Ég vil byltingu

Ég og stórfjölskyldan erum komin með garð rétt fyrir utan bæinn.

Þar sem ég er stórneytandi fersks grænmetis þá þýðir ekkert annað en að ástunda sjálfsþurftarbúskap.

Það gerðu drykkjuglaðir vinir mínir í denn.  Þeir opnuðu bar.  Frábært og skemmtilegt og ég og fleiri nutum góðs af.

En þessar aðgerðir eru ekki nægjanlegar nú þegar matarverð hefur hækkað um lítil 25% á einu ári.

Ég ætla að fá mér veiðistöng.

Minn elskulegi verður skikkaður í byssubúð og það strax á morgun.

Mig má sjá praktísera veiðiþjófnað í sumar við einhverja á, og ég veit að það munu ekki brjótast út fagnaðarlæti hjá Stangaveiðifélagi Reykjavíkur þegar ég fer að hala inn stóra laxa í matinn.  Döh.. enda geta félög ekki glaðst, bara þeir sem eru meðlimir og þokkalegir í skapi.

Svo mun ég senda húsband með skotvopn í skjóli sumarnætur til að salla niður lömb.

Búmmmmmmmmmmmmmmmm pang.

Löggan getur komið og handtekið mig strax.

Því þrátt fyrir að ég hafi ekki enn kastað línu í vatn og húsband hafi ekki enn hleypt af einu skoti þá er það minn einbeitti og forstokkaði brotavilji sem gerir mig bullandi seka.

Málið er að ég er komin með upp í kok af því að þurfa súpa seyðið af græðgi annarra.

Í boði Sjálfstæðisflokks og Framsóknar.

Það sem fór með það var lúxuskerlingaferðin (eiginkonur "útrásarvíkinganna) til Oman um helgina, (þær kalla félagsskap sinn Kampavínsklúbbinn), ásamt þessari frétt sem ég tengi við.

Í Oman lágu þessar siðlausu kerlingarbreddur og veltu sér upp úr lúxus eins og  engin væri samviskan enda virðast þær hafa skilið hana eftir heima, þ.e. ef þær hafa þá nokkurn tímann haft hana.

Á meðan berjumst við upp á líf og dauða, almenningur á Íslandi.

Vitið þið, ég held ég vilji byltingu.

Einhver með?

Matarverð hefur hækkað um 25%

Athugasemdir

[Bragi Þór Valsson (IP-tala skráð) 18.5.2009 kl. 17:13]

Hvaða græðgi ertu að tala um?  Mega greyin sem reka matvöruverslanirnar ekki hækka vöru um 25% þegar krónan hefur fallið um 100% á sama tíma??? Þeir eru greinilega að taka á sig gífurlega hátt hlutfall hinnar eiginlegu hækkunar.

[Birna Dis Vilbertsdóttir (IP-tala skráð) 18.5.2009 kl. 17:20]

Gott hjá þér að fá þér garðholu og ræktar líklega lífrænt?Þú gleymir samfó,Þeir eru ekki saklausir frekar en aðrir.

[Lára Hanna Einarsdóttir, 18.5.2009 kl. 17:33]

Ég er með! (Rétti upp hönd, sérðu?) 

[Bara Steini, 18.5.2009 kl. 17:44]

Heyr heyr. Hverfum aftur til þess sem byggði upp landið okkar :)

Styrkjum okkur ekki þá.

[Steingrímur Helgason, 18.5.2009 kl. 19:38]

Ef lemja má samfózamsullið líka þá er ég 'game' ...

[fingurbjorg, 18.5.2009 kl. 19:53]

Hljómar vel, hvernig væri það að hópur komi saman útí sveit að veiða fisk í Íslendskri á án leifis? Enda alveg útí hött að láta okkur borga fyrir það að spara okkur aurana útí búð en því miður að fólk þarf víst að vera siðlaust í merkjavörufötum til að komast upp með lögbrot. Áður en við vitum að þá er kominn berjaskattur, þarft að borga til að fara í berjamó. 

[Brjánn Guðjónsson, 18.5.2009 kl. 20:17]

kampavínsbyltingu?

[Ævar Rafn Kjartansson, 18.5.2009 kl. 21:27]

Er hægt að leggja inn pöntun á Vegalambi og stolnum útrásarvitfirringarlaxi?

[Guðrún Emilía Guðnadóttir, 18.5.2009 kl. 21:43]

Farið bara til fjalla og dritið niður lömb, gæsir og allt sem þið ráðið við.
Nei í alvöru þá er ég með í byltingu.
Kampav, nei ég meina kaffigellan á Húsavík.

[Jenný Anna Baldursdóttir, 18.5.2009 kl. 22:37]

Þið eruð skemmtileg og komið mér til að hlæja.  Ekki ónýtt það.

Bragi Þór: Þér er fyrirgefið.