Fyrir hvað var verið að borga?

 

Það þurfti efnahagshrun heillar þjóðar til að innviðir flokksins eina færu að bresta.

Að hið rétta andlit Sjálfstæðisflokksins kæmi í ljós.

Ég bloggaði um það í gær að spillingin væri rétt að byrja að koma upp á yfirborðið.

Því miður hafði ég rétt fyrir mér.

Fyrst komu þessi algjörlega siðlausu styrkir (lesist mútur) fram í dagsljósið.

Í dag kemur í ljós að Guðlaugur Þór hafði milligöngu um peningana.

Hvers lags forarpyttur er þessi flokkur eiginlega?

Nú stendur eftir spurningin um fyrir hvað var verið að borga?

Eitthvað var það svo mikið er víst.

P.s. Höfundur þessa frábæru merkja er bloggvinur minn hann Guðsteinn Haukur og mér leiðist ekki þetta frábæra framtak hans.

Guðlaugur Þór hafði forgöngu um styrkina

Athugasemdir

[Guðsteinn Haukur Barkarson, 9.4.2009 kl. 10:51]

Sammála hverju orði Jenný Anna, og takk fyrir að birta merkin og um leið styðja málsstaðinn um að fyrirbyggja að þessi spillingaröfl komist aftur til valda!

[María Guðmundsdóttir, 9.4.2009 kl. 10:54]

mikid sammála og merkin enn betri, akkúrat thetta sem thessi úldni flokkur stendur fyrir og ef hann kemst til valda aftur, ja thá er bara eitthvad alvarlegt ad islensku samfélagi..

knús og góda páska til thin

[Ingibjörg Hinriksdóttir, 9.4.2009 kl. 10:55]

Rétt hjá þér Jenný, en bera þeir Guðlaugur og Geir alla ábyrgð? Guðlaugur hefur harðneitað þessu þó sjallarnir virðist vera tilbúnir til að fórna honum. Hvernig stendur á því? Þett er að Guðlaugur Þór barðist mjög fyrir því að Kristján Þór yrði formaður Sjálfstæðisflokksins, er N1 Bjarna Ben armurinn að launa honum það með því að kasta honum fyrir ljónin?

Svo spyr ég hvort Geir sé ekki að taka fallið frá útlöndum? Hann er hættur og verður ekki bendlaður við framtíð flokksins þó hann virðist eiga að bera alla ábyrgð á gjörðum hans frá fyrri tíð.

Varst það ekki þú sem bentir á Pandóru boxið? Hér eru einhverjir ormar að skríða út um holur og göt, við skulum sjá hvað fylgir í kjölfarið. Ef ég þekki rétt til þessa flokks þá eru þeir þegar farnir að grafa upp gamlar syndir hjá hinum flokkunum - nú er bara að bíða og sjá!

[Sigrún Jónsdóttir, 9.4.2009 kl. 11:30]

Frábær merki!  ...nú er komið að hinum REI flokknum að opna bókhaldið fyrir þetta ár.  Hvað ætli Björn Ingi og Co. hafi fengið mikið fyrir "sinn snúð"?

[Hrönn Sigurðardóttir, 9.4.2009 kl. 11:31]

Frábært nýja logoið fyrir sjallana

[Erla (IP-tala skráð) 9.4.2009 kl. 11:36]

Hér verður safnað saman sögum um Sjálfstæðisflokkinn. Öllum er frjálst að setja inn efni (comment), undir fullu nafni eða dulnefni, skiptir ekki máli. Aðalmálið er að fá sögurnar. Hvernig flokkurinn hefur byggt upp veldi sitt og lagt undir sig heilt þjóðfélag.
http://einu-sinni-voru-sjallar.blogspot.com/

[Edda Agnarsdóttir, 9.4.2009 kl. 12:02]

Þarna hefur greinilega átt að sætal agi og koma á samskiptum í það minnsta við flokkinn eftir alla óvildina á milli Dabba og þeirra sem mútuðu með styrknum.

En Guðlaugur kallinn hljóp í fenið og Geir fylgdi með.

[Adda Laufey , 9.4.2009 kl. 13:22]

gleðilega páska!