Tilgerðarveldi ímyndaðs göfuleika - arg

Þá sjaldan þegar menn tengdir bankahruninu sjá sig tilneydda til að hætta (á líka við í pólitík), af hverju í skollanum hefja þeir sig alltaf upp í æðsta andskotans tilgerðarveldi ímyndaðs göfugleika?

Helgi Sigurðsson, yfirlögfræðingur bæði gamla og Nýja Kaupþings, sem DV segir frá í dag að hafi sjálfur skuldað 450 milljónir þegar hann kvað upp úr með að niðurfelling ábyrgða á starfsmenn bankans væru í lagi og gerði sig þar sekan um hámark siðleysisins, ætlar nú að hætta.

Ætlar hann að hætta vegna þess siðleysis sem felst í gjörðum hans?

Ætlar hann að hætta vegna þess að lögfræðilegt álit hans sem farið hefur verið með eins og boðorðin tíu meitluð í stein af viðskiptaráðherra, reyndust gefin af manni sem hafði beina persónulega hagsmuni af því að farið yrði að ráðum hans?

Ætlar hann að hætta af því að hann er bullandi vanhæfur?

Nei, auðvitað ekki.

Enginn svoleiðis hálfvitaháttur er ástæða þess að hann segir starfi sínu lausu frá og með deginum í dag.

Nei, hann er auðvitað svo göfugur að hann ætlar að hætta til að skapa frið um bankann.

Afsakið á meðan ég garga mig hása, frem á mér andlega kviðristu og brýt allt sem brothætt er í kringum mig.

Allt í huganum samt.

P.s. Það mun heldur ekki skapast neitt traust, friður eða nokkur skapaður hlutur annar um þessa banka á meðan sama fólkið situr þarna eins og ekkert hafi í skorist.

Hræsnarar.

Helgi hættir hjá Kaupþingi

Athugasemdir

[Ásta B (IP-tala skráð) 30.6.2009 kl. 16:13]

Sammála Ég er svo reið að það sýður á mér.

[Ingólfur Ásgeir Jóhannesson, 30.6.2009 kl. 16:14]

Ég krefst þess að það verði upplýst hversu margir af helstu yfirmönnum bankanna gömlu starfa þar enn við nákvæmlega sömu störf og áður. Í því felst ekki yfirlýsing um að ég telji að þeir séu sekir af einhverju, en ég veit ekki heldur að þeir séu saklausir af einhverju. Einhvern veginn virðist enginn vilja taka nokkra ábyrgð á því sem gerðist, ekki sjálfviljugur!

[Guðmundur Pétursson, 30.6.2009 kl. 16:22]

Hvað með framkvæmdastjóra áhættustýringar Glitnis og Landsbankans, Sverri Örn Þorvaldsson og Ársæl Hafsteinsson og aðra ónefnda en álíka vanhæfa framkvæmdastjóra hjá ríkisbönkunum  ?

[Ía Jóhannsdóttir, 30.6.2009 kl. 16:25]

Tek undir með þér Jenný, og engin ábyrgð! Algjört siðleysi!   

[Jenný Stefanía Jensdóttir, 30.6.2009 kl. 16:39]

Hræsni og hroki eru púkarnir sem sitja á hægri og vinstri öxl þessara "kúlulánapunga" (excuse my language not)

[Dúa, 30.6.2009 kl. 17:00]

Ég er búin með ljótu-orða-kvótann fyrir daginn

....þannig að : Vill einhver nammi?

[Brjánn Guðjónsson, 30.6.2009 kl. 17:19]

mmmm, spillingin er unaðsleg

[Magnús Geir Guðmundsson, 30.6.2009 kl. 18:04]

Afbragsfyrirsögn og þú mátt meira að segja láta rigna upp í nefið á þér núna, mín þokkafulla og þrælsniðuga, því TILGERÐARVELDI telst að öllum líkindum vera nýyrði í hinni dásamlegu íslensku!

Legg til að Einar eldi í kvöld!

[Kolbrún Heiða Valbergsdóttir, 30.6.2009 kl. 23:26]

Sammála þér og tek undir orð Ingólfs

[Lilja Guðrún Þorvaldsdóttir, 1.7.2009 kl. 00:45]

Sammála, hræsni, hroki og siðleysi !