Hvað næst í Kópavogi?

...þegar laufin vakna,

liggja spaðarnir andvaka

Hreint dásamlegt ljóð.

En að málinu.

"Það á ekki að refsa dóttur minni fyrir að vera dóttir mín" segir Gunnar Birgisson, eða eitthvað á þá leiðina.

Hefur Gunnar aldrei heyrt minnst á hagsmunatengsl?

Að það sé í hæsta máta athugavert að dóttirin skuli fá hvert verkið á fætur öðru í útboðum, af því hún er alltaf með lægsta tilboðið?

Og afmælisritið um Kópavogsbæ sem átti að koma út 2005 og dóttirin fékk tvær millur fyrir og hefur aldrei komið út?

Kannski er það svo, en ég hélt að þetta þætti siðlaust.

Hvað er að gerast?

Hvað ætli ég sé oft búin að hrópa, nei, nú verður það ekki verra?

Dæs, oftar en ég hef tölu á og samt halda vafasömu málin áfram að dúkka upp.

Hvers lags ógeðisspillingar eru hér í hverju horni?

Hvað næst í Kópavogi?

...þegar Laufin vakna

Athugasemdir

[Lilja Guðrún Þorvaldsdóttir, 15.4.2009 kl. 16:37]

Ætli það sé sama dóttirin og tók við Byggingarfyrirtæki föður síns, þegar honum var ekki stætt á að reka það áfram undir sínu nafni þegar hann varð bæjarstjóri. - Og síðan er það sama byggingarfyrirtæki eins og í tíð Gunnars alltaf með lægsta tilboðið.  - Heppinn ?  Annars hefur hún Ingibjörg Hinriksd. bloggvinkona okkar skrifað alveg stórmerkilega pistla þar sem hún rekur söguleg samskipti sín við Gunnar Birgisson, í bæjarstjórn Kópavogs. 

Svo styrkir Geiri gullfingur dyggilega við bakið á Gunnari og öfugt. -

Og manstu þegar hinn sami Gunnar Birgisson hóf allt í einu upp raust sína á Alþingi,  og barðist hatrammlega fyrir því að leyfa box, og kom málinu í gegn á nó tæm, því öllum brá svo rosalega, því  hann hafði setið á Alþingi í áratug og aldrei heyrst frá honum múkk, svo þegar hann hætti á þingi og farið var yfir ræðutíma hans, kom í ljós að hann hafði talað samtals í 15 mínútur þann hálfan annan áratug sem hann sat á þingi. 

[Gísli Baldvinsson (IP-tala skráð) 15.4.2009 kl. 18:05]

... og ég kominn í þetta spillingabæli annars fleiri myndir af fyrirsagnabreytingum hjá mér...kv úr Kópavogi

[María Guðmundsdóttir, 15.4.2009 kl. 18:28]

held thad komi endalaust meira i ljós af ísjaka spillingarinnar á Islandi. Thvi midur thá er thetta rétt toppurinn sem vid høfum séd hingad til.

[Brjánn Guðjónsson, 15.4.2009 kl. 18:42]

hef heyrt að hún fái sjobb á kópvogskum súlustað gegn um klíku.

[Ingibjörg Hinriksdóttir, 15.4.2009 kl. 18:56]

Góð, kíkti inn í dag þá var tenging á Love in a Pub - hið stórkostlega lag Leonice.

[Helga Magnúsdóttir, 15.4.2009 kl. 18:57]

Mér finnst það allavega kostur að þetta sé smám saman að komast upp á yfirborðið en liggi ekki í láginni eins og það hefur gert til of langs tíma.

[Jenný Anna Baldursdóttir, 15.4.2009 kl. 19:30]

Ingibjörg: Tók út myndbandið af því það það er ekki lengur um ást á pöbb í Kópavogi.

Múha.

Kannski ég setji það inn aftur.  Hehe.

[Guðrún Emilía Guðnadóttir, 15.4.2009 kl. 19:56]

Jenný mín ég er ekki með neina neikvæðni, en það á eftir að verða verra og verra.
Siðleysi það kunna þeir vel í Kópavogi, eins og bara allsstaðar þar sem ást er leifð á pubunum.
Kær kveðja

Milla

[Hrönn Sigurðardóttir, 15.4.2009 kl. 21:08]

Tjah... .Þröstur er fluttur þangað..... Níd æ sei mor?

[Ía Jóhannsdóttir, 15.4.2009 kl. 21:09]

Humm.... hvers vegna finnst mér allt svo asskoti hjákátlegt sem ég les eða heyri frá landinu okkar þessa dagana?

Kópavogur hvað?

[Ingibjörg Hinriksdóttir, 15.4.2009 kl. 21:16]

Bara til að það komi fram skýrt og klárt.

Kópavogur er yndislegur bær, sem hefur sinn djöful að draga!

Ég hef búið í Kópavogi í rúm 45 ár (trúi því nú ekki þegar ég lít í spegil) og hér er yndislegt að vera. Allir sem tala illa um bæinn minn vegna bæjarstjórans þurfa að læra að hengja ekki bakara fyrir smið ...

Yfir og út

[Brjánn Guðjónsson, 15.4.2009 kl. 21:53]

takk fyrir hið snilldarlega myndan elsku kútynjan mín.

þú reddaðir öllu sem redda þurfti

[Brjánn Guðjónsson, 15.4.2009 kl. 21:55]

myndband vildi ég sagt hafa

[Brjánn Guðjónsson, 15.4.2009 kl. 21:57]

þetta er ekki ást á pöbbnum, heldur ást í Wales.

save the W(h)ales

[Steingrímur Helgason, 15.4.2009 kl. 22:39]

"Það er réttlát refzíng karlmanna fyrir að fæðazt & lifa sem slíkir, að eignazt dætur"...

[Helga Kristjánsdóttir, 16.4.2009 kl. 02:21]

 Kópavogur er góður bær börn mín áttu hér yndislega æsku, þá voru moldargötur holóttar flest lakara en í höfuðborginni . Frelsi til að leika sér um allt. Svo kom Gunnar og allt útlit bæjarins breyttist,hann vann stórvirki,dugmikill kall.  Svo er annað, sú stund kemur ævinlega að nóg er komið,en við búum við lýðræði, menn bjóða sig fram og hljóta kosningu,sumir æmta aðrir fagna.

[Jón Steinar Ragnarsson, 16.4.2009 kl. 03:06]

Það vill oft brenna við að embættismenn okkar geri ekki greinarmun á opinberum rekstri og einkarekstri. Klíkuskapur er sjálfsagður í einkafyrirtækjum, en á ekki að þekkjast hjá hinu opinbera. Samt er hið opinbera blygðunarlausast og fremst í flokki hvað þetta varðar. Prófaðu að kíkja á nefndir og ráð hjá borginni og teldu til hve margir eru skyldir eða tengdir þeim sem sitja í borgarstjórn.

Síðast þegar ég gáði, var hitt frekar undantekning. Þetta gildir líka um þá aðila sem veljast til verktöku, eins og ég skrifaði svo langt mál um þegar Heilsugæslustöðinni heitinni var úthlutað rekstri áfangaheimila fram yfir SÁÁ, verandi með núll reynslu og þriðjungi hærra tilboð. Það var lagað fyrir vælið í okkur, svo keep up the good work.

Ljóðið hét annars "Meðan laufin sofa liggja spaðarnir andvaka". Mátt ekki flaska svona á höfuðritum bókmenntafræðinnar.

[Jón Steinar Ragnarsson, 16.4.2009 kl. 03:10]

Fín þessi hárhúfa og hormotta, sem eiginmaður Leonci bregður sér í þarna í þessum Oscarsperformans.  Frábær tenging við efnið að taka myndbandið á bar. Hverjum hefði dottið það í hug önnur en snillan og ofurpjallan Leonci.

[Eygló, 16.4.2009 kl. 03:31]

Mér finnst fínt að búa í Kópavogi (hef reyndar engan samanburð) hef enda búið hér í 59ár og foreldrar mínir fluttu hingað fyrir 65 árum.

Man þess vegna "alla söguna" (þ.e. eins og minnið leyfir)

Þeir sem hafa átt eitthvað við Gunnar Birgis að sælda, bera honum allir illa söguna.

Man hvað mér varð um og ó þegar ég spurði byggingarmeistara hvort eitthvað væri hæft í slúðrinu um Gunnar. Þessi maður er dagfarsprúður og ég hef aldrei heyrt hann slúðra. Hann sagði stutt og laggott (reyndar með hvössum rómi): "Hann er glæpon"