Harmi lostinn

Ég verð harmi lostin þegar stórslys verða.

Þegar einhver sem ég þekki slasast illa eða deyr sviplega.

Ég verð harmi lostin yfir öllum börnum heimsins sem fá ekki læknishjálp, mat, lyf, ást og umönnun.

Það grætir mig meira að segja.

Ef stýrivextir eru hækkaðir um skít og ingenting, sem þetta 1% sannarlega er, þá er ég helvíti fúl, bálill, til í að fremja veggjaköst á öðrum en sjálfri mér og áfram má lengi telja.

Ég verð ekki yfirkomin, tilfinningarnar bera mig ekki ofurliði.

Hvað þá harmi lostin?

Nei, nei.

Pétur Blöndal, sem mér finnst oft ágætur vegna hreinskilni sinnar í pólitík er hins vegar harmi lostinn út af vaxtalækkuninni í morgun.

Rólegur á dramanu Pétur.

Peningar eru peningar.

Ertu ekki að taka tilfinningar þínar gagnvart þeim og efnahagsástandinu aaaaðeins of langt?

Hmprfr

 

Pétur er harmi lostinn

Athugasemdir

[Guðný (IP-tala skráð) 4.6.2009 kl. 14:41]

Ætli maðurinn þurfi ekki bara áfallahjálp eftir þetta

[Finnur Bárðarson, 4.6.2009 kl. 14:42]

er ekki "verðmætamat" hans bara svona ?

[Þórey Dögg Jónsdóttir (IP-tala skráð) 4.6.2009 kl. 14:49]

Þú hittir nákvæmlega á tilfinningar mínar í dag... þetta er ekki endir alls þó fúlt sé....... held að fleiri á Alþingi ættu að vera rólegir á dramanu....

[Guðrún Emilía Guðnadóttir, 4.6.2009 kl. 15:01]

Tek undir þetta Jenný, maður verður ekki harmi lostin yfir peningum
ó nei ekki aldeilis.

[Axel Jóhann Hallgrímsson, 4.6.2009 kl. 15:24]

Bankahrunið er fyrst núna að hellast yfir Pétur, sem er svolítið hægur, jafnvel  þegar best lætur.

Svo er það bara þannig að Pétri og hans nónum svíður meir rifinn seðill en brostið hjarta.

[Anna Sigríður Guðmundsdóttir, 4.6.2009 kl. 15:27]

Sammála ykkur öllum. peningar eru ekki allt þó að þeir séu nauðsynlegir. Friður og réttlæti er t.d. miklu meira virði í landi eins og Íslandi. Eða það finnst mér.

[Hrönn Sigurðardóttir, 4.6.2009 kl. 15:34]

Kallanginn... hann þyrfti að komast í nánara samband við tilfinningar sínar.

[Ragna Birgisdóttir (IP-tala skráð) 4.6.2009 kl. 15:43]

Síðan hvenær hefur Pétur Blöndal haft áhyggjur af  sauðsvörtum almúganum sem að hans mati á að geta lifað á 100.000 krónum á mánuði.Mér finnst bara að hann og þeir sem hæst fóru í að dásama veislu í stjórnartíð Sjálfstæðisflokk.ÆTTU AÐ HALDA SÉR SAMAN.

[Garún, 4.6.2009 kl. 16:08]

Ég mæli með fyrir hann Pétur minn Blöndal svona tilfinninga workshop!  Þar sem hann getur dansað úr sér gremjuna og harminn með blautu handklæði og túlkað innri togstreitu gagnvart jöklabréfum og ógildum ávísunum.   Var það ekki hann sem sagði að það væri ekkert mál að lifa af með 100 þús útborgað á mánuði!  Afhverju eru svona strumpar á þingi?  Eða nálægt þinghúsi yfirleitt?  Elsku Pétur, hér er einn miði fram og til baka til raunveruleikans, það ætti að vera nógu mikið ævintýri fyrir þig æstistrumpurinn þinn!

[Steinn Magnússon (IP-tala skráð) 4.6.2009 kl. 17:06]

Peningar ,,eru bara peningar" ef maður á peninga ;)

Annars er rétt að Pétur er sannur sinni sannfæringu (hversu verðuug sem hún er) en hann þarf ekki að kvíða, ég hef séð bjórdósasafnið á svölunum hjá honum þannig einhverjir aurar verða alltaf til þar á bæ

[Ingibjörg (IP-tala skráð) 4.6.2009 kl. 18:57]

Makalaust merkilegt að heyra og sjá hvernig frjáshyggjuliðið lætur - . Ég hugsa þeim þegjandi þörfina - þessum bjánum sem leiddu okkur Íslendinga út í þetta botnlausa dý - . Og vorkenni fólkinu sem þarf að toga þjóðina á hárinu upp úr því aftur.

[Ingibjörg (IP-tala skráð) 4.6.2009 kl. 19:01]

FRJÁLSHYGGJULIÐ meinti ég.

[Jóhanna Magnúsar- og Völudóttir , 4.6.2009 kl. 20:00]

Don´t cry for me Argentina ..

[Brjánn Guðjónsson, 4.6.2009 kl. 22:27]

eins og einhver sagði; sé hamar eina tólið sem þú þekkir, fer allt að líta út sem nagli.

ef það eina sem maður hugsar um eru prósentur, er þá ekki eðlilegt að þær fái mann til að harma? tja, allavega svona 50% harm?

[Helga Magnúsdóttir, 4.6.2009 kl. 22:46]

Peningar skipta fólk mismiklu máli. Ég verð að játa að ég er ekkert sérlega harmi lostin en samt fúl. Ekki út af mér sem hef það ágætt heldur öllu unga fólkinu sem er að berjast við að koma sér húsnæði yfir höfuðið og vinnan jafnvel fokin, allavega launin lækkað á meðan lánin vaxa og vaxa.

[Ásthildur Cesil Þórðardóttir, 5.6.2009 kl. 08:38]

Sennilega bara stafsetningarvilla.  Maðurinn var lostinn hamri, líklega af undrun hehe....