Álfheiði í umhverfisráðuneytið ef þú vildir vera svo vænn minn kæri formaður!

Það er tvennt sem ég vil koma á framfæri við sjálfa mig og aðra sem málið áhrærir.

Númer eitt þá á ég erindi við komandi ríkisstjórn.

Ég er með kröfu hérna og hún er skýr.

Krafan beinist að VG sem ég elskaði í kjörklefanum og geri enn og mun gera þangað til annað kemur í ljós.

Ég vil fá Álfheiði Ingadóttur sem umhverfisráðherra.

Halló, það er búið að nauðga íslenskri náttúru aftur á bak og áfram og nú er komið nóg.

Álfheiður er ekki í vinsældaöflun í pólitík.

Hún segir það sem hún meinar og meinar það sem hún segir.

Ekkert blúndu og slaufukjaftæði, ladídadí, svikogprettir.is 

Vinsamlegast verðið við þessari ósk minni, ég veit að þið bíðið með öndina í hálsinum eftir að ég segi ykkur hug minn.

Og að öðru minna máli og ómerkilegra.

Það er andsvitans auglýsingin frá einhverri svona BÝKÓ búð.

"Allt fyrir viðhaldið".

Ég get svarið það að þessi auglýsing er svo algjörlega laus við fordóma að það ætti að setja hana í jafnréttiskafla nýju stjórnarskrárinnar sem við ætlum að fara að semja (já á stjórnlagaþinginu).

Fagurt mannlíf í garðinum.  Jeræt.

Kona í viðhaldi á húsi, karl með eiginkonu að gjóa á konu, eða viðhaldið á húsinu, svo flörtí og krúttlegt.

Eða var fyrir 30 árum þegar fólk hló líka að fílabröndurum.

Eitt er víst að ég þagga niður í helvítis sjónvarpinu og hugsa þessum einfeldningi sem bjó til auglýsinguna þegjandi þörfina sem fattar ekki að hann er að gera stór mistök.

Ég meina STÓR MISTÖK!

Í nútímanum kjáninn þinn, kaupa konur líka nagla, skrúfur, steypustyrktarjárn, málningu og plankastrekkjara.

Alveg sjálfar.

Og ég held að flestum þeirra finnst þetta ekki fyndið.

Annars er ég í ljúfum laugardagsfíling, allsgáð og skemmtileg að vanda.

En Steingrímur; Álfheiði í umhverfis.

Annars er mér að mæta í næstu kosningum.

Farin að dansa og fremja ólíkindalæti.

 

Ný ríkisstjórn á morgun

Athugasemdir

[Ragnheiður , 10.5.2009 kl. 00:05]

Æj nei..ekki hana.

Og ekki Kolbrúnu meir né Ástu R...skipta um þar.

[Jenný Anna Baldursdóttir, 10.5.2009 kl. 00:08]

Álfheiður er starfinu vaxin.  Ég veit að hún er hörkudugleg og hún mun verja landið fyrir ágangi þeirra andskota sem vilja virkja hér hvern einasta bæjarlæk.

Þekki engan sem er betur til starfans fallinn.

[Steingrímur Helgason, 10.5.2009 kl. 00:15]

En hvað með Kollu túttu ? Er hún ekki búin að þola nóg ?
Hennar eigið fólk hafnaði henni í prófkjöri, almennir kjózendur í kozníngum & hún koztaði Verri græníngja lágmark rúman þingmann til viðbótar sem er ekkert zpez.
Svo vilt þú hana líka úr þægilega umhverfizráðherrastólnum sem hún er bara rétt búin að máta til ?

[Sigrún Jónsdóttir, 10.5.2009 kl. 00:21]

Ég tek eiginlega undir með Röggu....ég vil Svandísi frekar, finnst hún jarð"tengdari"!

[Hildur Helga Sigurðardóttir, 10.5.2009 kl. 01:58]

Þörf áeggjan hjá þér Jenný -ef ekki Kollu, sem framdi þann "glæp" helstan að reyna að standa í lappirnar í embætti umhverfisráðherra og vera samvisku sinni samkvæm- þá Álfheiði.  Hef reyndar líka trú á Svandísi.

Annars er með ólíkindum hvað stjórnarflokkarnir eru eitthvað feimnir við náttúruverndina upp á síðkastið, m.a.s. VG.

Eins og þeir telji að það sé þar sem þeir geti helst slakað á.   Það er misskilinn "populismi" af þeirra hálfu.

Halda þeim við efnið !

[Jenný Stefanía Jensdóttir, 10.5.2009 kl. 04:14]

Krúttlegur græni liturinn hjá þér núna nafna,  svona rauðgrænn!

Geri rosalega ríkar kröfur til umhverfisráðherra, hann má alls ekki vera vitur eftir á.  Vitlausar ákvarðanir gagnvart umhverfismálum eru yfirleitt óafturkraefar.  Hinir eiga auðvitað að stíga í vitið í tíma, en þeirra "vitlausu" ákvarðanir eru yfirleitt afturkraefanlegar með tíð og tíma.  Þó við séum t.d. löngu búnar að missa þolinmaeðina.

(#$% lyklaborðið ekki alveg að virka )

[Ásthildur Cesil Þórðardóttir, 10.5.2009 kl. 09:42]

Mér lýst vel á Álfheiði Inga í umhverfisráðuneytið.  Hún hefur sýnt að hún er heiðarleg og föst fyrir. 

[Sigurbjörg Jónsdóttir (IP-tala skráð) 10.5.2009 kl. 10:30]

Áthildur þú segir að Álfheiður sé föst fyrir hvað með útrásavíkinganna eru þeir á bak við lás eins og hún boðaði á borgarafundum sem hún stóð firrir ásamt öðrum.

[Kristján P. Gudmundsson, 10.5.2009 kl. 11:54]

Stelpur, hvað gengur eiginlega á hérna ? Þið eigið erfitt með að velja ráðherra úr ykkar röðum, þið standið hreinlega á gati ? Ég trúi þessu varla ?

Hvernig væri að troða karmanni í gatið ? Ég legg til , Jón Bjarnason frv. skólasveinn ég meina frv. skólameistari að Hólum í Hjaltadal verði fyrir valinu. Hann er hinn mætasti maður og vel fylginn sér.

Með góðum kveðjum frá Karlskrona, KPG.

[Garún, 10.5.2009 kl. 12:05]

Ég er með þetta!   Höfum einræðisherra!  Ef ég væri einræðisherra þá myndi ég byrja á því að mála öll hús í sama póstnúmeri í sama lit. ´

Ef við hefðum einræðisherra (svona alvöru, ekki Davíð eða einhvern sem hagar sér þannig) þá væri NEI og JÁ svona rosalega einfalt og engin gæti röflað.  Ekkert mál að benda á í blame game, bara einn og svo myndu örugglega svona geggjaðir hlutir gerast.   

En ég styð þessa ríkistjórn sama hvernig hún verður.  Bara bring it on og gangið til starfa. 

[Jenný Anna Baldursdóttir, 10.5.2009 kl. 12:06]

Kristján: Af hverju gefur þú þér að hér séu kjósendur VG að tjá sig?

Hverjir setjast í ráðherrastól skiptir alla máli, hvar í flokki sem þeir standa.

Mér finnst þetta góð umræða.

Sigurbjörg: Ertu að grínast? 

Takk öll fyrir umræðuna.

[Jenný Anna Baldursdóttir, 10.5.2009 kl. 12:07]

Garún: Já eins og einhver sagði; okkur vantar góðan einræðisherra.  Ég dey.

Ég styð hana líka.  Þó það nú væri.

Komasvo krakkar - við nennum ekki að bíða.

[Kristján P. Gudmundsson, 10.5.2009 kl. 12:38]

Jenný Anna Baldursdóttir, ég er fullmeðvitaður um, að þið eru ekki allar VG, en þið eruð þó allar konur eða hvað ?

Þú leiddir hjá þér uppástungu mína um Jón fvr. skólameistara. Eru kannske þegar of margir ráðherrar af lansdbyggðinni ?

Með kveðjum, KPG.