Ég gef skít í Icesave

Ég ætla að vera fullkomlega ábyrgðarlaus borgari meðal borgara og gefa skít í Icesave.

Ekki að neinum komi það við, en ég er svo tjáningarglöð og alltaf að troða skoðunum mínum upp á mína elskulegu lesendur.

Oh, ég er svo mikill fjölmiðill á mínum fámiðli.

En krakkar, ég tilkynni hér með að ég er komin með upp í háls af Icesave.

Annar eins aragrúi sérfræðinga sem tjáir sig um hvað sé best í þessu máli, hvað beri að gera og hvað ekki, er að gera mig brjálaða.

Allt þetta fólk sem bloggar, er í viðtölum, skrifar í blöð og kemur í sjónvarp, sem segir okkur hvernig sé best að landa þessu máli.

Ekki semja - semja - fara í mál - senda fingurinn  og ladídadída.

Það er ekki hægt að mynda sér skoðun í þessu flóði "sérfræðiálita".

Svo er ofboðslega auðvelt að sitja heima hjá sér með nefið upp í loft og gefa álit út í cypertómið.

Er oft ansi dugleg í þeirri deild sjálf, látið mig þekkja þetta, en ég er á sérkjörum hjá sjálfri mér.  Só?

En ég sá Gylfa í viðtali í Kastljósinu í kvöld.

Ég trúi því að hann sé að tala af heiðarleika, það er að minnsta kosti mín tilfinning.

Og hann ber ábyrgð á Icesave eins og afgangurinn af landsstjórninni.

Sem er meira en hægt er að segja um marga æstustu álitsgjafana.

Þannig að nú ætla ég að halla mér aftur og bíða og sjá.

Svo vildi ég að Steingrímur J. gæfi þjóðinni ljósrit af bréfaskiptum okkar (sínum) við samningamenn Breta og Hollendinga.

Það er búið að garga eftir þessum pappírum sem hann sýndi Herði Torfa og Láru Hönnu.

Af hverju hélt hann ekki blaðamannafund um málið og sýndi bréfin?

Sussusussu Steingrímur.  Ekki gott.  Gegnsæi, mannstu, gegnsæi.

En..

Ég vil ekki meira garg, fullyrðingar og sérfræðiálit, hvorki keypt né færð fram aldeilis óumbeðið.

Og á meðan ætla ég að fíflast á blogginu eins og ekkert sé bankahrunið.

Og Icesave sé martröð.

Sem það er.

But you know what I mean.

Úje í sumarið.

Hagstæð ákvæði Icesave

Athugasemdir

[Dúa, 24.6.2009 kl. 00:15]

Já en, já en ég ætlaði að fara að skrifa mitt álit sem er RÉTT.

Ertu að segja mér að ég hafi lesið alla fokkíngs tilskipunina um Tryggingasjóð á 3 tungumálum, allt Evrópudraslið eins og það leggur sig, lögin, frumvarpið, rifið fram þjóðaréttinn og bækur um stjórnskipun úr hillunum hérna heima, lesið hagfræði (sem ég er að reyna að skilja....skil allt hitt sko), reiknað út greiðslubyrði, lesið þær 3 bækur sem hafa komið út um hrunið, neitað mér um súkkulaði í 2 daga......og það allt til þess að þú ætlir að dissa mitt álit?

Skammastín

Ég er búin að óverdósa á þessu máli og ætla bara að blogga núna um fiðrildi, bútasaum, lífrænt ræktað grænmeti, dónaleg mál og bull

P.s. Getur samt einhver sagt mér nákvæmlega hvað er til í Tryggingasjóðnum

[Jenný Anna Baldursdóttir, 24.6.2009 kl. 00:18]

Auli.

[Solveig (IP-tala skráð) 24.6.2009 kl. 00:18]

Ja, heppnin alltaf í mér, hér sit ég og hugsa eitthvað og þú skrifar það fyrir mig.  Svo geri ég eitthvað annað uppbyggjandi á meðan. Eins og að skrifa þetta...

[Ívar Pálsson, 24.6.2009 kl. 00:41]

Þetta virðist þá vera leiðin: að drekkja helstu bloggurum í vaðli svo að þeir gefist upp þegar 2% leiðarinnar eru eftir. Að fólk eyði allri sinni orku og tíma mánuðum saman í að berja potta og pönnur úti í kuldanum, þar til að eina smá- orkan er eftir í hendinni, að skrifa undir afarsamning og afsal sinna réttinda.

Byltingin étur sannarlega börnin sín.

[Jenný Anna Baldursdóttir, 24.6.2009 kl. 00:57]

Ívar: Engin bylting leggur mig sér til munns.

Solveig: Gott.

[Jenný Stefanía Jensdóttir, 24.6.2009 kl. 00:59]

Elsku vinkona,  það eina sem gildir, er hvað þér finnst, hvað slátturinn segir þarna undir vinstra brjóstinu.  Sé þig fyrir mér sveifla hausnum til hægri og vinstri að hlusta eftir hver "meikar mesta sensinn".  ICESAVE er ekki spurning um það, það er spurning um þá réttlætiskennd sem þér sjálfri er í blóð borin.

(mar gerist nú hátíðlegur stundum) 

MÖO fylgdu eigin sannfæringu, og treystu henni,  það er það eina sem beðið er um.   

PS við Ívar erum útivistarfólk, og erum von að fá kalbletti í kinnar og tær, en látum ekki deigan síga. 

[Jenný Stefanía Jensdóttir, 24.6.2009 kl. 01:43]

Sjálfri finnst mér það pólitískt sjáfsmorð, þeirra flokka sem nú sitja við völd, að fara ekki "þrautarvaraleið" til dómstóla til að útkljá málið. 

Víst er að upprisa eftir þetta sjálfsmorð er vonlaus, fyrr en síðasta greiðslan hefur verið innt af hendi ...... svo sem eftir tuttugu og eitthvað ár.

Menn eru að gaspra um að enginn dómstóll "sameiginlegur" geti ályktað um þennan óskapnað.  Hvað með HAAG, alþjóðadómstóllinn, hvað gera þjóðir, sem hafa verið kúgaðar af "misvitri" stjórn, er þeim ekki alls varnað.  Nei og jú, þeim er alls varnað.  Íslenskur almenningur hafnar þessari kúgun á þeirri forsendu, og til þess að sýna að henni er alvara, þarf hún að sjá til þess að lögbrot hafi verið framin í síbilju.  Það eru sjálfsögð mannréttindi sem við erum að verja gott fólk, ekki "heiður" eða "stolt" ráðamanna, sem sváfu á verðinum.

Heiðurinn er rúinn og brunninn upp, nú þurfum við að standa vörð um stolt okkar sem manneskju. 

[Eygló, 24.6.2009 kl. 01:49]

Uni sæl í afneituninni minni.

Engin þörf fyrir mitt álit á málum, nú þegar við höfum a.m.k. 200.000 hagfræðinga og ráðgjafa í málinu.

[Hans Haraldsson (IP-tala skráð) 24.6.2009 kl. 01:54]

Þetta mál mun hafa áhrif á líf þitt, barnanna þinna og barnabarna. Líklegast barnabarnabarna líka.

Sama þótt þú ætlir að gefa skít í það. 

[Jenný Anna Baldursdóttir, 24.6.2009 kl. 02:03]

Takk fyrir komment.

Rólegur Hans Haraldsson: Þetta mál verður leyst á einhvern handamáta án þess að ég sökkvi mér ofan í hvert einasta álit sem á vegi mínum verður.

Enda eru þau á færibandi í jafn mörgum útgáfum.

Svo koma þau í æsifréttastíl.  Bæði með og á móti.

Fyrirgefið, en ég geri mér fulla grein fyrir afleiðingum þessa mesta klúðurs Íslandssögunnar.

En gera þeir sem ábyrgir eru sér grein fyrir því?

Því miður ekki.

Og anda inn - anda út.

[Jenný Stefanía Jensdóttir, 24.6.2009 kl. 03:14]

Æji já mar þarf að slaka á.  hóst hóst á innsoginu!

Mér finnst þetta bara þvílíkt "now or never" moment, sem ég nenni ekki að kemba hærur síðar meir yfir, þegar barnabörnin spyrja:

 "Af hverju var þetta ekki keyrt til þrautar fyrir dómstólum, amma"?

Það verður ekki spurning um hvort verður spurt, heldur hvenær?

Vil geta svarað;  "það var barist til hinstu stundar Jenný mín" en við urðum að lúta alþjóðlega dómnum.

Þú mátt kalla mig Jennýæsu.

[Hrönn Sigurðardóttir, 24.6.2009 kl. 08:29]

Jiiii hvað ég er glöð! Ég er löööngu búin að fá upp í kok af Icesave og "álitsgjöfunum"

[Anna , 24.6.2009 kl. 09:42]

Í fréttablaðinu í fyrra var mynd af Björgrólfi með undirskrif . Ríkasti maður Íslands.

því getur hann þá ekki borgað ICESAVE???

NÓG VAR GERT ÚR ÞESSUM MANNI Í BLAÐINU.

þETTA ER EKKERT NEMA SNOBB OG MONT.

Vonandi er hrokinn farin að minna í sumum.

[Stefán (IP-tala skráð) 24.6.2009 kl. 10:04]

Ég gef skít í Bjöggana, Sigurjón digra, Halldór J, Þórlind og alla aðra sem bera ábyrgð á Icesave. ,, Ég hugsa um Icesave á hverjum degi " segir Bjöggi jr. Hann hefði betur hugsað eitthvað af viti um Icesave á meðan Icesave-ruglið var að brenna upp Landsbankann og þjóðina í framhaldi af því.   

[Páll A. Þorgeirsson (IP-tala skráð) 24.6.2009 kl. 10:12]

Mér finnst eins og þeir sem gefa "skít" í málið hafi loksins séð að ekki einu sinni "flokkurinn þeirra" ræður við vandamál þjóðarinnar.

Hvernig væri nú að losa sig við "hlekki flokksins" og reyna að hafa sjálfstæða skoðun, það skaðar ekki. ;-)   Stundum er svo sárt að þurfa að kyngja því að "foringinn" er ekki alvitur.  Baktjaldamakk og feluleikur pólitíkusa gengur ekki lengur upp.  Við þurfum að safna saman hæfustu mönnum þjóðarinnar, hverjir sem það nú eru, og láta þá glíma við vandamálin.

Núverandi stjórn ræður ekki við aðstæður.

[Anna , 24.6.2009 kl. 11:48]

Steingrímur á bara að segja við þessa menn þarna úti " ef við fáum ekki að sýna samninginn almenningi þá borgum við ekki" þið getið átt þessa skuld sjálfir. Gleymu ekki, það var G.Brown sem setti Hryðju.lög á landið sem olli þessu hruni. Síðan notuðu bankaeigendur takifærið og tömdu banka áður en lögin skullu á.

Fjölm. ættu að spyrja Björgólf um hvenær fekk hann tilkynningu um að G.Brown ætlaði að setja H.lögin á bankanna?

Og hvenær fengu Geir og Davíð Oddsson tilk. um að H.lögin yrðu sett á?