Og Noregur vinnur

Benny gamli Anderson horfir ekki á Eurovison.

Hann segir að keppnin hafi enga tónlistarlega þýðingu lengur en sé frábært sjónvarpsefni, ef maður nenni að sitja svo lengi.

Ég er algjörlega sammála honum.  Eurovison er ágætt sjónvarpsefni ef maður hefur vit til að nota "mute"-takkann grimmt eins og t.d. ég geri.

En ég horfði í fyrra og ætla að horfa núna líka.

Af því að Jóhanna er falleg, með ágætis lag og kjólinn hennar er æði.

Ég las um það á DV að Sverrir Stormsker væri að klæmast á kjólnum hennar Jóhönnu.

Kallaði hann borðtuskur.

Vá, hver er miður sín yfir hvað Sverri Stormsker finnst um föt?

En varðandi Euro, þá hefur þetta lítið með sjálfa tónlistina að gera og hefur ekki gert lengi.

Þegar Abba unnu, Dana frá Írlandi og svona, þá urðu lögin algjörir hittarar.

Man einhver sem ekki er agljörlega klikkaður Eurovisionfan eftir lögunum sem hafa unnið undanfarin ár?

Ég þakka guði fyrir að ég man ekki rússneska hroðbjóðinn með skautaatriðinu sem vann í fyrra.

Eða þetta í hitteðfyrra, rútan frá Serbíu í jakkafötunum?  Þvílíkar misþyrmingar á eyrnasetti mínu að minnsta kosti.

En Jóhanna og Svíþjóð fá hlustun.

Jóhanna af því að hún er íslensk og með flott lag.

Svíþjóð af því að ég elska það land og alla vini mína þar.

Jafnvel eitt til tvö önnur, hinum þagga ég persónulega niður í með mínu appírati.

Og Noregur vinnur keppnina.

Það veit ég með vissu, þið getið sleppt aðalkeppninni.

En Abba vann í denn.

ABBA-stjarna horfir ekki á Evróvisjón

Athugasemdir

[Eygló, 12.5.2009 kl. 17:37]

Það ætti að prófa eitt árið að hafa alla í eins fötum, sbr. fermingarkirtlana. Fjarlægja alla páfugla og skautandi endur af sviðinu og finna út hvort  LÖGIN séu einhvers virði.  EN... aftur á móti, þá yrði þetta ekki eins gott sjóf og vonbrigði fyrir drag-unnendurna.

[Guðríður Haraldsdóttir, 12.5.2009 kl. 18:41]

Ég man eftir Ruslönu og finnsku skrímslunum, annað frá síðustu árum gæti ég ekki munað  þótt ég fengi borgað fyrir það.

Ég hef ekki smekk fyrir kjólnum (eða bolluvendinum eins og þeir kvikindislegustu kalla hann) en hef svo sem heldur aldrei verið  mikil tískudrós. Hef bara séð kjólinn á ljósmyndum, hann gæti verið flottari að sjá í sjónvarpinu. EN ... Jóhanna Guðrún er æði, ég hef trú á henni og laginu og er búin að parkettleggja íbúðina í tilefni dagsins. Hlakka til ... úje!

[Linda Linnet Hilmarsdóttir, 12.5.2009 kl. 19:47]

Innlitskvitt á þig ljúfa kona og góða skemmtun yfir Eurovision.....;0)

[Brjánn Guðjónsson, 12.5.2009 kl. 20:13]

þrátt fyrir serbneska vörubíla og annað ómeti verð ég að gera eina athugasemd Jenný mín.

þú segir: „Af því að Jóhanna er falleg, með ágætis lag og kjólinn hennar er æði.“

það er alveg rétt, en þú gleymir einu.

stelpan syngur eins og engill. ég hef heillast rödd hennar frá því ég heyrði hana fyrst. þá hún bara ca 12 ára og samt með svo þroskaða rödd og raddbeytingu. hún hefur bara batnað síðan þá.

víst er hún falleg, lagið ágætt og fjaðrahamurinn fínn, en röddin hennar! vá!

[Hrönn Sigurðardóttir, 12.5.2009 kl. 20:16]

Ég parketlagði að vísu ekki íbúðina.... en - Jóhanna var flott!! Kjóllin hennar tekur sig miklu betur út á sviði heldur en á mynd - hún geislaði öll einhvern veginn og var á allan hátt algjörlega frábær!!

.......en annars fylgist ég ekkert með þessari keppni

[Brjánn Guðjónsson, 12.5.2009 kl. 20:20]

og gaman að sjá mómentið þegar ryksugu- og tiltektarhljómsveitin ABBA kom sá og sigraði.

[Jenný Anna Baldursdóttir, 12.5.2009 kl. 21:19]

Halló, ég ætlaði að segja að hún væri með fallega rödd.  Freaudian slip.

Ég kantskar garðinn.  Allan.  Nú er enginn kantur eftir.

Allt fyrir Júró.

Abba voru flottir.

[Hanna (IP-tala skráð) 13.5.2009 kl. 01:17]

Góða kvöldið eða nótt!

Já hún Jóhanna Guðrún stóð sig ekkert smá vel í kvöld, þvílík stjarna á ferð, enda með eindæmum músikölsk og þar fyrir utan er hún með hjarta úr gulli :) Jafnfalleg að innan sem utan og er þar að auki búin að vera íslensku þjóðinni til sóma með sinni framgöngu, greind stúlka og yndisleg í alla staði.

Ég viðurkenni það að ég grét og dansaði stríðsdans um stofuna er úrslitin lágu fyrir :-Þ

[Sigurður Sveinsson, 13.5.2009 kl. 06:57]

Stundum hef ég hlegið yfir absúrd dellunni í Sverri Stormsker. En því miður heldur hann að sér leyfist allt. Hann hefði betur farið í lakið á sínum tíma.

[Ásthildur Cesil Þórðardóttir, 13.5.2009 kl. 09:03]

Við stubbur kusum einmitt Svíþjóð í gær, ekki vegna þess að ég á fullt af vinum þar og þekki til í Smálöndunum, en af því að söngkonan var frábær og lagið flott.