Get ég brotið bankaleynd?

Fjármálaeftirlitið virðist vera ríki í ríkinu.

Þeir lúta sínum eigin lögmálum. 

Þeir gefa ekki upplýsingar, sama hvort í hlut á ráðherra eða aðrir sem ætla mætti að væru til þess bærir að spyrja.

FME gerir hina harðlokuðu frímúrarareglu með öll sín leyndarmál eins og opin og utanáliggjandi samtök með munnræpu.

Nú þegar Egill Helgason, Þorbjörn Þórðarson, Agnes Bragadóttir og Kristinn Hrafnsson hafa sem blaðamenn lagt mikla vinnu í að upplýsa þjóðina um hvað gerðist (og er að gerast) bak við tjöldin og hafa reynt að ná til botns með hvað olli hruninu og þeirri staðreynd að við séum nánast gjaldþrota þjóð, þá rífur FME sig upp á rassgatinu og sýnir frumkvæði.

Nú þykir mér skörin vera farin að færast upp í bekkinn.

FME að sýna frumkvæði er eitthvað svo stórkostlegt að það verður skráð í sögubækur.

Verst að frumkvæðið beinist í alveg kolvitlausa átt.

Ég trúi því ekki fyrr en ég tek á að viðskiptaráðherra leiði þá ekki frá villu síns vegar.

Ég er alveg til í að fara með hávaða á götum úti ef það hjálpar.

Það er nefilega stórkostlega mikið í húfi að blaðamenn verði ekki kúgaðir til þagnar.

En svo ein heimskuleg spurning sem ég er að velta fyrir mér hérna.

Getur maður brotið bankaleynd verandi ekki bankastarfsmaður?

Get ég þá brotið bankaleynd?

Hvílir bankaleynd á hinum almenna borgara og hinum almenna blaðamanni?

Halló, eruð þið viss um að við séum á Íslandi?

Rugl.

Viðskiptaráðherra vill blaðamenn úr snörunni

Athugasemdir

[Ben.Ax. (Benedikt Jóhannes Axelsson), 3.4.2009 kl. 15:44]

Nauðsyn brýtur lög.

[María Guðmundsdóttir, 3.4.2009 kl. 16:09]

[Gullvagninn (IP-tala skráð) 3.4.2009 kl. 16:12]

Bús-byltingin hætti of snemma, fjármálaeftirlitið gleymdist, ... og meðal annars, stjórnarandstaðan (gamla) var jafn sek og stjórnin.

Við virðumst ætla að ganga sjálfviljug í þessa hlekki, bless frelsi, lýðræði og fjárráð.

[Soffía, 3.4.2009 kl. 16:42]

Þessi spurning þín er bara ansi rökrétt.  Verandi fyrrv. bankastarfsmaður þá man ég að þurfa eftir að hafa skrifað upp á bankaleyndarplagg (afsakið orðið en þetta lýsir plagginu ágætlega) en síðan hvenær hafa blaðamenn eða hreinlega ekki-bankamenn skrifað upp á svoleiðis .  Góður punktur hjá þér eins og oft áður. 

[Soffía, 3.4.2009 kl. 16:43]

mínus - að þurfa - er ofaukið hjá mér, úps

[Birna Dis Vilbertsdóttir (IP-tala skráð) 3.4.2009 kl. 16:48]

Það virðist sem það sé mikið að fela,eða öðruvísi get ég ekki skilið þessa leynd.En hvernig getur blaðamaður brotið bankaleynd????Hefur þetta fólk ekkert þarfara að gera????Fíflalegt þetta