Hipp og kúl dagsetning

Engin þörf fyrir aðra flokka, segir Jóhanna.

Okei, maður verður að lifa með því.  Segi svona.

Ég elska að segja eftirfarandi og skrifa:

VINSTRI FLOKKARNIR Á ÍSLANDI ERU MEÐ ÖRUGGAN MEIRIHLUTA - Ómæ, hvað það er dásamlegt.

En...

Ég veit að ég er frek, með straxveikina og engan skilning á að stjórnarmyndunarviðræður taka tíma, málefnavinnan ekkert hrist fram úr erminni og ladídadída, en ég var svona að vona að Steingrímur og Jóhanna myndu nota morgundaginn til að koma stjórninni formlega á koppinn.

Ég meina, er einhver dagsetning flottari fyrir vinstri stjórn en 1. maí?

1. maí stjórnin?

Ha?

Takið Ginseng og hjólið í málið.

Bara upp á flottheitin.

Já, nú þegi ég, ég skil, ég skil, ég skil.

En það væri samt ógeðslega hipp og kúl dagsetning.

Fram þjáðir menn og allur sá pakki.

Farin að baka flatböku.

Engin þörf fyrir aðra flokka

Athugasemdir

[Óskar Þorkelsson, 30.4.2009 kl. 21:19]

.. og e allt klikkar þá yrði 1 mai einkennisdagur mistaka og misheppnaðra aðgerða stjórnvalda.. má ég þá heldur biðja um 2 mai Jenný

[Himmalingur, 1.5.2009 kl. 00:13]

Steingrímur og Jóhanna telja að vika sé nærri lagi! En það hefði verið hipp og kúl 1 maí!

[Garún, 1.5.2009 kl. 00:18]

Ohh ég er alltaf smá í fýlu útí 1.maí.  Þannig er mál með vexti að þegar ég var 12 ára þá var eitthvað próf í skólanum.  Og ein spurningin var, afhverju er 1.maí merkilegur?  Og ég svaraði að þá hefði Stuðmenn samið Maístjörnuna!  Og ég fékk vitlaust fyrir það og tók það afar nærri mér.  Hvort ég hafi ætlað að dúxa eða hvað man ég ekki.  En ég held að þetta hafi verið svona kynningarpróf til að kenna okkur hvernig próf yrðu í framtíðinni.  Á sama prófi var spurt um hvað er hálendi? og ég svaraði:  Þar sem eru fjöll sem engin þorir uppá!  Ég fékk líka vitlaust.  Síðan kom önnur spurning!  Hvað er láglendi?  Og ég svaraði!  Þar sem gott er að tjalda!   Ég fékk held ég ekki eina spurningu rétta á þessu prófi og minnir að ég hafi tekið strædó nr.8 grenjandi alla leiðina heim.  Og eftir það tók bara við pönk og skítt með kerfið.

[Ía Jóhannsdóttir, 1.5.2009 kl. 07:23]

Já það hefði verið kúl 1.maí ríkisstjórn en það tekst víst ekki því miður. 

Ja hérna er  kominn 1. maí, tíminn flýgur áfram.  Góða helgi Jenný.