Æi, Þór Saari

Æi, Þór Saari.

Rólegur á leikrænu tilburðunum.

Trékubburinn sem þú náðir úr rifna Hólmatúnshúsinu og þú ætlar í algleymi dramans að færa Jóhönnu Sigurðardóttir á frekar heima hjá félögum þínum í stjórnarandstöðunni, eins og t.d. í Sjálfstæðisflokki.

Það er fjandinn hafi það ekki Jóhönnu Sigurðardóttur að kenna hvernig komið er fyrir íslenskri þjóð.

Athugasemdir

[Helga Magnúsdóttir, 18.6.2009 kl. 17:25]

Heyr, heyr. Dramadrottningarnar eru margar hverjar í essinu sínu þessa dagana.

[Guðrún (IP-tala skráð) 18.6.2009 kl. 17:28]

Jóhanna gerir íllt verra með aðgerðarleysi sínu.

[Jenný Anna Baldursdóttir, 18.6.2009 kl. 17:55]

Guðrún: Ég sakna málefnalegrar umræðu og er orðin leið á yfirlýsingagleði og upphrópunum.

Ég get ekki skilið hvers vegna þú sakar Jóhönnu um aðgerðarleysi.

Ég er því ekki sammála.

Ég bendi á að það hefur engin ríkisstjórn á lýðveldistímanum staðið frammi fyrir eins erfiðu verkefni eins og þessi gerir.

Mér finnst þeir vinna ágætlega.

En ég skal sko verða fyrst til að gagnrýna falli mér ekki það sem á eftir að koma í ljós.

Helga: Já þetta er einfaldlega leið til að slá í gegn í óttaslegnu samfélagi og ég hefði haldið að Þór (sem ég hef haft mikið álit á) tæki ekki til svona ódýrra ráða.

[Finnur Bárðarson, 18.6.2009 kl. 18:19]

Ég gæti alveg gert þetta líka enda með mitt heimili á þurru... hingað til a.m.k.

[Haukur Nikulásson, 18.6.2009 kl. 20:48]

Psst, (hvísl) Jenný, þetta er þriðja ríkisstjórnin í röð sem Jóhanna er í. Auðvitað ber hún enga ábyrgð. Og auðvitað verður það ekki henni að kenna að láta okkur borga IceSave.

[Brynjar Jóhannsson, 18.6.2009 kl. 20:56]

Ég er alveg hjartanlega sammála. Það eru engar málefnalegar umræður því fólk er að fara úr límingunum og ekki hægt að ræða lengur út af því að fólk er sótsvart af reiði. 

 Þór Saari er alveg ótrúlegur dramatíkarbrumari og ég missti ég endanlega álit á honum er hann spáði því að hér myndi skella á skálmöld og djöfuldómur í kjölfar þessa icesave samnings.  Þvílíkt og annað eins bölsýnis þrugl hef ég nú aldrei á æfi minni heyrt og finnst hann ætla að næra fólk á ómálefnalegri hræðslu og halda þannig ævistarfi sínu gangandi.

Ég dauð sé eftir því að hafa kosið borgarahreifinguna og sé ætið betur og betur ég hefði frekar átt að kjósa VG. 

[Sigurður (IP-tala skráð) 18.6.2009 kl. 21:24]

Held að Þór hafi ekki verið að kenna jóhönnu um hrunið, hún ber þó einhverja ábyrgð þar.

Hún er búin að vera í ríkisstjórn í 2 ár.

Hún lofaði skjaldborg um heimilin, hefur þú orðið vör við skjaldborgina?

Er það lausn á skuldastöðu heimilana að lengja lánstímann í 70ár?

Við skulum ekki gleyma því að höfuðstóll húsnæðislána í dag, er ekki í neinu samræmi við þær skuldbindingar sem lántakendur tóku á sig þegar lánið var tekið.

Bankarnir hófu skipulega eignaupptöku og hækkuðu húsnæðislánin skipulega með einhliða aðgerðum til að fegra eiginfjársstöðuna.

Ríkisstjórnin hefur nú tekið við og hækkar lánin okkar skipulega með því að spila á verðtrygginguna.

Er einhver munur á þessari stjórn og stjórn X+S?

Er ekki magnað að á sama tíma og endalausum skuldum og sköttum er hlaðið á almenning, þá er engin alvöru tilraun gerð til að skera niður ríkisútgjöldin???

Það á að gera það seinna???

Þetta er hriiiiiiiiiiikalega vanhæf stjórn, og sennilega sú versta sem við höfum nokkurntíman þurft að þola.

[Garún, 18.6.2009 kl. 22:16]

Ég ætla að hafa samband við hann Þór og biðja hann um að leika í bíómynd sem ég er að fara að gera sem heitir "spítukall" og fjallar um mann sem safnar spítum en er alltaf að fá flísar í puttana.   Ég skal viðurkenna að þetta er ekki spennumynd!  Hugsanlega er þetta svona íslensk eymdarmynd en hádramatísk verður hún. 

[Allt í rúst (IP-tala skráð) 18.6.2009 kl. 22:16]

Ert þú atvinnulaus, með lánin þín svo há að þú getur aldrei borgað af þeim og hótunarbréfin fylla bréfalúguna þína dag eftir dag?

Ef svo væri, þá myndir þú eflaust hafa aðrar skoðanir á núverandi ríkisstjórn. Það getur vel verið að hún hafi ekki "komið okkur í þessa stöðu"...en hún er sko lítið að gera til að bæta úr ömurlegri stöðu heimilanna og fyrirtækjanna í landinu.

Það þýðir ekki að tala um það sem er liðið og velta sér endalaust upp úr sökudólgaherförum. Það þarf að takast á við vandann og gera eitthvað. Það hefur ekki verið gert neitt af viti fyrir þá sem eru illa staddir. Afhverju heldurðu að maðurinn hafi rústað húsinu sínu? af því hann var svo ánægður með alla hjálpina sem hann hefur fengið frá nýju ríkisstjórninni? eða af því honum fannst svo gaman í gröfuleik sem barn?

Við sem erum komin í gjaldþrot eða á leið í gjaldþrot út af endalausum vöxtum, vaxtavöxtum og gengisfellingum...viljum sá aðgerðir sem felast í einhverju öðru en endlaust hærri vísitölu, lélegra gengi, meiri gjaldþrotum og meira atvinnuleysi!

Því það hefur allavega akkúrat ekkert breyst í mínu lífi með tilkomu þessarar ríkisstjórnar sem ætlaði að slá skjaldborg um heimilin...skjaldborg skuldaborginnar væri nær að kalla þetta endemis rugl undir roluskap núverandi stjórnar.

[Karl Tómasson, 18.6.2009 kl. 22:45]

Heil og sæl Jenný Anna.

Ég er svo innilega sammála þér, allt hefur sín takmörk og fátt fer meira í taugarnar á mér en greinileg sýndarmensaka til að ná athygli.

Bestu kveðjur frá Kalla Tomm úr Mosó.

[Hrönn Sigurðardóttir, 18.6.2009 kl. 23:11]

já.... ég ætlaði nú ekki að opinbera skoðun mína á þessu máli... tjah nema þá í einrúmi og hugsanlega á baðherberginu........

.....en, ég horfði á viðtalið við manninn sem rústaði húsinu "sínu". Fyrirtæki var skráð fyrir eigninni - hann var í persónulegum ábyrgðum. Áhvílandi lán voru myntkörfulán. Það segir mér að hann hafi í talsverðan tíma áður en hann missti tökin grætt dágóðan pening. Við skulum bara horfast í augu við það að fólk sem var með húsnæðislánin sín í erlendri mynt stórgræddi á þeim í langan tíma áður en gengið varð óhagstætt! Algjörlega burtséð frá þvi hverjum bankahrunið er um að kenna!

Konan hans og börn eru flutt til útlanda og vinna þar, samkvæmt því sem hann sagði sjálfur. Sumsé engin gólandi smábörn horfandi á pabba snappa á gröfunni, engin pirruð húsfrú í stofunni að forða kristalnum - löngu búið að því.

Bíllinn sem hann jarðaði í garðinum til að fullkomna sjónarspilið var númerslaus! Tók einhver eftir því? Það þýðir að hann er ekki í notkun, hugsanlega afskráður.

Ég skal éta hattinn minn ef þessi maður verður ekki fluttur úr landi innan skamms með alla sína leikrænu tilburði.

Þór Saari getur borðað sinn hatt mér til samlætis ef hann einhvern tíma finnur hjá sér þörf fyrir að minnka dramastigið öööörlítið.