Heiðan tekin!

 

Ég er í kasti.  Heiða villingur og vinkona mín var handtekin og Mogginn alveg: Heiða var handtekin!!

Heiðan alveg þekkt stærð í mótmælaheiminum.

Ég er glöð yfir því að hún var ekki sett í járn og látin dúsa í nótt.

Hún má þakka sínum sæla, hún settist í götuna, stórglæpur sko.

Heiðan verður í sögubókum framtíðarinnar.

Sem Heiða mótmælandi.

Krúttkast.

Nokkrir handteknir

Athugasemdir

[Brjánn Guðjónsson, 15.6.2009 kl. 20:48]

alveg heví glæpon. en hver var glæpurinn? að ógna valdstjórninni eða tefja störf stöðuvarða?

hvar stendur að bannað sé að tylla sér á Vonarstrætið?

[Jenný Anna Baldursdóttir, 15.6.2009 kl. 20:51]

Brjánn: Segðu.

[Ásthildur Cesil Þórðardóttir, 15.6.2009 kl. 21:00]

Það er von að fangelsin séu yfirfull, þeir eru ekkert að tvínóna við þetta blástakkarnir.  Hver verður næstur inn?  Ekki útrásarvíkingar svo mikið er víst

[Katrín Snæhólm Baldursdóttir, 15.6.2009 kl. 21:01]

Það er alveg greinilegt að það á að taka á mótmælendum með hörku frá byrjun núna...og láta fólk sjá að það kemst ekki upp með neitt. Ekki einu sinni að sija á götunni í sólskininu.

Ætla þeir líka að handtaka heilu fjölskyldurnar sem eiga ekki í nein hús að venda og lenda á götunni vegna gjaldþrots???

Maður spyr sig!!

[Jenný Anna Baldursdóttir, 15.6.2009 kl. 21:12]

Það er í lagi að ræna heila þjóð og þjóðir í nálægum löndum greinilega líka.

Það kallar að minnsta kosti ekki á handtökur.

En að setjast í götuna...

Vóóóó...

[Hörður B Hjartarson, 15.6.2009 kl. 21:14]

     Er nokkuð kominn tími til að hrófla við lögreglustjóramontprikinu , eins og ég talaði um í vetur ?

[Jóna Kolbrún Garðarsdóttir, 15.6.2009 kl. 21:40]

  Ég er reið, að handtaka saklausa mótmælendur bara fyrir það að sitja á götunni.  Þvílíkur glæpur sem þau frömdu. 

[Kleópatra Mjöll Guðmundsdóttir (IP-tala skráð) 15.6.2009 kl. 21:45]

við mægðurnar sátum hlið við hlið í fangaklefa ... kærðar fyrir að vera til vandræða og ama ... stefna lögreglu er greinileg í þessum málum í dag og það þarf samstöðu hjá fólkinu í landinu... það voru engin læti, ekkert ofbeldi en löggan fannst hún tilneydd til að grípa til fjöldahandtöku.... kúgun?

[Sigurður Þór Guðjónsson, 15.6.2009 kl. 21:47]

Meðan á mestu mótmælunum stóð í vetur voru margir að segja að lögreglan væri bara að vinna vinnuna sína og þeir höfðu mikla samúð með löggunni sem átti að vera hlutlaus og allt. En lögreglan gætir fyrst og fremst hagsmuna valdhafa, hvort sem eru stjórnvöld eða þeirra sem ráða í krafti peninga. Þetta eiga menn að gera sér ljóst. Í þetta sinn var löggan að sýna vald sitt, vara mótmælendur við ef þeim skyldi detta eitthað meira í hug. Löggan, sem sumir trua að sé hlustlaus, er líka í dag búin að gefa út sterka yfirlýsingu gegn borgaralegri óhlýðini af öllu tagi. Það verði litið á hana sem glæp. 

[Hrönn Sigurðardóttir, 15.6.2009 kl. 22:17]

Hún getur ritað undir bréfin sín í framtíðinni: Heiða B. Heiðars mótmælandi.......... :Þ

[Hrönn Sigurðardóttir, 15.6.2009 kl. 22:20]

En þá man ég það! Heiða bar eitthvað krem á rassinn á sér í vetur til að stækka hann.... manstu? A la fótboltakonan þarna, hvað hún nú heitir, sem bar krem á varirnar á sér til að stækka þær.

Það eru nottla takmörk fyrir því hvað löggan umber og gatan ber....

[Guðrún Emilía Guðnadóttir, 15.6.2009 kl. 22:23]

Ja hérna, nú á ég ekki til orð, var að koma að, hef ekki hlustað á eða lesið fréttir enda alveg sama fæ þær hér.
Fer hún ekki bara aftur á morgun?

[hilmar jónsson, 15.6.2009 kl. 22:36]

Grunaði alltaf að þetta væri hættuleg kona..

[Guðmundur Ásgeirsson, 15.6.2009 kl. 22:59]

Reiði ykkar er réttlát.

VÉR
ÆLUM
ÖLL

[Ævar Rafn Kjartansson, 15.6.2009 kl. 23:14]

Við þurfum að fara að gera okkur það ljóst að fyrir valdstjórninni er það glæpur að við sauðsvartur almúginn meira að segja misvel ættaður sé að hafa einhverja skoðun á lífi okkar og tilveru. Hingað til hefur dugað að við merktum við xD eða xB og héldum kjafti þar á milli. Heiða er greinilega ekki að skilja þetta. Það er fullkomlega skiljanlegt að varðhundar valdsins fjarlægi slíka manneskju af vettvangi mótmæla enda gæti hún verið bráðsmitandi. Myndir þú td. vilja mótmæla með manneskju sem er smituð af svínaflensu sem á ekkert skylt við svín? Ekki ég.

Mótmæli eiga bara að vera hugguleg. Allir að fá sér í nefið hjá Geir Jóni og ræða tíðina og bera óttablandna virðingu fyrir merkinu: Með lögum skal land byggja.  Restin er: En með ólögum eyða.

[Kolbrún Bára (IP-tala skráð) 15.6.2009 kl. 23:43]

Uppboðið á eignum ( lóðum) almennings í Grímsnesinu virtist eitthvað svo fjaska spennandi og skemmtilegt. Mynnti eins og á  smámunauppboð  á góðgerðarsamkomu kvenfélags, ef marka má yfirbragð valdsins og  umgjörð samkomunnar.

 Meigum við kanski eiga von á annarri slíkri skemmtan, þegar

eignir, hús og lóðir, auðmanna verða boðnar upp í borginni?

[Guðmundur Gunnarsson (IP-tala skráð) 16.6.2009 kl. 00:54]

Sæl.

Því miður virðast þessir 32.000 aðilar sem hafa skráð sig á móti Icesave samningnum vera búin að missa alla trú á að getað haft nokkur áhrif á stjórnvöld og þingheim til að forða þeim frá landráðinu. Hugsanlega er það offramboð af fréttum af glæpahyskinu, spilltum embættismönnum og myrkraverkum þeirra sem hefur skollið yfir þjóðin látlaust seinustu vikurnar sem lamar fólk og fyllir það vonleysi og framtaksleysi? Búin að gefast upp? Stundum virðist eins og fjölmiðlar gangi sérstaklega erinda þeirra sem hafað skammtað þeim nýjum “skúbbum” til að draga athyglina frá ruglinu í þeim sjálfum.

Því miður var mætingin á Austurvöll ekki góð. Samt var nokkuð harður hópur sem settist á götuna fyrir framan Alþingishúsið og lögreglan fjarlægði þau með valdi og væntalega upp á lögreglustöð.  Umferðin var engin.  Einnig segja fréttir útvarps að einhverju hafi verið grýtt í Alþingishúsið að sögn lögreglu.  Einhverjir unglingar hentu nokkrum vatnsblöðrum eins og börn nota til leikja.  Aðgerðir yfirvalda voru fullkomlega óþarfar og í engu samhengi við aðstæður að mínu viti, og einungis til þess fallnar að hleypa mótmælunum í óþarfa hörku og þá ekki síður af mótmælendunum frekar en yfirvalda.  Aðeins einn póstbíll vildi nýta sér veginn á þeim tíma sem setuverkfallið stóð, og bílstjórinn lagði bílnum og hljóp með pinkil yfir Austurvöll til viðtakanda án nokkurs drama.  Málið dautt.

Mótmælin á morgun hefjast um kl. 16.30 og það er hæpið að við sem höfum mætt á hverjum degi getum mótmælt fyrir ykkur öll og fjölskyldurnar sem og ófædda afkomendur. Við erum öll að vilja gerð, en því miður dugar þessi litli hópur varla. Betur má ef duga skal.

[Eygló, 16.6.2009 kl. 00:56]

Hvað er þetta - - fólk með skoðanir á bara að halda sig heima!

[Eygló, 16.6.2009 kl. 01:01]

Sýslumaðurinn Bastían (bestían?) á Selfossi er hreint kostulegur. Orð hans og æði minna helst á prótókollaðan kóng, - fyrr á öldum.

[Stefán (IP-tala skráð) 16.6.2009 kl. 08:58]

Ég held að það væri nær að handtaka Sigurjón digra og Sigurð G. 

Hvar eru meindýraeyðar borgarinnar ?

[Hólmdís Hjartardóttir, 16.6.2009 kl. 09:54]

dásamleg mynd....

[Hrönn Sigurðardóttir, 16.6.2009 kl. 10:08]

Mig langar svo að vita hvað Heiða Mótmælandi er að segja þarna.

[Heiða B. Heiðars, 16.6.2009 kl. 10:36]

Ég var að segja honum að þetta væru öfgafull viðbrögð :)