Af því af því bara

Ég er í krúttkasti yfir þinghópi Borgarahreyfingarinnar. 

Að tala um ferska vinda!

Þrír þeirra ætla að bíða á Austurvelli á meðan afgangurinn situr stilltur og prúður, án tillits til trúar eða afstöðu til Þjóðkirkjunnar, undir sálmum og predikunum, af því að það er hefð.  Hefðin ræður.

Ef þessi athöfn væri á Hótel Borg, á Þingvöllum eða bara í einhverju mötuneyti, þá væri þetta í lagi, þe ef Þjóðkirkjan væri ekki sérskipaður yfirblessari og þingstartari.

Af hverju beygir svona stór hluti fólks sig undir óskráðar reglur?

Annars ætti ég ekki að segja mikið, bullandi sek eins og vanalega.  Held að ef ég væri í sporum þessara þingmanna sem eru að koma nýir inn þá hefði ég mætt í kirkjuskriflið af því mér hefði trúlega ekki dottið þessi snilldar möguleiki í hug.

Skammastu þín Jenný segireittgerirannað Baldursdóttir.

Annars eru hefðir mér hugleiknar þessa dagana.

Formaður Framsóknar reytir þetta örfylgi sem flokkurinn hefur af þeim á sama hraða og það tekur að segja; "Búhú ég vil hafa OKKAR þingherbergi áfram, áettamáetta".

Þetta er sjúklega tragi-kómískt með tilliti til þess að stór hluti fólks er búinn að henda öllum hégóma í ruslið, hégóma eins og hollum máltíðum, afborgun af lánum, nú eða tannlæknaheimsóknum fyrir börnin sín.

Það er pjúra lífsbarátta upp á líf og dauða.

Á meðan er Framsóknarformaðurinn vælandi, tuðandi og tautandi um þingherbergi sem hann þykist eiga vegna hefðar.

Svo rökstuddi hann mál sitt líka með því að þetta væri tímabundið ástand með lítinn þingflokk, hann yrði ekki svona lítill næst.

Okei, VG geta þá beðið um þingherbergi Sjálfstæðisflokksins núna af því að VG verða stærri en þeir næst.

Hvernig ættu VG að vita það?

Af því af því bara.

Á að myrða mann hérna?

Cry me a friggings river og það fyrir hádegi.

 

Aldrei fyrr hafa jafnmargir nýliðar sest á þing og í dag

Athugasemdir

[Hlynur Hallsson, 15.5.2009 kl. 10:35]

Þau eru til fyrirmyndar í Borgarahreyfingunni. Ég vona að sem flestir þingmenn VG verði með þeim á Austurvelli eða Hótel Borg.

Sigmundur Davíð hefur upplýst sig sem íhaldssamari en allt. Ég kunni ágætlega við hann áður en hann gekk í þennan forneskjuflokk sem er kenndur við "Framsókn:)" Hann hefur umturnast.

[Katrín Snæhólm Baldursdóttir, 15.5.2009 kl. 10:41]

Ég er glöð og stolt af mínu fólki....Það góða við ferska vinda eins og eru að koma núna á alþingi að þar eru sett spurningamerki við hluti sem engum hefur áður dottið í hug að setja spurningamerki við. Það er alltaf hollt að spyrja spurninga....og frábært ef við þeim fást ný og upplýsandi svör.

[fingurbjorg, 15.5.2009 kl. 10:45]

Hahahaha! Akkurat það sem ég hugsaði þegar ég sá fréttirnar, hefðir eiga ekki við þegar aðstæður hafa breyst. Skil vel að framsóknarmenn séu skúffaðir en fólkið sér þetta sem græðgi og frekju, geta þeir ekki flutt búferlum einsog fullt af bláfátæku fólki þarf að gera? uss sumir eru heimilislausir, fólkið ætti að prófa að nota þetta! "En ég er búin að búa hér svo lengi, ekki henda okkur út, vera okkar hér er orðin vani og hefð." Jebb, það virkar alveg örugglega ekki.  En svo finst mér alveg frábært að borgarahreyfingin skuli vekja athigli á messuna, tímar eru breittir. :)

[Aðalheiður (IP-tala skráð) 15.5.2009 kl. 11:29]

Hinir nýju þingmenn Borgarrahreyfingarinnar eru hressandi viðbót við annars vanafast og ellihrumt þingmannasafn okkar Íslendinga.

Ég trúi á Guð og mér finnst fallegt að byrja setningu nýs þings á því að hlusta á Guðs orð og þiggja blessun.  Af hverju þarf alltaf að gefa sér það að flestum þingmönnum þyki það kvöl og pína að ganga til kirkju á þessum degi? Hvað vitum við um trúarskoðanir þeirra og tilfinningu fyrir þessari hefð? 

Mér finnst gott og virðingarvert að þau hjá Siðmennt skuli koma með valkost fyrir þingmenn og bjóði annars konar samkomu fyrir þá sem það kjósa á þessum tíma. 

Ég virði líka skoðun þeirra þriggja nýju þingmanna Borgararhreifingarinnar að ætla ekki að ganga til kirkju því það samræmist ekki þeirra skoðunum og lífsgildum.

Mér finnst stundum eins og þeir sem trúa á Guð séu viðurkennd skotmörk og það megi ráðast á þeirra lífsgildi án þess að hugsa sig um en svo verði að taka tillit til þeirra sem trúa öðru og á annað og læðast í kringum þá eins og fram hjá sofandi þurrs af ótta við að styggja. 

Hvað varðar eignarhald á fundarherbergum í Alþingishúsinu þá er kjánalegt af formanni Framsóknarflokksins að láta tilfinningasemi ráða frekar en skynsemi.  Eðlilega eiga herbergin að raðast til þingflokka eftir stærð þeirra.

Megi Guð, Æðri Máttur, Allah, Alheimskrafturinn, Geimverurnar, Siðferðið og Gagnrýnin hugsun gefa okkur gleðilegt og árangursríkt 137.löggjafarþing Íslands!

[Ragnheiður , 15.5.2009 kl. 12:54]

Ég hef aðeins verið að hlusta á Þór Saari og hann er alveg ágætur ! Ég hlakka mikið til að sjá hvernig til tekst í vetur

[Jenný Stefanía Jensdóttir, 15.5.2009 kl. 15:24]

Gamall kennari minn lagði ofuráherslu á:  Common sense, that aint so common.

Maður kemur aldrei að tómum common sense kofa hjá þér nafna, að ekki sé minnst á sensið kennt við húmor!

Eigðu góðan og common sense of húmor dag!

[DoctorE (IP-tala skráð) 15.5.2009 kl. 15:56]

Frábært... alltaf gott  að storka þessum ríkisgeimgaldrakarli