og mynd af barnsengli.

[Dúa, 2.7.2009 kl. 00:42]

Þau eru krúttkögglar

[Lilja Guðrún Þorvaldsdóttir, 2.7.2009 kl. 00:46]

   Yndisleg frásögn, mikið er hún dásamleg hún litla nafna þín!   Líka stórfengleg þessi mynd af henni,  er litla daman að heilsa sólinni, eða er hún í jóga?  

   Það er nú stundum dálítið erfitt að eiga ofvita og klaufa fyrir bróður! En litli snáðinn að fá þennan óþverra, vonandi batnar honum fljótt.  Þeir segja að þetta komi frá köttum í sandkassanna.  Mikið áttu falleg og skemmtileg ömmubörn Jenný Anna.

[Jóna Kolbrún Garðarsdóttir, 2.7.2009 kl. 00:46]

[Ía Jóhannsdóttir, 2.7.2009 kl. 07:30]

Ég endurtek það er svo gott að vakna með þér á morgnanna, fá sér kaffi (enga sígó) og brosa hringinn.  Takk kæra Jenný.

[Jenný Anna Baldursdóttir, 2.7.2009 kl. 07:48]

Laufey: Það var svo gaman að hitta þig.

Jenný Una þráspurði mig um hvernig bloggvinkona væri, hvort það væri alvöru vinkona.  Ég hélt nú það.

Sara: Rétt.

Ía: Takk og gott ef ég fæ þig til að brosa.

[www.zordis.com, 2.7.2009 kl. 14:01]

Bara sæt og fyndin færsla!