Í heví hópefli á Tortóla

Auðjöfrarnir sjást ekki á götum Reykjarvíkur, er haft eftir heimildarmanni, í samtali við breska dagblaðið Daily Telegraph en í dag eru þeir með umfjöllun um rannsókn á íslenska bankahruninu.

Já, víst er að nú er hún Snorrabúð stekkur.

Nú sést enginn Bjöggi eldri á röltinu í Austurstræti til að skoða lendur sínar og rabba við þegnana.

Nú eru engar uppákomur við Fríkirkjuveg 11 (sem ég heimta að verði fært aftur í hendur Reykvíkinga).

Nú er ekki hægt að rekast á Jón Ásgeir á djamminu.  Ónei, ónei. 

Ég held að þeir séu allir á Tortóla strákarnir.

Í heví hópefli.

Auðjöfrar landsins sjást ekki á götum Reykjavíkur

Athugasemdir

[Edda Agnarsdóttir, 13.4.2009 kl. 13:23]

Ég vil fá Fríkirkjuveginn aftur í hendur aldraðra árið 2010, þá get ég farið að nostalgíast í kjallaranum og þú getur komið tveimur árum seinna, fyrr ert þú ekki lögleg væna, krafist verður nafnskírteinis!

[Ingibjörg Hinriksdóttir, 13.4.2009 kl. 13:47]

Nafnskírteini ... vá maður, hvað ætli ég hafi gert við mitt 4636-????

[Jenný Anna Baldursdóttir, 13.4.2009 kl. 17:28]

Stefán: Takk fyrir ábendingu, búin að breyta.

Þrymur: Hvað ert þú að setja andlátsfregn af manni sem hefur ekkert með þessa færslu að gera í kommentakerfið?

Takk stelpur.

[Lilja Guðrún Þorvaldsdóttir, 13.4.2009 kl. 20:54]

Er Fríkirkjuvegur 11, ekki nú þegar komin aftur í hendur Reykjavíkurborgar????? Það hlýtur nú eiginlega að vera. - En mér líst mjög vel á að endurvekja þann stað til lífsins, ég er m.a.s. búin að rifja upp nafnnúmerið á nafnskírteininu mínu. - En ætli þeir mundu ekki bara þyrpast heim frá Tortóla þessir útrásarvíkingar, það verður náttúrulega enginn friður fyrir þeim.

[Magnús Geir Guðmundsson, 13.4.2009 kl. 22:27]

En vitið þið hvað? Sjálfur Bónushöfðingin Jóhannes er hvergi týndur, sýnir sig allavegareglulega í búðinni/búðunum hér nyrðra! En hann er nú kannski ekki "Útrásarvíkingur" ekki þannig séð nema til Færeyja þá!

ertu ekki annars hress Jenný mín með vaxandi vor í hjarta?