Koma svo

Ég er eitilharður stuðningsmaður vonandi verðandi ríkisstjórnar.

En það eru forréttindi að fá að hafa fast land undir fótum, kæra Jóhanna.

Allir eru að bíða og bíða.

Reyndar telst þetta ekki langur tími í stjórnarmyndunarviðræðum en ástandið er ekki alveg hefðbundið heldur.

Væruð þið ekki til að rumpa þessu af bara?

Svo biðinni ljúki og það sem ekki síst er um vert;

að bitru Framsóknarmennirnir hætti að tuða, á öllum bloggum og bara alls staðar.

Arg.

Koma svo.

„Viljum hafa fast land undir fótum“

Athugasemdir

[Ásthildur Cesil Þórðardóttir, 4.5.2009 kl. 10:01]

Það er eins og fólk skilji ekki að almenningur er á sárum, hræddur um afkomu sína og getur einfaldlega ekki beðið lengur.  Það er því ósvífni að segja að þau hafi nægan tíma. Þau hafa hann ekki.

[Óskar Helgi Helgason (IP-tala skráð) 4.5.2009 kl. 12:31]

Heil og sæl; Jenný Anna - sem þið önnur, hér á síðu hennar !

Jenný Anna !

Vinsamlegast; spara þú - mærðar lofrulluna, til handa Jóhönnu Sigurðardóttur, hver verðskuldar ekkert - nema áunna tortryggni, sökum svigurmæla ýmissa - sem svikinna loforða.

Það eru fleirri hér; en Framsóknarmenn, sem mótmæla ofríki og ofstopa Jóhönnu, og meðreiðarsveins hennar; Gylfa Magnússonar, svo sem við; fylgjendur þeirra Guðjóns Arnars - sem og margir annarra, Jenný Anna.

Ætli; við þyrftum ekki frekar, að halda á fólki, beint úr ýmsum greinum atvinnulífsins - til stjórnunar landsins, fremur en hrokafulla stjórnmálamenn - hverjir ofurlaunaðir eru; flestir, fyrir litla vinnu - eða öngva; okkur í hag ?  

Með beztu kveðjum; úr Árnesþingi /

Óskar Helgi Helgason

[Finnur Bárðarson, 4.5.2009 kl. 14:26]

Óskar: Nú eru við búin að prófa hann Gylfa og vesalings maðurinn sagði okkur frá afleiðingum þess að hætta borga skuldir. Nokkuð sem ætti öllum að vera ljóst, og sá fékk heldur bágt fyrir. Ég held að það sé engin redding til nema viðkomandi hafi kraft Harry Potters.

[Garún, 4.5.2009 kl. 14:27]

Vá..einhvern veginn er það fyrsta orð sem mér dettur EKKI í hug þegar ég hugsa um Jóhönnu ofstopi!  En aftur á móti blikkar það stórum stöfum þegar ég les atómljóðið hér að ofan úr Árnesþingi!  úffídúffí. 

[Jenný Anna Baldursdóttir, 4.5.2009 kl. 15:05]

Garún: Þú drepur mig.

Finnur: Rétt.

Óskar Helgi: Þú ferð sem fyrr ótroðnar slóðir í skoðunum.

Ásthildur: Satt.

[Hrönn Sigurðardóttir, 4.5.2009 kl. 19:33]

Tjah... þau eru nottla bara á kaupi á meðan þau tjilla sér í viðræðum.... og heimilin og fyrirtækin brenna á meðan!!