2000 kall á mann!

 

Vitið þið að ég er í sjokki og ég er ekki að ýkja.

Greiðsluaðlögun, fjárhagsvandi heimilanna, atvinnuleysi og allur sá pakki er dropi í hafið.

Ef það er rétt sem ég var að heyra sagt í Silfri Egils núna rétt áðan.

Þar var því haldið fram að til að greiða upp skuldir þjóðarinnar eftir útrásarsukkið þá þurfi hvert mannsbarn á jörðinni að gefa okkur tvöþúsund krónur.

Loksins er ég að átta mig á hvað allir þessir milljarðar þýða.

Upphæðirnar eru of stórar til að ég hafi náð utanum þær fram að þessu.

En þetta skil ég, 2000 krónur frá hverju mannsbarni jarðarinnar.

Eigum við að ræða þetta eitthvað frekar?

Mikil er skömm allra þeirra stjórnmálamanna og annarra aðila sem áttu að gæta hagsmuna íslensks almennings.

Og hér blóta ég hressilega.

Yfir 1000 hafa sótt um greiðsluaðlögun

Athugasemdir

[Guðríður Hrefna Haraldsdóttir, 5.4.2009 kl. 14:04]

Þetta er gjörsamlega ótrúlegt. Ég er fyrir löngu búin að missa tilfinninguna fyrir háum fjárhæðum (nema í eigin heimilisrekstri) en þarna áttaði ég mig loksins, eins og þú.

[Huld S. Ringsted, 5.4.2009 kl. 14:05]

Þetta er skelfilegt! Ekki beint uppörvandi

[Guðmundur St Ragnarsson, 5.4.2009 kl. 14:06]

Það hjálpar ekkert að blóta Jenný en ég er sammála þér, fullkomlega. HVar var Alþingi, FME, Seðlabankinn, ríkisstjórnir fyrri ára? Mikil er skömm þeirra. Útrásavíkinga, bankastjórnendur og eigendur bankanna á að gera útlæga og ákæra fyrir landráð!

[Kolbrún (IP-tala skráð) 5.4.2009 kl. 14:35]

Mikilvægara er kannski að spyrja hvort við ætlum að reyna að borga þetta??? Ætlar ríkistjórn Íslands (hvaða flokkar sem þar verða eftir kosningar) að pína almenning í skuldaþrældóm næstu áratugi???

[Finnur Bárðarson, 5.4.2009 kl. 15:19]

Kolbrún enginn mun þurfa að pína okkur í þrældóm við erum nú þega kominn í hann og hann mun vara nánast um ókomna eilífð.

[Ragna Birgisdóttir (IP-tala skráð) 5.4.2009 kl. 15:26]

Já sæll.Maður skilur ekki þessa trilljónatölur og það er líklega best.

[zappa (IP-tala skráð) 5.4.2009 kl. 15:43]

ekki ætla ég að borga meir en mér ber og mun verja heimilið með öllum þeim vopnum sem tiltæk eru og gáfust vel í búsáhaldabyltingunni og mun jafnvel grýta sýslumann með pottum ef hann reynir að krefja mig greiðslna fyrir glæpi annara,ég er bara búin að fá nóg..og tel að þó allar sjónvarpstöðvarnar gengust fyrir söfnun mundi það engu skila nema til símans,svo bara sækja glæpamennina,það er alveg hægt að "persónugera"vandann.þó fyrrverandi formaður sjálfstæðisflokksins hafi talið annað....

[Brjánn Guðjónsson, 5.4.2009 kl. 15:55]

ég tek ekki þátt í þessu. borga ekki annarra manna skuldir.

segi mig út lögum við ananaslýðveldið og stofna mitt eigið. Brjánsistan.

kynni fánann síðar.

[Birna Dis Vilbertsdóttir (IP-tala skráð) 5.4.2009 kl. 16:15]

Ég borga ekki annarra manna skuldir og sukk.Er sammála Guðmundi St.Horfði ekki á Silfrið fór út  að mótorhjólast,það er mikið skemmtilegra fæ svo fréttirnar hér.

[Hrönn Sigurðardóttir, 5.4.2009 kl. 16:38]

tvöþúsundkallákjaft........

[Finnur Bárðarson, 5.4.2009 kl. 16:52]

Er pláss fyrir fleiri í lýðveldinu Brjánistan ? Alveg til í að skella mér þangað.

[Jón Bragi Sigurðsson, 5.4.2009 kl. 19:42]

Ég er feginn að búa ekki á Íslandi núna.

Athyglisvert væri þá að heyra lagalegu hliðina á því hvort íslenska ríkið þ.e. skattborgarara Íslands séu virkilega skyldugir til að borga allt sukkið.

Ég er náttúrlega ekki hlutlaus, en mér finnst framtíð fólks á Íslandi mikilvægari, eða alla vega jafn mikilvæg, og til dæmis peningar Hollenskra sveitarfélaga sem áttu peninga í Icesafe.

Það var annars eitthvað svo absúrt og "verklighets-fremmande" að sjá DO hálf-fullan á landsþingi með skæting og aulabrandara. Svei mér þá ef ég er ekki búinn að gefa upp vonina um að hann verði einhvern tíma fullorðinn....

[Ibba Sig., 5.4.2009 kl. 19:49]

2000 kall á kjaft. Líka frá fólkinu sem lifir á einum dollara á dag.

[Sigurður Þorsteinsson, 5.4.2009 kl. 22:38]

Mikið rétt og hvernig stöndum við okkur núna. Jú, þegar allt er í rúst þá erum við með 22% runstýrivexti, sem eru þeir hæstu í heimi. Er það gert til þess að færa fjármagn frá skuldurum til fjármagnseigenda? Er það gert til þess að rústa því sem ennþá lifir af fyrirtækjunum? Nú þurfum við að koma okkur aftur niður á Austurvöll með spjöldin. Seðlabankastjórann heim. Vanhæf ríkisstjórn!

Jenný, þú lætur þig ekki vanta.