Kæru stjórnvöld og aðrir sem málið varðar

Kæru stjórnvöld og aðrir sem málið varðar.

 Auðvitað fær Eva Joly það fjármagn, þann mannafla og aðrar þær kröfur sem hún gerir, uppfylltar.

Annað er auðvitað ekki í boði get ég sagt ykkur ef vera skyldi að undiraldan, þreytan og reiðin í þjóðfélaginu hefi farið fram hjá ykkur.

Það er heldur ekki nóg að skipa nýjan saksóknara yfir bankahruninu og láta Valtý halda áfram, amk. sagði Eva í Kastljósinu að enginn vafi mætti leika á því að ríkissaksóknari væri hæfur.

Ekkert persónuleg sko.

Og eitt get ég sagt ríkisstjórninni og Alþingi öllu, að missum við Evu Joly og hennar ráðgjöf og stuðning þá verður aldrei - aldrei, friður um Icesavenótuna sem við venjulega fólkið eigum að pikka upp á meðan glæpahundarnir lifa í vellystingum parktuglega víðs vegar um heim.

Ekki að ræða það.

Ég held að við séum öll um það bil að fá nóg.

Við erum búin að fá nóg af drætti, útúrsnúningum og innantómu kjaftæði um Nýtt Ísland, ný vinnubrögð, gegnsæi og heiðarleika.

Búin að fá nóg yfir að þurfa að láta okkur nægja gulrótina um að þetta komi allt með kalda vatninu, seinna, seinna, seinna.

En það stendur ekki á að hinn almenni maður skuli færa fórnirnar og þær stórar og það skal gerast STRAX.

Sleppið orðskrúðinu og látið verkin tala!

Það er eiginlega "do or die" sem krafa er gerð um.

Þetta er nefnilega alveg að verða gott.

Skoða þörf á auknum útgjöldum

Athugasemdir

[Hólmdís Hjartardóttir, 11.6.2009 kl. 00:20]

tek heilshugar undir

[Lilja Guðrún Þorvaldsdóttir, 11.6.2009 kl. 00:29]

Tek heilshugar undir þetta líka !

[Jóna Kolbrún Garðarsdóttir, 11.6.2009 kl. 00:37]

Heyr, heyr. 

[Sigrún Jónsdóttir, 11.6.2009 kl. 00:45]

Heyr, heyr!

[Hildigunnur Rúnarsdóttir, 11.6.2009 kl. 00:52]

Sammála!

[zappa (IP-tala skráð) 11.6.2009 kl. 01:34]

sammála,líka með fyrirsögnina,það á sjálfsagt eftir að kæra stjórnvöld og aðra...

[Þráinn Jökull Elísson, 11.6.2009 kl. 04:48]

[Jónína Dúadóttir, 11.6.2009 kl. 06:16]

Svo innilega sammála !

[Ía Jóhannsdóttir, 11.6.2009 kl. 06:20]

Amen á eftir efninu.  

[Ragna Birgisdóttir (IP-tala skráð) 11.6.2009 kl. 08:54]

Sammála.

[Ásthildur Cesil Þórðardóttir, 11.6.2009 kl. 09:15]

Ef stjórnvöld hafa einhvern sans fyrir vilja þjóðarinnar þá setja þau það í forgang að gera eins og Eva leggur til, og jafnvel meira til að sýna vilja sinn í verki.  Annars verður allt vitlaust.  Ég er til dæmis orðin afskaplega reið yfir ástandinu.