Styrkjamál eru smámál

Þrátt fyrir ömurlega hegðun helvítis fjölmiðlana gagnvart Sjálfstæðisflokknum og sér í lagi Guðlaugi Þór, þá bætir flokkurinn við sig milli kannana.

Gott mál, fólk sér í gegnum þessar ofsóknir fjölmiðla á hendur vesalings flokk og frambjóðenda.

Guðlaugi Þór finnst ekki að styrkjamálið hafi skaðað flokkinn.

Enda dettur ekki viti borinni manneskju slík vitleysa í hug.

Þetta með styrkina er smámál.

Bara krúttleg fjáröflun sem gekk svona andskot vel.

Hættið svo þessu böggi.

Segi ég sko ekki þingmaðurinn.

Guðlaugur telur málið ekki skaða flokkinn

Athugasemdir

[Stefán (IP-tala skráð) 16.4.2009 kl. 08:48]

Greind stuðningsfólks Sjálfstæðisflokksins virðist vera nokkuð svipuð og hjá ferfættri hjörð sem leidd er til slátrunar á haustin. Það er löngu vitað um siðleysi Guðlaugs Þórs og brenglaðar hugsanir hans þurfa ekki að koma neinum á óvart. Reyndar má stuðningshópur Illuga Sjóðs 9 eiga það, að hafa mikla andúð á Guðlaugi Þór og hans stuðningsfólki. Þar mætast stálin stinn og ekki virðist nú Guðlaugur Þór heldur njóta trausts hjá flokkseigendafélagi Björns Bjarna og Bjarna Ben, Engeyjarættinni.  

[Ásthildur Cesil Þórðardóttir, 16.4.2009 kl. 08:58]

Já svei mér þá er ég er ekki bara sammála Stefáni hér  mememe

[Erna Kristín (IP-tala skráð) 16.4.2009 kl. 09:12]

Ég er búinn með minn skammt af "að vera allri lokið".  Nú er ég bara uppgefin og orðlaus.

Er stefnan svona agalega góð?  Skiptir engu hverjir eru við völd í flokknum og hvað þeir gera eða vita?  Djöfuls rugl (afsakið orðbragðið).

[Jóhanna Magnúsar- og Völudóttir , 16.4.2009 kl. 09:51]