Ég mun stofna grúppu á feisinu

 

Það stendur í Tíund, fréttabréfi ríkisskattstjóra í umfjöllun um hrunið, að endurskoðendur hefðu átt að láta meira til sín taka.

Það er eins gott að ég er djollí gúdd felló í dag því ég nenni ekki að henda mér fyrir björg eða garga mig hása.

Er nokkuð skelfilegra í fjármálalífi en endurskoðendur á róandi?

Nú eða endurskoðendur með athyglisbrest?

Það er svona álíka skelfileg tilhugsun og að lenda á blindum leigubílstjóra með torgfóbíu.

En að feisinu.

Það eru stofnaðar grúppur á feisinu til að afla stuðnings við allt mögulegt.

Eins og "burt með Valtý", "burt með Gunnar Kópavog", "inn með Evu (Joly)", "ekkert Icesave" og svo má lengi telja.

En svo eru þeir sem taka alla hluti of langt.

Sumir eru svo feisbúkkaðir að þeir stofna hatursgrúppur utan um hvað eina.

Dæmi:

Hárgreiðslukonan sem tekur mánudaginn út á hárinu á þér, fær um sig grúppu.

Nágranninn sem rífst við konuna, fær líka á sig grúppu.

Eiginmaðurinn sem þú ert að skilja við og er með eitthvað attitjúd á á hættu að það verði stofnuð um hann grúppa og meðlimirnir orðnir á tíundaþúsund fyrir hádegi bara.

Nema hvað.

Þetta er nútíminn.  Eins gott að haga sér.

Ég er skíthrædd um að það verði stofnuð um mig grúppa.

Og þó, um hvað?

Ég er fjandans fullkomin og það veit hvert barn.

Og hagið ykkur svo villigarnir ykkar.

Annars.......

Segir endurskoðendur hafa átt að láta meira til sín taka

Athugasemdir

[Magnús Geir Guðmundsson, 15.6.2009 kl. 11:29]

Þú ert nú asskoti hás samt!

Og gerðu það, gerðu það, ekki vera alltaf með slettur, komin ágætishefð að kalla samskiptasvæðið "Smettið" eða "Fésið". Skal gefa þér nýju flókainniskóna sem þig dreymir núna um, en Einar hefur svikist um að kaupa handa þér, ef þú tekur þig á!?

[Ásdís Sigurðardóttir, 15.6.2009 kl. 11:47]

[Jenný Anna Baldursdóttir, 15.6.2009 kl. 12:03]

Magnús Geir: Vertu úti að leika þér.  Þú ert óþolandi tuðari.

[Ragnhildur Sverrisdóttir, 15.6.2009 kl. 12:32]

Fésbókarhópur hefur þegar verið stofnaður: "Hvetjum J bloggara til að hætta að kalla okkur villinga!"

Ég reikna með 40 þúsund undirskriftum á næsta hálftíma.

[Jenný Anna Baldursdóttir, 15.6.2009 kl. 12:52]

Hvað á ég að kalla ykkur villingarnir ykkar? 

Múha.

[Laufey B Waage, 15.6.2009 kl. 13:09]

Auðvitað verður stofnuð aðdáendagrúbban: The Jenfo-fans.